TOP
  • Home
  • Amawulire
  • Ebizuuliddwa ku mwana w'omugagga eyeetugidde mu kisenge byewuunyisa

Ebizuuliddwa ku mwana w'omugagga eyeetugidde mu kisenge byewuunyisa

Added 6th June 2018

Ebizuuliddwa ku mwana w'omugagga eyeetugidde mu kisenge byewuunyisa

 Nakazibwe

Nakazibwe

EBIPYA ebizuuse ku muwala w’omugagga w’e Nalukolongo Hajji Hussein Makanga eyeetugidde mu kisenge kye mu kiro ekyakeesezza Mmande byewuunyisa.

Ebizuuliddwa biraga nti obuzibu bwavudde ku ssimu ya nnyina gye yabadde amubanja eyabadde emuwambiddwaako abasomesa oluvannyma lw’okugikukusa n’agiyingiza mu ssomero ekintu ekimennya amateeka g’essomero ku Lwomukaaga oluwedde.

Aisha Nakazibwe, 17, abadde asoma mu S3 ku St. Kizito SS e Kabowa yaziikiddwa e Butambala ku Mmande. Hajji Hussein Makanga taata w’omugenzi yategeezezza nti muwala we nga tenneeyimbamu muguwa yasoose kuwandiikira bakulira ssomero bbaluwa ng’abasaba ekisonyiwo olw’okumenya amateeka n’ayingiza essimu.

Agamba nti ebbaluwa zinozaazuuliddwa nnyina Joseline Ssanyu ne muto we mu kisenge ky’omugenzi nga yabadde azikukulidde mu bitabo bye nga kwabaddeko n’eriko akabonero k’essomero eyawandiikibwa omumyuka w’omukulu w’essomero nga June 2, ng’eyita bazadde be boogere ku nsonga z’omwana waabwe olw’okukwatibwa n’essimu.

Wabula yadde ebbaluwa eno yali ya bazadde, Nakazibwe teyagibawa nga mu bbaasa mwe yasangiddwa mwabaddemu n’endala nnya ze yabadde awandiise nga yeetondera abakulira essomero.

Okufa kwa Nakazibwe kwatabudde Hajji Makanga ne mukyala we Ssanyu era gye baggweeredde nga Ssanyu alumirizza bba okubeerako ky’amanyi ku nfa y’omwana. Eggulo oluvunnyuma lw’okuzuula ebbaluwa zino Ssanyu yeetondedde bba Hajji Makanga n’amusaba amufunire enju endala.

More From The Author

Emboozi z’omuwandiisi endala

Emboozi endala

Omusango gwa Kibalama gulek...

OMUSANGO gwa Moses Kibalama ogw’obwannanyini bw’ekibiina kya NUP gwakusalwa nga October 16. Kyokka we banaagusalira...

Kibalama

Kibalama ayogedde lwaki yak...

EYALI Pulezidenti w’ekibiina kya National Unity and Reconciliation Party (NURP) Moses Nkonge Kibalama, agamba nti...

Owa North Korea yejjusizza ...

AMAGYE ga North Korea okutta munnansi wa South Korea gwe baasanze abuuse ensalo ng’ali mu mazzi gaabwe biranze....

Omukungu wa Twaweza ng'annyonnyola

Aba Twaweza bafulumizza ali...

LEERO Mande September 28, 2020 giweze emyaka 15 nga Uganda eyisizza etteeka erikkiriza abantu okufuna amawulire...

Amaka ga Seya Sebaggala

Seya alese omukululo mu byo...

EBYOBUFUZI ebyali bibuutikiddwa abayivu, Seya yabikyusa n’abiyingizaamu n’abantu ba wansi abaali beerabiddwa.