TOP

KCCA efunye kkampuni ezinaddaabiriza amataawo mu Kampala

Added 6th August 2018

DAYIREKITA wa Kampala, Jennifer Musisi akakasizza ng’amataawo erya Katimba n’eddene erigatta ku katale k’e Katwe bwe gagenda okukolebwa oluvannyuma lw’okufuna kkampuni ezigenda okugakolako kyokka n’ateeka obukwakkulizo ku bagenda okugakozesa.

Agambye nti, amataawo gano tegagenda kukkirizibwamu pikipiki wadde eggaali era tebagenda kukola lya mmotoka nga bwe kyasooka okutegeezebwa.

Yategeezezza nti, bagenda kugaddaabiriza basseemu amataala n’okugayooyoota munda n’ebweru nga tewali mazzi galegamamu wadde enzikiza okukwatamu.

Ate erya Katimba afunye kkampuni egenda okuliyooyoota abalina ebyamaguzi balirangireko.

Musisi yalambudde amataawo gano wiiki ewedde ng’ali ne Meeya wa Makindye Munisipaali, Ali Kasirye Nganda Mulyannyama, yinginiya Andrew Kitaka n’abamu ku bayinginiya mu KCCA.

Meeya Mulyannyama yamulaze obulabe obubaddewo ng’amataawo tegakola n’amusaba abayambe ku nsonga eno.

Dayirekita Musisi yalambudde n’enguudo ezikoleddwa kkampuni ya Abubaker Technical Services Ltd eziwedde n’ezikyakolebwa n’agisiima okukola ku mutindo.

Alambudde oluguudo okuli olwa Nsambya – Katwe, Jjuuko, Kevina, Appas, Kalungu, Nantongo.

Ezimu ziwedde ate endala zikyakolebwa nga n’endala okuli olwa Kawuku ne Lukuli zigenda kutandikibwako.

Yategeezezza nti, waliwo ebitundu omulimu we gubakaluubiridde ng’ekizibu kivudde ku bannannyini ttaka abataagala kukolagana bulungi ne KCCA n’asaba abantu naddala abalina ebikomera ku kkubo bakkirize baweeyo ku ttaka lyabwe enguudo zikolebwe.

N’alabula abayiwa kasasiro mu myala n’abakozesa enguudo obubi nti amateeka gagenda kubakwata era n’asaba abatuuze bakuume bulungi enguudo ezikoleddwa.

More From The Author

Emboozi z’omuwandiisi endala

Emboozi endala

Obwongo bw'abaana abadda ku...

OLUVANNYUMA lwa Gavumenti okulangirira nti abayizi abamu baddyo okusoma nga October 15, 2020, abazadde baatandise...

Abaana nga balaba ttivvi.

Engeri omuzadde gy'olambika...

MU mbeera eno ng’abayizi basomera ku ttivvi kitegeeza nti ebbanga abaana lye bamala ku ttivvi lyeyongera. Ng’oggyeeko...

VAR y'asinga amazima

Batunuulira nnyo ebisobyo mu ntabwe omuva okugaba peneti oba okugiggyawo, okugiddamu nga waliwo ekisobyo ekikoleddwa...

Dr. Donald Rukare (ku kkono) ne David Katende.

'Gavt. terina ssente zikebe...

ABAKUNGU b'ebibiina by'emizannyo bannyogogedde e Lugogo, Gavumenti bwe yakabatemye nti tejja kubawa ssente zikebeza...

Moses Magogo, Pulezidenti wa FUFA

FUFA eweze ttiimu okutendek...

FUFA eweze ttiimu zonna okutendekebwa n’okuzannya omupiira kagube gwa mukwano. Ekiragiro kino kikola okutuusa nga...