TOP
  • Home
  • Amawulire
  • Bobi Wine atisse mukyala we Barbie obubaka obutiisa

Bobi Wine atisse mukyala we Barbie obubaka obutiisa

Added 19th August 2018

Bobi Wine atisse mukyala we Barbie obubaka obutiisa

 Bobi ne mukazi we mu biseera byabwe eby’eddembe.

Bobi ne mukazi we mu biseera byabwe eby’eddembe.

Muka Bobi Wine ategeezezza nti bwe yasisinkanye bba mu kkomera ku Lwokutaano yamutumye asabe abantu okumusabira kubanga embeera gy’alimu yeetaaga obujjanjabi obw’amaanyi kyokka ng’amagye tegabulina.

Yagambye: bwe baamaze okumukuba, amagye gaalabye avaamu omusaayi, baaleese empiso ne bazimukuba. Balabika bandiba nga baabadde bamujjanjaba kyokka era tewali ayinza kumanya oba zaamukubiddwa lwa kigendererwa kirala.

“Abantu abalinga abo mukwano gwaffe Bobi ali mu mikono gyabwe okumuwa ebyokulya, okumujjanjaba na buli kintu ekyetaagisa omulwadde omuyi. “Buli omu mu ddiini ye asaana asabire ku Bobi Wine kubanga ayita mu bulumi bungi nnyo, era nga bw’omutuukako ng’obadde tomumanyi oyinza okumuyitako okuggyako nga waliwo amukulaze nti wuuno, olw’embeera gy’alimu.

Amaaso tegalaba, amatu n’omubiri gwonna gujjudde mabwa”, bwe yategeezezza. Bobi Wine yamutegeezezza nti amawulire g’okuttibwa kwa ddereeva we Yasin Kawuma gaamusanga alaba mawulire ne mikwano gye mu kifo ekiriirwamu emmere. Yali akyewuunya okuttibwa kwa Yasin, amasasi ne gatandika okuyiika ng’enkuba. Olwo Bobi Wine kwe kwetegula n’agenda mu kisenge kya woteeri ye.

Eno gye baamusanga. Amagye gaakoona oluggi olwo abajaasi ne bayingira ne bamulagira atuule wansi. Aba yeeweta okutuula, omujaasi n’amukuba ku mutwe n’agwa wansi ekyaddiridde kumukuba buli we basanze.

Bobi yakoma okutegeera nga bakyamukuba ku wooteeri,we baamuggye okumutwala mu nkambi era okuddamu okutegeera ng’ali ku kisaawe kya nnyonyi bamutwala mu ddwaaliro Gulu.

More From The Author

Emboozi z’omuwandiisi endala

Emboozi endala

Omutaka Walusimbi alagidde ...

OMUKULU w'ekika ky'effumbe Omutaka Yusuf Mbirozankya Kigumba Walusimbi alagidde olukiiko olufuzi olw'ekika kino...

Henry Ssekyewa eyattiddwa. Mu kifaananyi ekinene y'ennyumba ya Livingstone Zziwa eyasaanyiziddwaawo ng'abatuuze bamulumiriza okuba n'ekkobaane ku kufa kwa Ssekyewa

Bamusse mu bukambwe lwa nka...

ABATUUZE ku kyalo Nakikonge ekisangibwa mu ggombolola y'e Makulubita mu disitulikiti y'e Luweero baguddemu ekyekango...

Minisita Janet Museveni ala...

Minisita w'ebyenjigiriza mu ggwanga Janet Museveni naye atuuse e Makerere University  ku kizimbe ekikuklu ekya...

David Lukyamuzi

Owa KACITA abadde omusaale ...

Abasuubuzi mu Kikuubo baguddemu ekyekango munnaabwe David Lukyamuzi Wangi ate nga mukulembeze mu kibiina kya KACITA...

Nnankulu wa Kampala alaze p...

NANKULU wa Kampala Dorothy Kisaka ayanjulidde Banakampala ebiri muntekateeka ey'emyakka 5 gyasuubira okugoberera...