TOP
  • Home
  • Agawano
  • Munneegatteko tugobere ddala siriimu - Museveni

Munneegatteko tugobere ddala siriimu - Museveni

Added 11th August 2018

PULEZIDENTI Museveni azzeemu okukubiriza Bannayuganda bamwegatteko mu lutalo lw’okufufuggaza siriimu, omwaka 2030 gutuuke ng’abufumwa bufumwa. Kampeyini eno agituumye Presidential Fast Track Initiative On Ending Aids 2030’.

Emikolo gy’okutongoza kaweefube ono mu disitulikiti 23 ezikola amasekkati ga Uganda gyabadde Kalungu.

Museveni yakiikiriddwa omumyuka we Edward Kiwanuka Ssekandi. Yabadde ne minisita ow’ensonga z’Obwapulezidenti Esther Mbayo n’Owebyobulimi, obulunzi n’obuvubi Vincent Bamulangaki Ssempijja n’ababaka ba palamenti.

Abafumbo Sulaiman Ssembatya ne Sharifah Namaganda be baabadde eky’okuyigirako ky’olunaku.

Bassembatya beewuunyisizza abakungu n’abantu baabulijjo olw’engeri gye baafunamu obuvumu bw’okubeeragana ng’omwami talina kawuka ng’ate omukyala akalina.

Abafumbo beewaddeko obujulizi nti beeyambisa amagezi g’abakugu ne bazaala omwana atalina kawuka kati ng’alina emyaka 13.

Akulira ebyobulamu e Kalungu Ronald Reagan Mutebi, omubaka omukazi owa Kalungu Aisa Ssekindi ne ssentebe wa LC 5 Richard Kyabaggu baalaze okutya olw’akawuka ka siriimu okwegiriisiza mu Kalungu nga ku buli bantu 100 kuliko 13 abalwadde.

Minisita Ssempijja yagasseeko nti abaana 720 balina obulwadde era kwe kutandikawo ensawo eneebayamba mu byetaago byabwe.

Ensawo eno baagitongozza n’emisinde egyakuliddwa Omulangira David Kintu Wasajja ne bakuhhaanya obukadde 50.

Ate Dr. Mutebi yagambye nti abantu abakulu 14,000 be bali ku ddagala.

Ssekandi yasomye ekiwandiiko kya Pulezidenti, mwe yasabidde abasajja okubeera ku mwanjo mu kuziyiza siriimu nga beewala okuganza abawala abatanneetuuka n’abakyala abato.

Yakubirizza abantu okunyiikira okwekebeza omusaayi n’okwejjanjaba. Museveni yasabye abantu okwekulaakulanya mu byenfuna kiibasobozese okubeera n’ensimbi ezigula eddagala n’ebyokulya nga bafunye obuzibu oba okulwala.

Ssempijja ne minisita Mbayo bajjukizza Bannayuganda nti eddagala eririwo teriwonya siriimu wazira limuweweezaako buweweeza ng’ekyokubwekuuma ky’ekisinga obukulu.

More From The Author

Emboozi z’omuwandiisi endala

Emboozi endala

Omumyuka wa Pulezidenti wa FDC Joyce Ssebuggwawo (ow’okubiri ku ddyo) ng’atongoza akakiiko k’ekibiina akagenda okuyigga obululu bwakyo mu Kampala ne Wakiso.

FDC etongozza akakiiko akan...

FDC etongozza akakiiko akagenda okunoonyeza abantu baayo akalulu mu Kampala ne Wakiso n’etegeeza nti Col. Kiiza...

Shakira Bagume ng'ayonsa bbebi we

Laba okusoomooza bamaama ab...

Okuyonsa abaana kyankizo nnyo eri abaana abawere era Maama yenna ateekeddwa okuyonsa kino kisobozese omwana okukula...

Aba LDU bazzeemu okukola eb...

ABASERIKALE b’eggye ekkuuma byalo erya LDU, bazzeemu okukola ebikwekweto okufuuza abateeberezebwa okubeera abamenyi...

Poliisi ng'eggyawo omulambo gwa Mukiibi

Omusuubi w'e Nakulabye yeek...

OMUSUUBUZI w’e Nakulabye omututumufu aguze amafuta ga petulooli ne yeekumirako omuliro mu kinaabiro emisana ttuku...

Abeegwanyiza entebe y'obwap...

EBBUGUMU lyeyongedde ku kitebe ky’akakiiko k’ebyokulonda abantu abeegwanyiza entebe y’obwapulezidenti bw’eggwanga...