TOP
  • Home
  • Agawano
  • Omusuubuzi bamutemye ne bamuttirawo e Kireka

Omusuubuzi bamutemye ne bamuttirawo e Kireka

Added 27th June 2018

OMUSUUBUZI w’amatooke mu katale k’ebalimi e Kireka, Wycliffe Mugume (Kidaida) 28, nga mutuuze w’e Kireka Zooni A, abazigu bamuteeze ne bamutemaatema ebiso ku mutwe ebimuttiddewo.

 Omugenzi Mugume

Omugenzi Mugume

Omulambo gwe gusangiddwa nga gwevuunise mu kitaba ky’omusaayi we baamutemedde nga baagusuddeko ejjambiya gye baamutemesezza. Era asangiddwa n’essimu eriko akatooki akaaka ke yabadde akozesa okumumulisa ng’atambula.

Mugume abadde asuubula matooke g’emyeera okuva e Itendero mu Bushenyi n’aggireeta mu katale k’abalimi e Kireka naye n’azisuubuza abantu era we baamutidde, abadde yeeyuna mmotoka kutikkula mmere ye ebadde etuuse mu katale.

“Azuukuse ssaawa 11:30 n’agenda okutikkula ensawo z’amatooke ku mmotoka mu katale k’e Kireka nga bulijjo, naye bwe bukedde, nga ndaba abantu bajja badduka ne bambikira nti baze bamusse era ali mu kitaba ky’omusaayi,” Judith Kyompiire mukyala wa Mugume bw’annyonnyola.

Mugume asangiddwa n’ekisago ekyamaanyi ku nkoona ekiteeberezebwa okuba nti bamutemyewo jjambiya, mu bulago nga bamusaze ne bamukutula eddokooli kyokka nga n’omumwa baguyuzizza.

Muliraanwa we ataayagadde kumwatuukiriza mannya yategeezezza nti yawulidde omuntu aleekaana omulundi gumu teyazzeemu kwogera, nga waabaddewo n’akavuvungano akaamaanyi ng’abantu batambulatambula wabweru. Kimubuuseeko okukeera ng’alaba omulambo mu kitaba ky’omusaayi.

Sperito Lubwama omu ku baasoose okudduukirira agamba nti, olwamaze okumutta, omulambo gwe ne bagusuulako ejjambiya ebadde empagale obulungi.

Poliisi y’e Kireka ezze n’eggyawo omulambo n’egutwala mu ggwanika e Mulago, n’ejjambiya n’etwalibwa ku poliisi okubayambako mu kunoonyereza ne baggulawo omusango gw’obutemu ku fayiro nnamba CRB.216/2018.

Alex Mubangizi ssentebe w’akatale kano, yagambye nti ku Mmande, Mugume yakola era abadde atandise okwezimba okuva lwe yatandika okusuubula emmere naye kimwewuunyisizza okumubikira essimu nti bamusse.

Mugume agenda kuziikibwa Itendero e Mbarara Bushenyi.

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...