TOP
  • Home
  • Agookya
  • Amaka ga Kayihura bagaazizza omulundi ogwokuna

Amaka ga Kayihura bagaazizza omulundi ogwokuna

Added 9th July 2018

AMAGYE gaazizza amaka ga Gen. Kale Kayihura ag’e Muyenga omulundi ogwokuna okuva lwe yakwatibwa nga June 13, 2018 ku faamu ye ku kyalo Katebe mu Ggombolola y’e Kasagama mu disitulikiti y’e Lyantonde.

 Kale Kayihura

Kale Kayihura

Okuva lwe yakwatibwa, kati ennaku 26 eziyise, amagye gazze gaaza ennyumba ya Kayihura okubaako ebintu bye gazuula ebitali bimu. Omulundi ogwasembayo, baasangayo ekyuma ekirumika essimu ekiteeberezebwa nti yali akyeyambisa okulumika amasimu g’abazzi b’emisango abaamaanyi.

Ku Lwokutaano akawungeezi, amagye okwabadde bambega ba ISO, CMI n’eggye erikuuma Pulezidenti (SFC) baatutte Kayihura mu maka ge ne baddamu okugafuuza okubaako bye bazuula.

Emirundi egyasooka, Kayihura teyaliiko nga bagaaza era okusinziira ku nsonda, waliwo ebintu bye bataasobola kwekebejja bulungi n’ebimu bye baasangayo, tebaabiggyaayo olw’ensonga tewaaliwo muntu asobola kuteeka mukono ku biwandiiko bikakasa nti bitwaliddwa kuva mu maka ga Kayihura.

Kino, kiddiridde amagye okulumba ekifo aba MTN we batereka likodi z’amasimu ne baggyayo ebyuma bina ku Mmande ya wiiki ewedde okuteeberezebwa nti, kwe kuli likodi z’amasimu boofi isa ba poliisi ge baakuba ku lunaku lwe batta Kaweesi.

Kigambibwa nti, amasimu ga boofi isa ba poliisi babiri n’eya Kaweesi gaasiimuulwa byonna ebyali bigoogereddwaako nga March 16 ne 17, 2017 era amagye okulumba ekifo kya MTN, gaabadde gateebereza nti, waliwo bwino gwe baabadde basobola okufuna okuva ku byuma bino.

Kyokka, waabaddewo n’ebigambibwa nti, amagye gaabadde ganoonya bwino ku by’okukumpanya emisolo oluvannyuma lwa Pulezidenti Museveni okutegeeza nti, amakampuni g’amasimu galina engeri gye geebalamamu emisolo.

Ensonda zigamba nti, mu bimu ku bintu bye baggye ku MTN, baakizudde nga kyetaagisa okuddayo ewa Kayihura okwaza amaka ge.

Okuddamu okwaza amaka ge, kyakoleddwa mu ngeri ya bwegendereza era baasoose kuggyawo bantu bonna okuli n’abaserikale ababadde bakuuma amaka gano ne babaako we babatwala oluvannyuma Kayihura ne bamuyingiza, okwaza ne kutandika.

Kyatutte ebbanga eriwerako era okusinziira ku nsonda, baavuddeyo mu matumbi budde kyokka tekyategeerekese oba bye baabadde beetaaga baabizudde.

More From The Author

Emboozi z’omuwandiisi endala

Emboozi endala

Ssaabasumba Lwanga (owookubiri ku ddyo) n'abakulu abalala mu Klezia nga baziika Fr. Lumanyika e Lubaga.

Bannayuganda mukolerere emi...

SSAABASUMBA w'Essaza ekkulu erya Kampala, Dr. Cyprian Kizito Lwanga asabye Bannayuganda okukolerera emirembe n’awa...

Balooya ba Ssewanyana nga balina bye bamwebuuzaako.

Omubaka Ssewanyana ne banne...

Omubaka wa Makindye West, Allan Ssewanyana eyasindikibwa mu kkomera e Kitalya wiiki ewedde n'abawagizi be  kyaddaaki...

Nabbi Omukazi ayagala ABS ...

MARGIE Kayima (Nabbi Omukazi) ayagala aba ABS TV bamusasule obukadde 700 lwa kukozesa eddoboozi lye mu kalango...

Mugagga ng'alaga ezimu ku nte eziri ku ffaamu ye.

ETTAKA ERIRIMU AMAZZI G'ENS...

MAUREEN Mugagga agamba nti yafuna ettaka okuli ensulo z'amazzi agakulukuta agafuuse ensulo y'obugagga kubanga gamusobozesa...

Minisita w'ebyenguudo Gen. Katumba Wamala ng'atongoza ebyuma ebikola enguudo e Masaka.

'Alina pulaani ku nguudo gw...

OKWETEGEKERA akalulu ka 2021, Vision Group etwala ne Bukedde ekoze okunoonyereza n'ezuula ebizibu ebiruma abantu...