TOP
  • Home
  • Agookya
  • Bba wa Sharita omupya yaakanjulwa abakyala basatu

Bba wa Sharita omupya yaakanjulwa abakyala basatu

Added 1st July 2018

OMUSAJJA Sharita gwe yafunye yaakanjulwa abakazi abalala basatu! Nga tannaba kufuna Sharita, yasoose kugugulana n’omu ku bakyala be ng’omukazi amulumiriza okubeera omufere.

 Omulangira Kayondo Musanje ne Pasita Joy Kihuguru ku mukolo gwabwe ogw’okwanjula. Ku ddyo, Nisha ne Kayondo mu biseera byabwe ebyeddembe.

Omulangira Kayondo Musanje ne Pasita Joy Kihuguru ku mukolo gwabwe ogw’okwanjula. Ku ddyo, Nisha ne Kayondo mu biseera byabwe ebyeddembe.

Musajja ayogera mpolampola era mu kweyanjula amannya agasengeka bw’ati: Omulangira Noah Kayondo Musanje omutuuze e Chicago mu Amerika.

Wadde yeeyanjula ng’Omulangira, mu Pasipooti ye akozesa mannya ga Noah Bukenya.

Joy Kihuguru y’omu ku bakyala abaayanjula Kayondo mu bazadde era omukolo gw’okwanjula baagukola nga December 23, 2015 e Makerere mu Kampala.

Joy naye yali akola ku ttivvi wabula kati Paasita mu Kkanisa eyitibwa Soaring with Eagles Ministries mu Kampala.

Joy agamba nti Kayondo takoma ku kubeera mufere wa laavu wabula n’ensimbi azifera era agamba nti baagenze okwawukana ng’ensimbi Kayondo z’amuliddeko mpitirivu.

Yalabudde Sharita nti okwewala obutejjusa mu maaso, talina kwesembereza musajja ono ku ssente kubanga “asobola okukuteekamu akakadde kamu, naye ng’abala kukunyaga obukadde 50”.

Sharita okufuna Kayondo yamala kwawukana ne bba ow’empeta Richard Jude Mutaawe mu 2016 era omukazi n’agenda mu kkooti e Nakawa ng’asaba ebaawukanye era emuwe n’olukusa olusigaza abaana.

Eyali amanyiddwa ennyo nga Sharita Mutaawe aweereza pulogulaamu z’okwanjula n’embaga ku Ttivvi, awo n’akyuka ne yeggyako erya Mutaawe n’addayo ku mannya ge aga Sharita Namusoke Mazzimawanvu.

Sharita yakyazizza Kayondo ewa Ssenga we e Nalubabwe mu Mukono era oluvannyuma ne bagendako e Dubai okuwummulako.

Sharita oluvannyuma yatadde obubaka ku mukutu gwa Facebook nga yeebaza Katonda olw’okufuna omwami omutuufu, wabula ebifaananyi ebiraga ‘feesi’ y’omusajja teyabitaddeko.

Yagambye nti omusajja we ayagala amukuume nga wa kyama okutuusa ku kwanjula okusuubirwa okubeerawo ku nkomerero y’omwezi guno. Tekimanyiddwa oba Sharita yategeddeko nti ye mukazi owookuna okwanjula Kayondo mu bazadde.

Nga Kayondo tannaba kwanjulwa Joy, waliwo abakazi abalala babiri abaamwanjula nga kuno kuliko abeera mu Uganda n’omulala ali e Chicago mu Amerika.

Nisha Katusabe ye mukazi Kayondo gwe yasooka, oluvannyuma n’ayanjulwa Aisha Katalema.

Bano bombi akyabalina era Nisha abeera mu Uganda ate Aisha ali mu Amerika.

Wabula kigambibwa nti ng’oggyeeko abakazi abaamwanjula, waliwo abakazi abalala b’abadde acanga okuli Dorris enzaalwa y’e Malawi wabula ng’abeera mu Amerika kw’ossa n’omuwala omulala eyeeyita Dianne Dean era ono yatadde n’obubaka ku Facebook nga yeekokkola Kayondo era ng’amaliriza akolima nti kasita naye azadde abaana abawala nabo balibayisa mu mbeera yeemu gy’ayisaamu abawala omuli ne b’atuuse okuzaala.

Joy mu kwogera ne Bukedde yagambye nti Kayondo yasooka kumutuukirira ng’amugamba nti alina ettaka lye yaguze kyokka lirimu ebizibu era ayagala amutwaleyo balisabire wabula gye byakkira ng’amusabye okumuwasa.

Ng’emikolo gy’okwanjula gituuse, nti Kayondo yatandika okussaawo obukwakkulizo era Joy okwewala okuswala, n’akwata obukadde 8 n’aziweereza Kayondo zikole ku bya tiketi.

Yagenda mu maaso n’okumufera ensimbi okutuusa lwe baayawukana. Wabula mu maloboozi Kayondo ge yatadde ku yintaneti yagambye nti yaweerezanga Joy ssente nyingi era ng’azissa mu mirimu gy’ekkanisa wabula nga talaga nsaasaanya nnambulukufu era baafuna obutakkaanya oluvannyuma ne baawukana.

Joy agamba nti ekyasinga okumutabula, ye Kayondo okumutegeeza nti talina mukazi yenna mu bulamu bwe ate oluvannyuma n’akizuula nti alina abakazi abalala babiri.

More From The Author

Emboozi z’omuwandiisi endala

Emboozi endala

Loodi Meeya Erias Lukwago ngakyazizza dayirekita wa Kampala omuggya, Dorothy Kisaka

Loodi meeya akyazzizza dayi...

  Ababiri basoose mu kafubo mu ofiisi za Loodi Meeya okumala essaawa bbiri nga bateesa. Lukwago yamwanjulidde...

Gav't etandise okugabira Ba...

GAVUMENTI etandise okugabira Bannakampala masiki eziyamba okutangira ssenyiga omukambwe kyokka abamu ku ba LC abaazikwasiddwa...

Kazinda ng'aleeteddwa mu kkooti

Kazinda ayolekedde okuyimbu...

EYALI omubalirizi omukulu mu ofiisi ya Katikkiro wa Uganda Geoffrey Kazinda ayolekedde okuyimbulwa mu kkomera e...

Kitatta ng'ali mu kaguli ka kkooti

Abudallah Kitatta ayimbuddw...

Hajji Abudallah Kitatta eyali omuyima wa bodaboda 2010 ayimbuddwa okuva mu kkomera gy'amaze emyaka 3.

Avuganya Ssekandi ku ky'omu...

RICHARD SEBAMALA avuganya omumyuka wa Pulezidenti, Edward Kiwanuka Sekandi ku babaka bwa Palamenti obwa Bukoto...