TOP

Aba 'Mobile Money' beezoobye ne Poliisi

Added 5th July 2018

ABAKOLA bizinensi ya mobile money mu Kampala abeegattira mu kibiina kya Kampala Mobile Money Dealers Association beezoobye ne poliisi ng’ebalemesa okutwala ekiwandiiko kyabwe ewa siipika wa palamenti Rebecca Kadaga mwe bawakanyiza omusolo ogwateekeddwa ku bizinesi zaabwe.

 Abapoliisi nga banywezezza Lukyamuzi, eyakuliddemu aba Mobile money okwekalakaasa.

Abapoliisi nga banywezezza Lukyamuzi, eyakuliddemu aba Mobile money okwekalakaasa.

 
Ku Lwokuna ku makya nga bakulembeddwaamu ssentebe waabwe Mathias Lukyamuzi, olugendo baalutandikidde ku nkulungo y’e Kibuye nga bambadde emijoozi gya kkampuni z’amasimu okuli MTN ne Airtel. Baabadde bakutte n’ebipande okuli ebigambo ebyenjawulo.
 
Mu bimu ku bigambo kwabaddeko n’ebyatulira ababaka ba palamenti nti bye bateesa tebabitegeera bulungi (nga bajjukiza nti ababaka baabwe baaliwo nga bayisa omusolo guno), okulumba gavumenti okubaggyako emisolo egikosa bizinensi zaabwe n’ensonga endala.
 
Wabula bano poliisi teyabaganyizza kutuuka ku mulyango gwa palamenti n’ebambalira nga bw’ebaggyako ebipande bye baabadde bakutte.
 
Oluvannyuma poliisi yabawulirizza n’ebasaba beerondemu bannaabwe basatu bokka okutwala ekiwandiiko kyabwe ewa siipika kyokka olwabadde okwesowolayo ate poliisi n’ebeefuulira n’ebakwata n’ebakuba ku kabangali zaayo olwo abalala ne babuna emiwabo.
 
Lukyamuzi yavumiridde ekikolwa kya poliisi okubalemesa okutuusa ekiwandiiko kyabwe n’okukwata bannaabwe ate nga baabadde bafunye olukusa okuva ew’omuduumizi wa poliisi mu ggwanga Martin Okoth Ochola.
 
Salmah Nassuuna, omu ku bakulu mu kibiina ky’aba Mobile Money yagambye nti gavumenti erina okubawuliriza okwewala bizinensi zaabwe okusaanawo.
 
Poliisi ekuuma ku Palamenti yalabye abeekalakaasa beeyongera nayo n’eyongera obukuumi n’okuyita ebimotoka ebikkakkanya obujagalalo ebyagobye abantu okubatuusa ku kibangirizi kya Consititution Square.
 
Bino we bijjidde nga Pulezidenti Museveni yaakalagira ekitongole kya URA okuyimiriza okuggya omusolo ku bantu nga bateeka ssente ku ssimu zaabwe era n’alagira n’abo abaziggyayo okusalibwako omusolo omutono gwa butundu kya 0.5 ku 100, mu kifo kya ekitundu 1 ku 100 nga bwe kyasoose okutegeezebwa.

More From The Author

Emboozi z’omuwandiisi endala

Emboozi endala

Omuyimbi Pia Pounds yeekokk...

Sheilah Gashumba kirabika kati ye yeekwatiramu mu kukuba ebifaananyi

Malokwezza ne mukazi nga bajaganya

Tofiri Malokweza (92): Ayog...

Bw’OLABA omuntu ow’emyaka 92 tolemwa kutendereza Katonda ate ng’eno bwe weebuuza ekyama kye ekimusobozesezza okuwangaala....

Ziza Bafana

Ziza Bafana akubye oluyimba...

OMUYIMBI Ziza Bafana akaaba lwa bizibu na mabanja ge yaguddemu oluvannyuma lw’okumukwata ng’ava okuyimba e Tanzania....

Eyamezze abawanvu mu kamyuf...

OMUYIMBI Ziza Bafana akaaba lwa bizibu na mabanja ge yaguddemu oluvannyuma lw’okumukwata ng’ava okuyimba e Tanzania....

Eyamezze abawanvu mu kamyuf...

MARTIN Dorcus Mbabazi agamba nti ababadde bamuyita ekidomola oba ekikere olw’enkula ye kye kiseera bategeere amaanyi...