TOP
  • Home
  • Ag’eggwanga
  • Gav't yaakwewola obuwumbi 300 ziyambe okutumbula okulima omuceere

Gav't yaakwewola obuwumbi 300 ziyambe okutumbula okulima omuceere

Added 26th June 2018

GAVUMENTI egenda kwewola obuwumbi obukununkiriza mu 300 ziyambe mu by’okutumbula okulima omuceere ne kasooli wamu n’okwongera ku mutongo n’obungi bw’amata mu ggwanga.

GAVUMENTI egenda kwewola obuwumbi obukunukkiriza mu 300 ziyambe mu  by’okutumbula okulima omuceere ne kasooli wamu n’okwongera ku mutongo n’obungi bw’amata mu ggwanga.

Ezimu ku ssente zino zigenda kuyamba okutumbula eby’okufukirira ebirime kiyambe mu kulima omuceere gw’okulukalu ne mu ntobazi.

Ensimbi zigenda kussibwa mu pulojekiti emanyiddwa nga ‘’Value Chain Development Programme’  era zaakuggyibwa mu bbanka ya ADB.

Zaayisiddwa olukiiko lwa baminisita era gavumenti egenda kuleeta mu Palamenti okusaba kwayo ng’eyagala ababaka bagikkirize okuzeewola.

Zigenda kuyamba okutumbula eby’okulima omuceere e Sironko, Bulambuli ne Bukedea mu Buvanjuba bwa Uganda nga bano balima muceere gwa ntobazi.

Ate e Gulu, Pader, Oyam, Amolatar ne  Kamuli wagenda kutumbulwayo okulima omuceere gw’oku lukalu.

Ng’oggyeeko eby’okufukirira ebirime ensimbi zigenda kuyamba abalimi okukola ku ngeri y’okukuumamu ebirime nga bamaze okubikungula nga gavumenti ebazimbira sitoowa we basobola okutereka ebirime byabwe.

Omwogezi wa gavumenti Ofwono Opondo yagambye nti Uganda erima kasooli mungi kyokka agamu ku mawanga g’ebweru tegaagala kumugula nga gagamba tali ku mutindo olw’ennima n’ensigo ezitali ku mulembe.

Bagamba nti  n’enkuuma y’empeke eziba zikunguddwa olumu eba mbi.

Uganda kasooli kati esinga kumutunda mu mawanga ga Afrika kyokka eyagala omutindo gweyongereko emutunde ne Bulaaya.

Gavumenti era egenda kussaawo ekifo ekikebera omutindo gw’amata nga kisangibwa mu kitongole ekivunaanyizibwa ku mutindo gw’ebikolebwa mu ggwanga ekya ‘’Uganda National Bureau of standards’.

 

More From The Author

Emboozi z’omuwandiisi endala

Emboozi endala

Omuserikale atwala Kakooza okulinnya Kabangali.

Poliisi ekutte bana ababba ...

POLIISI ya CPS mu Kampala ekutte abavubuka abeenyigira mu kusala ensawo n’okubba abantu n’ebaggalira oluvannyuma...

Kamulegeya (ku kkono) n'omugenzi Kayongo.

ENSONGA 10 EZIGOBYE NDIRANG...

Supreme Mufuti, Sheikh  Ndirangwa yalekulidde nga kigambibwa nti e Kibuli waliyo obutakkaanya mu bukulu. Tukuleetedde...

Omusumba Serverus Jjumba.

Abasumba bavumiridde ebikol...

ABASUMBA okuli ow’essaza ly’e Masaka n’Omulabirizi wa West Buganda bavuddeyo ne bavumirira ebikolwa eby’okutyoboola...

Martin Kiiza akulira ekibiina ekya National Children Authority ng'annyonnyola ku mbeera y'abaana mu kiseera ky'omuggalo

Omuwendo gw'abaana abakabas...

  EKITONGOLE ekikola ku nsonga z'abaana ekya National Children Authority (NCA) kiwadde lipooti ku ngeri embeera...

Kalinge

Avunaaniddwa lwa kusaba sse...

OMUKOZI mu minisitule y'ensonga z'omunda mu ggwanga asimbiddwa mu kkooti e Nakawa n'aggulwako omusango gw'okusaba...