TOP

Poliisi ya Uganda yeesasulizza ku ba ,Mai Mai

Added 26th May 2018

Poliisi ya Uganda yeesasulizza ku ba ,Mai Mai

 Martin Okoth Ochola

Martin Okoth Ochola

ABEEBYOKWERINDA mu Ugganda beesasuliza ku bayeekera ba Mai Mai okuva mu DR Congo abaawambye Bannayuganda mukaaga bwe bakutte abaabwe 26.

Omuduumizi wa poliisi mu Uganda, Martin Okoth Ochola yagambye nti, abayeekera ba Mai Mai baakubidde aba famire z’abantu be baawambye ne babategeeza nga Gavumenti ya Uganda bw’erina okusooka okubawa bookisi z’amasasi 10, balyoke bayimbule abantu baabwe.

Ochola yagambye nti bino olwabagudde mu matu nabo ne bakola ekikwekweto mwe baakwatidde abavubi abaabadde basaze okudda ku ludda lwa Uganda 26, abateeberezebwa okubeera n’enkolagana n’abayeekera bano.

Ochola yategeezezza nti, basuubira abamu ku bawamba abantu bayinza okuba ng’abayeekera bano babalinamu omukono n’ekigendererwa ky’okunoonya ssente okusobola okutwala mu maaso ebikolwa byabwe eby’ekitujju.

Guno si gwe mulundi ogusoose ng’abayeekera okuva mu mawanga agatuliraanye okuwambaabantu n’okusaba Gavumenti ssente ng’akamu ku bukwakkulizo okusobola okuyimbula ababeera bawambiddwa.

Mu August wa 2016, waliwo ekibinja ky’abayeekera okuva mu South Sudan ekyawamba Bannayuganda mukaaga abaali batunda embaawo mu disitulikiti y’e Lamwo ne basaba aba famire zaabwe okubawa doola 890, buli muntu balyoke babayimbule.

Mu mwaka gwe gumu, abayeekera okuva ku ludda olwali luwagira Dr. Riek Machar, eyaliko omumyuka wa Pulezidenti wa South Sudan, baawamba Bannayuganda 41, ku luguudo oluva e Nimule okudda e Juba ne bakubira abantu baabwe nga babasaba ssente empitirivu balyoke babayimbule.

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...