TOP
  • Home
  • Amawulire
  • Embeera ya Nambooze etiisizza omwami we Bakireke

Embeera ya Nambooze etiisizza omwami we Bakireke

Added 19th June 2018

Embeera ya Nambooze etiisizza omwami we Bakireke

 Betty Nambooze ku kitanda e Kiruddu

Betty Nambooze ku kitanda e Kiruddu

BBA w’omubaka Betty Nambooze, Henry Bakireke agambye nti embeera ya mukyala we buli lunaku yeeyongera okwonooneka. Nambooze wakati mu maziga yategeezezza nti ekifuba, olubuto n’omugongo tebimuganya wadde okutuula olw’obulumi naye ne bw’annyonnyola abasawo ne poliisi tebakitegeera kati balooya be bokka be basobola okumuyamba. Eggulo Nambooze yazzeemu n’atwalibwa mu kyuma ekikuba ebifaananyi kyokka abasawo baagambye nti bye bazudde bikyali bya kyama.

Nambooze yaweebwa ekitanda mu kasenge nnamba 7B5 ku mwaliiro ogw’omusanvu mu ddwaaliro ly’e Kiruddu.

ABASAWO KYE BAGAMBA Akulira eddwaaliro ekkulu e Mulago, Dr. Byarugaba Baterana yategeezezza nti balina obusobozi bwonna obulabirira omubaka Nambooze. Yagambye nti baamutaddeko abasawo abakugu mukaaga okuli Dr. Charles Kabugo (akulira Kiruddu), Dr. Emmanuel Sseremba, Dr. Fred Nakwagala, Dr. Robert Mukisa ne Dr. Waiswa. ‘‘Nange nkolera wamu nabo era bwe tunaalaba nti embeera yeetaagisa okumutwala tugenda kumukkiriza naye ekiseera kino tukyamusobola,” Byarugaba bwe yagambye.

Yategeezezza nti bamukebera buli kiseera kyokka tebasobola kumala googera bikwata ku mbeera ya mulwadde waabwe okuggyako ye nga yaasazeewo okubuulira bannamawulire. BANNAMATEEKA BAWERA Banamateeka ba Nambooze balabudde nti tebasobola kukkiriza muntu waabwe kutulugunyizibwa kyenkanidde awo nga batudde. ”Tutwala musango wa Meddie Kaggwa akulira akakiiko akakola ku ddembe ly’obuntu tumusabe ajje alabe embeera y’omubaka.

Ababaka bagenda wa Sipiika Rebecca Kadaga kumutegeeza ku mbeera eno nga bwe tutwala n’omusango mu kkooti” Erias Lukwago puliida wa Nambooze bwe yagambye. Yalaze lipooti ya palamenti ekwata ku bulwadde bwa Nambooze n’ategeeza nti sipiika yali yamukkiriza dda addeyo e Buyindi akeberebwe era abadde mu nteekateeka zirinnya nnyonyi. Yagambye nti Nambooze mulwadde nnyo era bw’omulaba akwasa ennaku kyokka abaserikale kino tebakimanyi.

Bakireke yategeezezza nti embeera ya mukyala we yayongedde okusajjuka ambyulensi mwe baabadde bamutambuliza bwe yatomeddwa kabangali ya poliisi n’emulumya nnyo.

EKIRI E KIRUDDU Eddwaaliro ly’e Kiruddu omujjanjabirwa Nambooze lyebulunguddwa bambega ba poliisi abali mu ngoye za bulijjo ne yunifoomu okutandikira ku geeti okulinnya ku buli mwaliiro. Tebakkiriza bagenyi kuyingira mu kasenge ka Nambooze nga n’obutebe kw’otuukira butuddeko baserikale, n’oluggi baalutaddeko akapande nti tewali akkirizibwa kuyingira.

More From The Author

Emboozi z’omuwandiisi endala

Emboozi endala

Sheikh Mulindwa ng'asaaza Idd e Luweero.

'Gavumenti eyalayidde erwan...

Sheikh Mulindwa ku muzigiti gw'e Kasana Luweero. Ba Samuel Kanyike           DISITULIKITI Khadi wa Luweero,...

Lubega akulembedde ne Amatos ku kkooti e Makindye.

Abaali bafera paasita basin...

ABASUUBUZI b'omu Kampala basindikiddwa mu kkomera lwa kugezaako kufera Paasita ssente ezikunukkiriza mu buwumbi...

Spice Diana asiibuludde aba...

Bya Mukasa Lawrence  ABAYIMBI okuli Spice Diana ne munne Fik Femaika bavuddeyo ne baduukirira abasiraamu ku...

Abakozi ba Rock bavudde mu ...

Bya Phoebe Nabagereka Abakozi mu kampuni ya Roko e Gerenge mu town council ye Katabi bekalakasiza nga balaga...

FDC evumiridde effujjo erik...

Bya Doreen Namaggala AMYUKA ssabawandiisi w'ekibiina ki FDC, Arnold Kaija asabye bannayuganda okukomya okutiisatiisa...