TOP

Abali ku gw'okutta Magara bakaayidde Poliisi

Added 29th June 2018

Abali ku gw'okutta Magara bakaayidde Poliisi

 Ssali (mu kakobe) ng’aliko by’ategeeza omulamuzi.

Ssali (mu kakobe) ng’aliko by’ategeeza omulamuzi.

ABASIRAAMU abaakwatibwa ku by’okutta Susan Magara batadde akazito ku poliisi ebalage bakyala baabwe gye bakuumirwa bukya bakwatibwa. Bakulembeddwaamu Muzamiru Ssali eyagambye omulamuzi nti: “Oweekitiibwa nsaba poliisi etubuulire gy’ekuumidde bakyala baffe ne bannyinaffe kubanga awaka tebaliiyo ate ne mu kkomera tebaliiyo.

Poliisi bwe yazinda omuzikiti gwa USAFI yakwatiramu abooluganda baffe n’abaana naye tetuddangamu kubawuliza. Ebintu byaffe okuli emmotoka n’ebintu ebikalu byonna poliisi yabiwamba era kati ebikozesa mu bukyamu.

Ssebo omulamuzi njagala poliisi etutegeeze kati omuzikiti gwaffe yagwezza kubanga yakuba ekkubo mu lugya lw’omuzikiti, tetumanyi oba n’ekifo kyennyini oba nakyo yakyezza”, Ssali mu bwennyamivu bwe yategeezezza omulamuzi.

Ssali yazzeemu okulumiriza poliisi nti yabateeka ku mudumu gw’emmundu n’okubakuba ng’ebakaka okukola sitatimenti nga bakkirizza emisango ate n’obujjanjabi teyabawa!Ssali avunaanibwa ne banne okuli Musa Abas Buwembo, Yusuf Lubega, Miiro Kato, Hussein Wasswa omutembeeyi.

Hajara Nakandi omusomesa, Ismail Bukenya ne Imaam w’omuzikiti gwa USAFI Mahad Kasaliita, baakomezeddwaawo eggulo mu kkooti ya Buganda Road okumanya okunoonyereza we kutuuse mu musango gwabwe. Bano baakwatibwa nga April 27, 2018, poliisi n’ebitongole ebikessi bwe byazinda omuzikiti gwa USAFI.

Ku mulundi guno abawawaabirWa tebaabadde ne balooya kyokka nga mu lutuula lwa kkooti olwayita balooya abasiraamu abeegattira mu kibiina kya “Uganda Moslem Association” beeyama okubawolereza era ne bategeeza nga bwe bagenda okuggula ku Gavumenti omusango olw’okutulugunya abasibe.

Wabula omulamuzi Robert Mukanza yabawadde amagezi bafune looya anaasobola okukola obulungi ku kwemulugunya kwabwe. Omulamuzi era yayongezzaayo ekibaluwa ekikwata Partick Kasaija (Pato) ali mu South Africa wadde ng’oludda oluwaabi terwategeezezza wa we lutuuse ne kaweefube w’okumukomyawo.

Kasaija nga waaluganda ku mugenzi Magara, kigambibwa nti ye yaluka olukwe lw’okumuwamba ng’alumika n’ebyali awaka ng’abitegeeza abatemu kigambibwa ne ssente obukadde 700 ezaasasulwa abatemu ye yasinga okugenda n’ekitundu ekinene.

Magara yawambibwa nga February 10, 2018, abatemu ne bamutta nga February 27, 2018 omulambo gwe ne bagusuula e Kigo ku lw’e Ntebe. Omusango guddamu nga July 12, 2018.

 

More From The Author

Emboozi z’omuwandiisi endala

Emboozi endala

Loodi Meeya Erias Lukwago ngakyazizza dayirekita wa Kampala omuggya, Dorothy Kisaka

Loodi meeya akyazzizza dayi...

  Ababiri basoose mu kafubo mu ofiisi za Loodi Meeya okumala essaawa bbiri nga bateesa. Lukwago yamwanjulidde...

Gav't etandise okugabira Ba...

GAVUMENTI etandise okugabira Bannakampala masiki eziyamba okutangira ssenyiga omukambwe kyokka abamu ku ba LC abaazikwasiddwa...

Kazinda ng'aleeteddwa mu kkooti

Kazinda ayolekedde okuyimbu...

EYALI omubalirizi omukulu mu ofiisi ya Katikkiro wa Uganda Geoffrey Kazinda ayolekedde okuyimbulwa mu kkomera e...

Kitatta ng'ali mu kaguli ka kkooti

Abudallah Kitatta ayimbuddw...

Hajji Abudallah Kitatta eyali omuyima wa bodaboda 2010 ayimbuddwa okuva mu kkomera gy'amaze emyaka 3.

Avuganya Ssekandi ku ky'omu...

RICHARD SEBAMALA avuganya omumyuka wa Pulezidenti, Edward Kiwanuka Sekandi ku babaka bwa Palamenti obwa Bukoto...