TOP

Omubaka atuuzizza Abayindi ne bakkaanya

Added 12th July 2018

Omubaka atuuzizza Abayindi ne bakkaanya

 Pulezidenti Museveni lwe yasisinkana Katikkiro wa Buyindi Modi

Pulezidenti Museveni lwe yasisinkana Katikkiro wa Buyindi Modi

OMUBAKA wa Buyindi mu Uganda, Ravi Shanka asinsinkanye abakulembeze b’ebibiina eby’enjawulo omwegattira Abayindi b’omu Uganda ne bakkaanya okwongera ku bammemba ku kakiiko akaalondeddwa okuteekateeka okukyala kwa Katikkiro wa Buyundi Narendera Modi mu Uganda.

Akakiiko kongeddwaako bammemba abalala mukaaga okuli: Jitu Sorathiya, Paresh Mehta, Sanjay Adhiya, Nareshbhai Patel, Daxesh Patel ne Raju Hirani nga bano bagenda kutuula kakiiko ak’abantu 10 akaasooka okulondebwa okuteekateeka okukyala kwa Katikkiro Modi kyokka ebimu ku bibiina by’Abayindi ne beemulugunya nti, kalina kyekubiira.

Bino biddiridde obutakkaanya mu bibiina omwegattira Abayindi b’omu Uganda abeetemyemu ku nteekateeka ez’okukyala kwa Katikkiro Modi asuubirwa okutuuka nga July 24 ku bugenyi obutongole.

Ebibiina 15 eby’enjawulo ebimu kw’ebyo omwegattira Abayindi b’omu Uganda byekubidde enduulu ew’omubaka Shanka, nga bitiisatiisa okuzira okwetaba mu by’okukyala kwa Katikkiro Modi okuggyako ng’ensonga zaabwe zitunuddwaamu naddala ku nsimbi ezibakuhhanyiziddwaamu okuteekateeka olukuhhaana gaggadde mwe baanaasisinkanira Katikkiro Modi.

Ebimu ku bibiina omwegattira Abayindi ebitiisatiisizza okuzira okukyala kwa Modi kuliko: North Gujarat Association, Lohanna Community, Jitu Sorathiya, Paresh Mehta, n’ebirala era mu abakulembeze baabyo baatadde emikono ku kiwandiiko mwe baasengese ensonga zaabwe ze beemulugunyaako ku kakiiko ak’abantu 10 abaalondebwa okuteekateeka olukuhhaana lw’Abayindi ab’omu Uganda.

Akakiiko akateesiteesi ak’abantu 10 akaalondebwa omubaka Shankar nga kalina bassentebe babiri; Mohan Rao ne Pradeep Karia abaaweereddwa obuvunaanyizibwa okuteekateeka olukuhhaana Katikkiro Modi mw’anaasisinkanira Abayindi abasoba 200,000, abalina bizinensi mu Uganda.

Kyakkaanyiziddwaako mu kafubo ak’ebibiina by’Abayindi nga 40 abaasisinkanye omubaka Skanka ku kitebe kya Buyindi mu Uganda e Nakasero nti, abantu abalala mukaaga balina okukkaanya ku kifo Katikkiro Modi w’agenda okusisinkanira Abayindi abali mu Uganda abasoba mu 200,000.

More From The Author

Emboozi z’omuwandiisi endala

Emboozi endala

Fr. Kato nga bamwaniriza mu kigo ky’e Kamwokya.

"Musabire abakulembeze bamm...

KAABADDE kaseera ka ssanyu ate n’okunyolwa ku kigo ky’e Kamwokya, Abakristu bwe baabadde baaniriza Bwannamukulu...

Abakungubazi nga batunuulira ekifaanayi ky’omwana eyattiddwa.

Bawambye omwana ne bamutta

ABATEMU bawambye omwana ow’emyaka mukaaga ne bamutta mu bukambwe, omulambo ne bagwambulamu engoye. Rosemary Ngambeki...

Joseph Ssewungu (ku kkono) ne Latif Ssebaggala nga baliko bye babuuza minisita Jeje Odong (ku ddyo) ku lukalala lw’amannya g’abantu abatalabikako lwe yasomye mu Palamenti.

Ensonga z'ababaka 10 ezitan...

ABABAKA bawadde ensonga 10 lwaki tebamatidde lukalala olwayanjuddwa minisita w’ensonga z’omunda olulaga abantu...

Abaserikale nga batwala omulambo gw'omuwala.

Bagudde ku mulambo gw'omuwa...

ABATUUZE ku Kyalo Kakerenge mu Ggombolola y’e Gombe mu disitulikiti y’e Wakiso baguddemu ekyekango bwe bagudde...

Abatuuze nga baziika Ssali.

Amasasi ganyoose nga poliis...

Amasasi ganyoose nga poliisi y’e Wakiso egumbulula abatuuze abaaziikudde omulambo nga bagamba nti famire teyinza...