TOP
  • Home
  • Amawulire
  • akakiikoOmusuubuzi w'omu Kiyembe abuziddwaawo n'asattiza aba famire

akakiikoOmusuubuzi w'omu Kiyembe abuziddwaawo n'asattiza aba famire

Added 21st July 2018

akakiikoOmusuubuzi w’omu Kiyembe abuziddwaawo n’asattiza aba famire

 Milo ng’ali ne mukyala we.

Milo ng’ali ne mukyala we.

OMUSUUBUZI w’omu Kampala abuziddwaawo n’aleka aba famire nga basattira. Godfrey Milo 38, ow’e Ndejje nga musuubuzi w’omu Kiyembe ku kizimbe kya Zai Plaza ye yabuziddwaawo olunaku lwa Ssande nga yavudde awaka ng’agenze Iganga okuleeta ebyamaguzi bye kyokka okuva olwo tebannaddamu kumulaba.

Mukyala wa Milo, Dorothy Mushabe naye nga musuubuzi w’omu Kiyembe yategeezezza nti, bba yava awaka ku Ssande ku ssaawa 2:00 ez’oku makya ng’amugambye nti agenda mu kkanisa kusaba era bwe yavaayo n’ategeeza nti agenze Iganga ne 600,000/- ezaali ez’okusasula abaali bagenda okumuwa ebyamaguzi bye ebyali bivudde e Mombasa.

Mushabe yagambye nti yakoma okuwuliza bba ng’alinnye emmotoka ezigenda Iganga kyokka bwe yamukubira essimu ku ssaawa 10:00 ez’olweggulo kyokka nga teriiko n’asooka okulowooza nti kirabika omuliro guweddeko.

Yagambye nti yalinda bba nga tadda era obudde bwakya ng’essimu teriiko kyokka nga n’ebintu bye yali agenze okusasulira omusolo ebyava e Mombasa byali bimaze okutuuka ku dduuka. Yagambye nti mukwano gwe yamukubira essimu ng’ebintu bituuse kyokka nga bba talabika n’agenda ku dduuka era abaaleeta ebintu bwe yababuuza gy’ali ne bamutegeeza nga bwe baakomye okumulaba ng’abibatikka.

Kino kyandeetera okwekengera ne mbuuza akola ku mpapula, Richard Isaba kuba yabadde kwali ku mmotoka nti mmotoka yasimbudde etya nga temufunye ssente emitwalo 60, ng’atamattama ne mbatwala ku CPS. Poliisi yakutte Isaba n’omugoba wa mmotoka n’abagikolako okugiyambako mu kubuuliriza kwayo. Baasabye alina ky’amanyi ku kubula kw’omuntu ono atuukirire poliisi yonna

More From The Author

Emboozi z’omuwandiisi endala

Emboozi endala

   Jane Nnabukeera eyasudde bbebi mu kabuyonjo

Wuuno maama eyasudde bbebi ...

Poliisi egamba nti Nnabukeera ng'amaze okusuula omnwana we mu kaabuyonjo yaddayo n'abikira abatuuze nga bwe yamufiiriddeko...

Mutumba eyakumye ku nnyumba ye omuliro ne mufiiramu bbebi we Nambooze

Akumye ku famire ye omuliro...

Ronald Mutumba okuva mu mbeera kiddiridde okukubira nga mukyala we Annet Mirembe amasimu nga tagakwata ate ng'olumu...

Abakulembeze mu Kawempe ben...

ABAKULEMBEZE ba LC mu Kawempe balaze obwennyamivu eri balandiroodi abasusse okugobaganya abapangisa nga babanja...

"Abatakisi bafunye obukodyo...

POLIISI erabudde nti egenda kukola ekikwekweeto ku batakisi abasiize endabirwamu z’ebidduka byaber langi nga bagenderera...

Gav't ekkirizza abagwiira 1...

UGANDA ekkirizza abagwiira 165 abaali basiibirwa muno ng’eggadde ensalo olw’obulwadde bwa COVID 19 okudda ewaabwe....