TOP
  • Home
  • Ag’eggwanga
  • Ababbira mu takisi empya ttuku Poliisi ebayodde ne boogera ebyama n'ani abatuma

Ababbira mu takisi empya ttuku Poliisi ebayodde ne boogera ebyama n'ani abatuma

Added 3rd August 2018

POLIISI ng’eyita mu kitongole kyayo ekirwanyisa abazigu ekya Flying Squad, ekutte abavubuka abali mu kibinja ekibbira mu takisi ne boogera abakulira n’engeri gye bapanga misoni zaabwe.

 Grace Ssebulime ne James Agaba (ku ddyo) abaakwatiddwa ku by’okubbira mu takisi.

Grace Ssebulime ne James Agaba (ku ddyo) abaakwatiddwa ku by’okubbira mu takisi.

Abaakwatiddwa kuliko; Grace Ssebulime ne James Agaba era okubakwata kyaddiridde abaserikale ba Flying Squad okulondoola takisi nnamba UBC 761A mwe baabadde batambulira ne bagikwatira e Nabweru – Katooke ku Lwokubiri.

Oluvannyuma lw’okukwatibwa Ssebulime abeera e Wamala yabuulidde poliisi nti, waliwo munnaabwe abakulira gw’amanyiiko erya Sanoni ng’ono y’aleeta takisi gye bagenda okukozesa mu bubbi era nga be babba babasanga ku nguudo ez’enjawulo.

Yagambye nti mu takisi babeeraamu abantu nga munaana ne beegabanya ebifo nga ye omulimu gwe kuketta mmotoka eziyinza okuba nga zibalondoola .

Yategeezezza nti, omusaabaze gwe banabba bamutuuza mu maaso era olukwe lw’okumubba lubeeramu ddereeva, kondakita n’omulala atuula mu maaso era Sanoni y’atera okubeera mu maaso.

Yagambye nti bwe baba bagenda okubba, Sanoni abakubira essimu ne basisinkana olwo ne bagenda ku nguudo ez’enjawulo okuli Jinja Road, Hoima Road, Ntebe Road ne ku luguudo lwa Northern Bypass. Sanoni abakulira abeera Nansana ku Masitoowa, Big Meat ye ddereeva ne Musa.

Takisi ekozesebwa ababbi.

Omwogezi wa poliisi mu Kampala n’emiriraano Luke Owoyesigyire yagambye nti, okukwata takisi eno kyaddiridde okugifunako amawulire nti ekozesebwa ababbi okunyaga abasaabaze.

Yagambye nti okunoonyereza poliisi kw’ekoze yakizudde nti ebibinja by’ababbi abanyaga abasaabaze mu takisi bisinga kuva Nansana kubanga buli abakwatibwa bategeeza nti, gye bakuhhaanira.

Yategeezezza nti oluusi abantu be babba tebatera kutegeera nti, babbiddwa ate abalala bababba ku kifuba era agezaako okulwana bamusindika n’agwa ebweru ne beeyongerayo.

Yayongeddeko nti, mu kiseera kino poliisi enoonya nnannyini takisi annyonnyole engeri mmotoka ye gye yatuuse okukozesebwa mu bubbi. Abeenyigira mu bubbi buno bali mu bibinja bangi.

EBIRALA....

Omukazi akubye enduulu Poliisi n'ebataasa ku takisi y'ababbi ku Kaleerwe

 

 

More From The Author

Emboozi z’omuwandiisi endala

Emboozi endala

Abaleppuka n'ogwokulya mu n...

KKOOTI yamagye e Makindye yejjeerezza abajaasi bataano ababadde bavunaanibwa okukola olukwe okuvuunika gavument...

Nuwashaba (ku kkono) lwe baamultwala ku kkooti okukola siteetimenti. Ku ddyo ye mwana Kyamagero eyattiddwa

Nuwashaba alaze bwe yafuna ...

OMUSAJJA gwe baakutte n’omutwe ku Palamenti ayogedde engeri gye yaweebwa ddiiru y’okusala omutwe gw’omwana n’alumiriza...

Nagirinya eyattibwa

Nagirinya: Ffayiro ye efuus...

OMULIRO ogwayokezza ofiisi y’akulira okunoonyereza ku buzzi bw’emisango e Katwe, gukyatabudde abantu olw’engeri...

Nagirinya: Ffayiro ye efuus...

OMULIRO ogwayokezza ofiisi y’akulira okunoonyereza ku buzzi bw’emisango e Katwe, gukyatabudde abantu olw’engeri...

Katikkiro, Charles Peter Mayiga ng’aliko by’ayogera ne Emmanuel Katongole mu kusabira Kitaka e Lubaga.

Kabaka atenderezza emirimu ...

SSAABASAJJA Kabaka wa Buganda Ronald Muwenda Mutebi atenderezza emirimu egikoleddwa Francis Xavier Kitaka eyafa...