TOP
  • Home
  • Amawulire
  • Ziizino ensonga ezaayambye FDC okumegga NRM e Rukungiri

Ziizino ensonga ezaayambye FDC okumegga NRM e Rukungiri

Added 2nd June 2018

Umar Kiyimba eyakuliddemu okulondesa yalangiridde Muzanira ku buwanguzi ku ssaawa 11:13 nga bukya ku Lwokutaano nga yafunye 5,0611. Matsiko owa NRM eyamuddiridde yafunye 4,6379, Sezi Prisca Bessy Mbaguta (993) ate Fabith Kukundakwe owa PPP n’afuna 183.

 Muzanira ng'akuba akalulu akaamuyisizzaamu.

Muzanira ng'akuba akalulu akaamuyisizzaamu.

OWA FDC Betty Bamukwatsa Muzanira yalangiriddwa ku buwanguzi bw’omubaka omukazi owa disitulikiti y'e Rukungiri oluvannyuma lw’okusinga Winifred Matsiko Komuhangi (NRM).

Umar Kiyimba eyakuliddemu okulondesa yalangiridde Muzanira ku buwanguzi ku ssaawa 11:13 nga bukya ku Lwokutaano nga yafunye 5,0611. Matsiko owa NRM eyamuddiridde yafunye 4,6379, Sezi Prisca Bessy Mbaguta (993) ate Fabith Kukundakwe owa PPP n’afuna 183.

Abawagizi ba Muzanira baatandikiddewo okujaganya ku Lwokuna, oluvannyuma lw’obululu okutandika okubalibwa mu bifo eby'enjawulo nga kulaga nti omuntu waabwe yabadde akulembedde.

Mu kiseera ky’okubala obululu, Matsiko yeekandazze n’afuluma ekisenge mwe baabadde babalira obululu.

Obuzibu bwavudde ku kifo ekimu ekironderwamu okulaga nti Matsiko yabadde afunye 695 ate Muzanira ng’afunye 80.

Aba FDC baabiwakanyizza kuba foomu ze baabadde nazo nga ziraga nti Matsiko yafunye 276 ate Muzanira 117 mu kifo kye kimu.

Akakiiko k'ebyokulonda kaasazeewo okutwala ebyabadde ku mpapula ezaabadde zikwatagana n’eza FDC, ekintu ekyawalirizza Matsiko okwekandagga n’afuluma.

Matsiko yalumirizza nti, obululu bwe bwabiddwa aba FDC era n’awera nga bw'agenda okuddukira mu kkooti esazeemu obuwanguzi bwa Muzanira kuba babbye obululu bwe ne bakatagga.

EBYAYAMBYE MUZANIRA OKUWANGULA

Col. Kizza Besigye eky’okuba ng’azaalwa mu kitundu kino era nga mulonzi yaggyeeyo n’ago mu buto okulaba nga tawangulwa mu kitundu kye. Kuno kwegasseeko n’obumu obwayoleseddwa ab’oludda oluvuganya abeegattiddwaako Loodi Meeya Erias Lukwago, Robert Kyagulanyi 'Bobi Wine' (Kyaddondo East) n’ebikonge bya FDC ebirala.

Abantu b'e Rukungiri obwedda balumiriza Gavumenti okubasuulirira kuba abaana baabwe abanene abaali mu Gavumenti bangi baasuulibwa.

Mu kiseera kino nga tebakyalaba bantu nga Jim Muhwezi, Henry Tumukunde n’omugenzi Gen. Aronda Nyakairima balaba nga we baava tebalina yabaddira mu bigere.

Embeera y’amakubo amabi mu disitulikiti abantu baagyesibyeko nnyo nga bagamba nti Gavumenti yabeerabira naddala ekkubo eriva e Rukungiri okudda e Kanungu bbi nnyo.

Wadde nga gye buvuddeko Pulezidenti yagenda e Rukungiri n’abagabira ebintu bya bukadde kyokka ab’oludda oluvuganya obwedda bakitaputa nti abikola lwa kuba tebamuwagira.

Abamu baalumirizza nti okulonda mwetabiseemu enjawukana z’eddiini. Muzanira Mukatolikiti ate Abakatoliki bangi e Rukungiri ate nga Matsiko Mukrisitaayo.

Abalonzi abamu obwedda balumiriza Matsiko okwetumiikiriza n’alonda ng’akkiriza okukwata ku Konsitityusoni ekintu kye bagamba nti teyabeebuuzaako era tewali yamutuma. Obutamulonda kwabadde kumubonereza.

Disitulikiti y'e Rukungiri yasangiddwa ng’erimu abawagizi ba FDC abawerera ddala. Ku babaka abana abaalondebwa mu 2016, NRM yawangulako babiri ne FDC babiri, kino kitegeeza nti ab’oludda oluvuganya baabadde ne we batandikira.

More From The Author

Emboozi z’omuwandiisi endala

Emboozi endala

Ab'e Kawempe balaajanye ku ...

okulaajana kuno baakukoze oluvannyuma lwa Ahmed Lukwago eyeegwanyiza ekifo ky’obwa kkansala bw’omuluka guno okukulemberamu...

Wakayima atangaazizza ku mp...

"Nze Wakayima Musoke Hannington Nsereko era abo abatidde akalulu bakkakkane kuba ffirimbi yavugga dda Kati tulinze...

Ennyumba y'oku kiggya abamu ku b'Engabi gye baagala Yiga aziikibwe. Ebifaananyi bya JOHN BOSCO MULYOWA

Abengabi beeyawuddemu ku by...

ABAKADDE b’ekkanisa ya Pasita Abizzaayo Yiga eggulo baatudde mu lukiiko olw’amangu olw’enkaayana ezaabaluseewo...

Paasita Bujjingo ng'agumya Jengo, mutabani w'omusumba Yiga

Ebiri mu katambi ka Paasita...

Ku Ssande nga October 25, 2020, Ssenyonga yasinziira mu kusaba mu kkanisa ye n’alumba abasumba ab’enjawulo omwali...

Paasita Ssennyonga ng'agugumbula Yiga mu lukung'aana lwa bannamawulire lwe yatuuzizza ku kkansisa ye

Okufa kwa Yiga kusajjudde e...

AKATAMBI Pasita Ssenyonga ke yakutte nga Yiga tannafa kongedde okusiikuula abasumba ne beetemamu ng’abamu boogerera...