TOP
  • Home
  • Ageggwanga
  • Ebyokwerinda mu kwanjula kwa Judith Babirye binywezeddwa

Ebyokwerinda mu kwanjula kwa Judith Babirye binywezeddwa

Added 28th July 2018

KU Lwomukaaga luno, omubaka Judith Babirye (Mubaka omukyala owa Buikwe) lw’alaga bakadde be omwami we omupya.

 Babirye ne bba omupya, Paul Musoke Ssebulime (Mubaka Njeru Munisipaali

Babirye ne bba omupya, Paul Musoke Ssebulime (Mubaka Njeru Munisipaali

Babirye ayanjula Paul Musoke Ssebulime (Mubaka Njeru Munisipaali) ku mukolo ogugenda okubaako obukuumi obungi nga kirowoozebwa nti omuwendo gw’abako n’abagenyi gujja kuba gwagala kwenkana gw’abakuumi.

Ensonga y’ebyokwerinda era y’esinze okukuumira abantu mu kibululu omuli abagenyi b’awaka abasinga obungi abagenda okwaniriza abako n’abako bennyini abasinga nga tebamanyi kifo kwanjula kuno gye kuli.

Waliwo ab’omunda abakimanyi naye abasigadde bamanyi kimu nti ekifo kiri Kawuku ku luguudo lw’e Ntebe.

Etteeka lyayise nga buli muko agenda kusisinkana ku lw’e Ntebe bakung’ane olwo babatwale lumu nga bagoberera mmotoka ekulembeddemu gy’eraga gye balaga.

Abagenda okwaniriza abako abatannamanya kifo bo baategeezeddwa nti amasimu gaabwe galina okubaako ku Lwomukaaga (leero nga 28 July, 2018) nga bagenda kukubirwa essimu bategeezebwe ekifo.

Abako basuubirwa okuleeta ebirabo ebingi olw’ekitiibwa ky’abagole bombi okuba ababaka ba Palamenti n’engeri gye gusuubirwako abagenyi abangi ab’ebitiibwa olw’okuba nga bombi bannabyabufuzi.

Wadde ng’okukkaanya kw’abaali abaagalwa b’abagole bombi kwaliwo omuli Babirye okwawukana ne Samuel Niiwo mu butongole saako Musoke okukkaanya ne Lukia Ntale mu mirembe, eby’okwerinda binywezeddwa nnyo kuba ensonda zaategeezezza nti wandibaawo abawagizi baabwe abayinza okussaawo akasasamalo mu maaso g’abagenyi abangi nga n’emikolo gisuubirwa okulagibwa obutereevu ku ttivvi ez’enjawulo.

Ssaalongo Henry Mukooza nga ye taata wa Babirye y’asuubirwa okukulembera ekibinja ekiva e Buikwe era abalonzi ba Babirye, okubatuusa omukolo gye guli balinde abako.

More From The Author

Emboozi z’omuwandiisi endala

Emboozi endala

Ab'e Kawempe balaajanye ku ...

okulaajana kuno baakukoze oluvannyuma lwa Ahmed Lukwago eyeegwanyiza ekifo ky’obwa kkansala bw’omuluka guno okukulemberamu...

Wakayima atangaazizza ku mp...

"Nze Wakayima Musoke Hannington Nsereko era abo abatidde akalulu bakkakkane kuba ffirimbi yavugga dda Kati tulinze...

Ennyumba y'oku kiggya abamu ku b'Engabi gye baagala Yiga aziikibwe. Ebifaananyi bya JOHN BOSCO MULYOWA

Abengabi beeyawuddemu ku by...

ABAKADDE b’ekkanisa ya Pasita Abizzaayo Yiga eggulo baatudde mu lukiiko olw’amangu olw’enkaayana ezaabaluseewo...

Paasita Bujjingo ng'agumya Jengo, mutabani w'omusumba Yiga

Ebiri mu katambi ka Paasita...

Ku Ssande nga October 25, 2020, Ssenyonga yasinziira mu kusaba mu kkanisa ye n’alumba abasumba ab’enjawulo omwali...

Paasita Ssennyonga ng'agugumbula Yiga mu lukung'aana lwa bannamawulire lwe yatuuzizza ku kkansisa ye

Okufa kwa Yiga kusajjudde e...

AKATAMBI Pasita Ssenyonga ke yakutte nga Yiga tannafa kongedde okusiikuula abasumba ne beetemamu ng’abamu boogerera...