TOP

Asse mukama we n'awera okutta abalala 3

Added 14th July 2018

OMUSAJJA asse mukama we abadde amukozesa mu kirombe ky’omusenyu ne yeewaana nga bwatagenda kukoma kw’omu yekka ajja kutta n’abalala basatu.

 Poliisi ng’etwala omulambo gwa Ddegeya mu katono

Poliisi ng’etwala omulambo gwa Ddegeya mu katono

Yuda Lugya 20, ow’e Walukunyu mu muluka gwe Bulerejje mu ggombolola y’e Muduuma mu Mpigi ye yakubye mukama we Steven Ddegeya bbulooka ku mutwe eyamusse.

Yabadde yakamutta ne yeewaana nga bw’agenda okutta abantu abalala basatu.

Omulambo yagulese mu kirombe n’agenda ewuwe n’ategeeza abawaka nga bw’aliko omuntu gwasse ng’amuleetako olugezigezi era n’abategeeza nti ekyo kikyali kituuza akyatta kubanga agenda kutta n’abalala basatu.

Yabadde akyewaana ng’akulira ebyokwerinda n’abatuuze bamutuuseeko ne bamukwata.

Abatuuze abazze oluvannyuma baayagadde okumuggya ku w’ebyokwerinda bamugajambule kyokka ne n’abasinza amaanyi ne bamutwala ku poliisi y’e Mpigi.

Lugya nga yakakwatibwa yategeezezza ow’ebyokwerinda nti okutta mukama we yayambiddwaako abantu basatu kyokka poliisi yagezezzaako okubanoonya nga badduse nga kati ebayigga.

Poliisi y’e Jjeza ng’ekulembeddwaamu Omari Kalim yagenze mu kifo awaabadde ettemu ne beekebejja omulambo nga guliko ebiwundu bibiri. Baagutte mu ddwaaliro e Mityana okugukebera nga tebannaba kuguwa aba famire.

Abatuuze baategeezezza poliisi nti Ddegeya abadde yaguze ekirombe ky’omusenyu n’atwala Lugya okumuyambako okutikka omusenyu ku mmotoka kyokka babadde bakatikkako loole emu n’amwefuulira n’amutta mu bukambwe.

Yakubidde abaabadde batutte omusenyu nga baddayo okukima omulala nti tebakomawo kubanga mukama waabwe yabadde afudde.

Abatuuze baasabye poliisi abantu bonna Luggya be yayogeddeko banoonyezebwe bakwatibwe era bavunaanibwe.

Omari yagambye nti, poliisi enoonya Faruq Bukenya, Joseph Ssemanda ne Kyeyune Lugya be yayogeddeko nti be baamuyambe mu ttemu lino.

More From The Author

Emboozi z’omuwandiisi endala

Emboozi endala

Kangaawo ng'ayogera e Butuntumula.

Kangaawo akunze Abalemeezi ...

OMWAMI wa Ssaabasajja Kabaka atwala essaza ly' e Bulemeezi, Kangaawo Ronald Mulondo agugumbudde bassemaka  abaganza...

Pulezidenti wa DP Norbert Mao ne Ismail Kirya mu lukiiko ne bannamawulire.

Aba DP basabye Gavt. okuliy...

BANNAKIBIINA kya DP basabye Gavumenti okuliyirira abantu bonna abagenda okufiirwa ettaka awagenda okuyita payipu...

Dayirekita Wambuga (ali mu kkooti) ng' agezaako okunnyonnyola abasomesa abamutabukidde.

Abasomesa batabukidde dayir...

Emirimu gisannyaladde ku ssomero lya Good Luck Junior School e Katalemwa mu ggombolola y'e Gombe mu disitulikiti...

Omukazi nga bamusitula okumussa ku kabangali bamutwale mu ddwaaliro.

Kabangali ya poliisi etomed...

KABANGALI ya poliisi ewabye n'erumba okukazi abadde atambulira ku mabbali g'ekkubo okukkakkana ng'emumenye okugulu....

Mu Kkooti ye kkansala w'e Luzira, Willy Turinawe  ng'atottola obulumi bwe bayitamu.

Abatuuze batabukidde abayoo...

ABATUUZE ba Stage 7 e Luzira ekisangibwa mu Munispaali y'e Nakawa bavudde mu mbeera ne batabukira abakozi ba Kkampuni...