TOP

Gavt eyongedde amaanyi mu bulunzi bw'enjuki

Added 8th June 2018

GAVUMENTI ng’eyita mu minisitule y’eby’obulimi eyongedde amaanyi mu kutumbula obulunzi bw’enjuki mu disitulikiti 24 ezisangibwa mu masekkati g’eggwanga.

 Omulunzi w’enjuki (eyeekapise ku kkono) ng’akwasibwa enjuki ezaabaweereddwa

Omulunzi w’enjuki (eyeekapise ku kkono) ng’akwasibwa enjuki ezaabaweereddwa

Okusinziira ku kamisona avunaanyizibwa ku by’ebiwuka, Fredrick Luyimbaazi, gavumenti yasazeewo okuzuukusa obulunzi bw’enjuki oluvannyuma lw’okukizuula nti abalimi bangi babadde baava dda ku by’okuzirunda ng’entabwe yava ku balimi abasusse okufuuyira ebirime byabwe ekigoba enjuki n’okuzitta.

Luyimbaazi agamba nti enjuki zeetaagibwa nnyo abalimi olw’omulimu gwe zikola ogw’okutambuza enkwaso eyamba ku birime okusobola okubala ennyo.

“Twagala abalimi bakendeeze ku kufiiyira nga bakozesa eddagala ery’obulabe eri obutonde nga mwe muli n’enjuki ate ez’omugaso ennyo gye bali.

Ennaku zino n’ayagala okusaggula ekisambu ng’ateekateeka ennimiro afuuyira bufuuyizi, abalala bookya empiira enjuki ne bazookeramu, ebyo byonna bwe twagala okulwanyisa mu nteekateeka eno,” Luyimbaazi bwe yagambye.

Luyimbaazi yabadde ayogera eri abalunzi b’enjuki n’abakulembeze ba disitulikiti y’e Kayunga abaakulembeddwaamu omumyuka wa ssentebe, Charles Mubiru ku Lwokubiri ng’aba minisitule batutteyo emizinga gy’enjuki, ebyambalo ebikozesebwa okuwakula enjuki, n’ebikozesebwa ebirala nga byonna bibalirirwamu obukadde 15.

Alice Kangavve, atwala eby’enjuki mu minisitule y’ebyobulimi yategeezezza nti ezimu ku disitulikiti eziri mu nteekateeka y’okuzzaawo okulunda enjuki mulimu Mukono, Kayunga, Buikwe, Luweero, Buvuma, Wakiso, Mayuge, Kamuli, Luuka ne Iganga.

Kangavve yagambye nti enteekateeka eno yaakumala emyaka 5 ng’erimu obuwumbi 7.

More From The Author

Emboozi z’omuwandiisi endala

Emboozi endala

Olukiiko lwa NRM e Bukasa L...

WABADDEWO okusika omuguwa ku Ofiisi za NRM e Bukasa-Masozi mu Ggombolola y'e Bweyogerere mu Munisipaali y'e Kira...

Aba Takisi mu ppaaka y'oku ...

WABALUSEWO obutakanya mu ba takisi mu  ppaaka y'oku kaleerwe ekiwayi ekimu bwe kirumirizza nanyini ttaka kwe bakolera...

Nalweyiso ng'atottola obulamu bw'ekkomera

Gwe baakwatira mu Curfew ne...

OMUYIMBI  eyakwatibwa olw'okugyemeera ebiragiro bya pulezidenti oluvudde mu kkomera e Kigo nayiiya oluyimba lw'atumye...

Abaabadde batendekebwa okuyamba abakoseddwa mu mataba.

Ab'e Kasese abaakosebwa ama...

ABANTU b'e Kasese abaakosebwa amataba olw'omugga Nyamwamba okwabika bakyalaajanira gavumenti okubayamba waakiri...

 Abdallah Mubiru ng'ayogerako n'abazannyi be

Mubiru atendeka Police FC a...

OMUTENDESI wa Police FC, Abdallah Mubiru, aweze nga sizoni ejja bw’alina okulaba nga ttiimu ye evuganya ku bikopo....