TOP
  • Home
  • Agawano
  • UPDF enywezezza eby'okwerinda ku nnyanja Nalubaale

UPDF enywezezza eby'okwerinda ku nnyanja Nalubaale

Added 20th June 2018

Pulezidenti Yoweri Museveni agulidde ekibinja ky’eggye lya UPDF eky’ekkumi amaato ga ‘Rhino’ gabayambeko mu kulwawuna ku nnyanja ya Victoria nga basinziira mu bitundu by’e Ntebe.

Pulezidenti Museveni ng'atongoza erimu mu maato g'oku mazzi amalwanyi agagenda okweyambisibwa IPDF okukuuma obutebenkevu ku mazzi

Pulezidenti Museveni ng'atongoza erimu mu maato g'oku mazzi amalwanyi agagenda okweyambisibwa IPDF okukuuma obutebenkevu ku mazzi

Pulezidenti Yoweri Museveni agulidde ekibinja ky’eggye lya UPDF eky’ekkumi amaato ga ‘Rhino’ gabayambeko mu kulwawuna ku nnyanja ya Victoria nga basinziira mu bitundu by’e Ntebe.

Museveni agamba nti ng’akyali muyeekera mu mwaka gwa 1981, yalinnya  eryato ery’ekika kya 25 HPW, okuva mu Uganda n’atuuka  e Kisumu, nga tewali ategedde nekyongera okumuggula amaaso nti abalabe oba abatujju bayinza okukola ekintu ky’ekimu ne batuusa obulabe ku ggwanga lyaffe.

Kiba kyangu okweyambisa  kyamagezi nnyo okunyweza eby’okwerinda ku nnyanja kuba abalabe bayinza okuyisa eggwanga ku litalaba ne baleeta obuzibu mu by’okwerinda.

Museveni ategeezezza nti abavubi kati bagenda kuweebwa ennamba puleeti ezakoleddwa mu tekinologgiya ow’omulembe era nga zijja kuba zirondoolwa buli ssaawa nga we wabaawo obuzibu bwonna, amaato ga UPDF gaba basobola okusindikibwa ne gazza embeera mu nteeko.

Agamu ku maato UPDF g'egenda okukozesa okulawuna ku mazzi

Yagambye nti eby’okwerinda bigenda kwongera okunywezebwa ku buli nnyanja, mu ngeri y’okwongera okulwanyisa envuba embi, n’okutangira abatujju obutayingira mu ggwanga.

Akulira eggye lya UPDF erirwanira ku mazzi, Brig Micheal Nyarwa, agamba nti abatujju abayita ku mazzi bakyussaza obukodyo buli lukya n’ategeeza nti bakyalina okwongera okukuguka mu bukodyo okuli okuyiga okuvuga amaato ga lubbira okusobola okwang’anga embeera yonna ebeera ezzeewo.

Ku mukolo gw’egumu pulezidenti Museveni atongozza  ba kadeeti ofiisa bataano, okuli; O/CDTs Baker Mukundane, James Onzima Seyakwo, Tibakula Kabubi Eryeza, Betty Mirembe, bano nga babadde batendekebwa mu ttendekero ly’amagye ga Tanzania Military Academy e Monduli.

Ye O/CDT Julius Ntegeka,  eyamalirizza okutendekebwa e Bungereza mu ‘The Royal Military Academy Sandhurst’ naye teyalutumiddwa mwana.

Omukolo guno gwetabidwako omuduumizi w’emaggye lya UPDF Gen David Muhoozi, Aduumira eggye lya UPDF eryokuttaka, Maj Gen Peter Elwelu, Amyuka omuduumizi w’eggye lyomu bbanga, Maj Gen Gavas Mugyenyi, Joint Chief of Staff Maj Gen Joseph Musanyufu n’akulira eggye erikuuma Pulezidenti (SFC), Brig Don Nabasa  

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...