TOP

Omukugu awabudde ku bubenje mu Uganda

Added 2nd July 2018

MUNNAYUGANDA omukugu mu kunoonyereza ku buzzi bw’emisango ng’asinziira Bungereza, Richard Musaazi agambye nti essaala tezigenda kumalawo kutokomoka kw’obulamu bwa Bannayuganda mu bubenje n’awa gavumenti amagezi okutema empenda ezitegeerekeka okubulwanyisa.

Richard Musaazi

Richard Musaazi

Okwogera bino kiddiridde minisitule y’ebyetambula mu Uganda okutegeeza nga Bannayuganda  ababalirirwa mu 9,500 be baafiira mu bubenje wakati w’omwaka 2015 ne 2017.

Musaazi yategeezezza engeri gye watali lipooti eva wa Katonda eraga nti obubenje bukoleddwaako, kibi okwesiba ku ssaala zokkka ng’abantu balowooza nti ze zigenda okubumalawo. obubenje.

Yagambye nti ebimu ku bintu ebivaako obubenje mu Uganda bimanyiddwa bulungi nga kuliko ebidduka ebiri mu mbeera embi, baddereeva abavuga nga batamidde n’okuvuga endiima, obukoowu  kyokka ng’obusinga buva ku nsobi ezikolebwa baddereeva n’abantu ababubeeramu.

Yategeezezza  nti ng’oggyeeko abantu okuyamba, okwekubagiza okubaawo mu kiseera obubenje we bugwiirawo ne poliisi okwogera, tewali kinene kikoleddwa kubulwanyisa.

Yasabye abasabaze okutandika okutabukira baddereeva abavuga mu ngeri eyinza okuteeka obulamu bwabwe mu matigga.

Musaazi era yategeezezza nti Gavumenti erina okulwanyisa baddereeva ab’ekibogwe abavuga mmotoka olw’obutayita mitendera mituufu nga batendekebwa ne baweebwa pamiti nga tebasaanidde, abantu abavuga mmotoka nga balwadde naddala amaaso n’okukubiriza abatambuza ebigere okuba abegendereza.

Obuzibu obulala buva ku nguudo mbi ezitaliiko bubonero bulagirira bagoba n’ezimu ezijjudde ebinnya.

Yawadde amagezi wabeewo enkyukakyuka mu ntendeka y’aba ddereeva n’engeri pamiti ze zigabibwamu.

Yategeezezza nti wadde abaserikale ba ttulafiki bangi ku nguudo, kino  tekiyambye kukendeeza bubenje kuba abasinga essira balissa ku ‘’kulya nguzi’’ mu kifo ky’okukaka baddereeva okutuukiriza amateeka g’ebiduuka.

‘’Ky’ekiseera omuwendo gw’abaserikale abali ku nguudo gulage omugaso gwabwe ng’obubenje era n’abakozesa enguudo ng’abatambuza ebigere,abavuga obugaali  n’abalala bavunaanibwe olw’ebikolwa ebivaako obubenje.

More From The Author

Emboozi z’omuwandiisi endala

Emboozi endala

Omusajja yansuulawo ng'omwa...

Nze Scovia Twetise 28, mbeera Bulamu-Gazaya, Texas. Mu 2005, nalina emyaka 15 omusajja yantuukirira n’ahhamba nti...

Eyagenda okusoma ddiguli e ...

Talina mpapula kw’akolera era agamba tasobola kudda kubanga bw’adda taddayo

Abatudde okuva ku kkono; Godfrey Nyola, Saul Kizito, Isaac Ngobya ne Pasita Paul Musisi ate abayimiridde okuva ku kkono; Kennedy Lubogo, Edward Baguma, Jimmy Ssekandi

Aba 'Former Footballers In...

Abaaguzannyako abaabaddewo kuliko; Saul Kizito (Nile FC), Isaac Ngobya (Bell), aba Express okuli Kennedy Lubogo,...

Kamaanyi eyatolosa Ssekabak...

Dan Kamaanyi, eyatolosa ssekabaka Muteesa II ekibabu kya Milton Obote eyalumba olubiri mu 1966 ng'ayagala okumutta,...

Muyigire ku bajulizi abakki...

MUK'OMULABIRIZI wa West Buganda Can.Elizabeth Julia Tamale y'ayigirizza mu kusaba okw'okujjukira abajulizi ba...