TOP
  • Home
  • Agebwelu
  • Trump akyasattira ku by'okumuggyamu obwesige

Trump akyasattira ku by'okumuggyamu obwesige

Added 27th August 2018

PULEZIDENTI wa Amerika Donald Trump yeeyongedde okusattira bw’akitegedde nti ab’ekibiina kye ekya Republican be bawomye omutwe mu okumuggyamu obwesige.

Trump

Trump

Bino biddiridde akatuubagiro Trump ke yeesanzeemu okuva ku ntandikwa ya wiiki ewedde, Looya we era musajja we nfaafe Michael Cohen bwe yakkirizza emisango munaana (8) omuli egy’okubba emisolo, okuwa bbanka ebiwandiiko ebijinge n’akkiriza n’okusasula bamalaaya ba Trump obutitimbe bwa ssente baleme kwogera nti Trump yabaganzaako.

Abamu ku bamalaaya ba Trump, Cohen be yasasula obutitimbe bw’ensimbi ye; Stormy Daniels ne Karen McDougal, bombi Trump be yagula ne yeegandanga nabo kyokka n’abyegaana mu biseera bya 2016 we yeesimbirawo ku bwapulezidenti bwa Amerika.

Malaaya Stormy , Cohen yamusasula ddoola 130,000 (mu za Uganda obukadde nga 490) okusirika ku bya Trump okumuganza Cohen mu kukkiriza emisango yategeezezza kkooti nti yakolera ku biragiro bya Trump era ssente ze yasasula bamalaaya, zaali za Trump. Bino Trump byamukubye wala nnyo kubanga ebbanga lyonna azze yeegaana eby’okuganza bamalaaya.

Ekirala ekitadde Trump mu kattu y’engeri gye yakolagana n’ Abarussia abaamuyamba okuwangula akalulu nga bayita mu kulumika ofiisi ez’ekibiina ky’aba Democrats ne basomola ebyama bya Hillary Clinton gattako n’okutaataaganya kompyuta ne bakyusakyusa ebyava mu kalulu ne kimuwa (Trump) obuwanguzi.

Ensonga za Russia zinoonyerezebwako akakiiko ka Robert Mueller kyokka Trump kati yaggudde olutalo ku Ssaabawolereza we Jeff Sessions eyassaawo akakiiko ako nti akozesebwa abalabe be (Trump).

Agava mu nkuubo mu White House gagamba nti ekiseera kyonna Trump agenda kukwata ku nkoona Sessions kubanga amulaba ng’omuntu atamanyi ky’akola kubanga alese ekitongole Ekiramuzi okukozesebwa abalabe be okumusaanyaawo.

Kyokka Sessions yategeezezza ku Ssande nti waakiri okugobwa naye tajja kukkiriza Bannabyabufuzi okweyambisa ekitongole ekiramuzi okutuukiriza ebigendererwa byabwe.

Abatunuulirizi b’ebyobufuzi bategeezezza nti aba Republican beesomye okukulemberamu kaweefube ono.

More From The Author

Emboozi z’omuwandiisi endala

Emboozi endala

Omumyuka wa Pulezidenti wa FDC Joyce Ssebuggwawo (ow’okubiri ku ddyo) ng’atongoza akakiiko k’ekibiina akagenda okuyigga obululu bwakyo mu Kampala ne Wakiso.

FDC etongozza akakiiko akan...

FDC etongozza akakiiko akagenda okunoonyeza abantu baayo akalulu mu Kampala ne Wakiso n’etegeeza nti Col. Kiiza...

Shakira Bagume ng'ayonsa bbebi we

Laba okusoomooza bamaama ab...

Okuyonsa abaana kyankizo nnyo eri abaana abawere era Maama yenna ateekeddwa okuyonsa kino kisobozese omwana okukula...

Aba LDU bazzeemu okukola eb...

ABASERIKALE b’eggye ekkuuma byalo erya LDU, bazzeemu okukola ebikwekweto okufuuza abateeberezebwa okubeera abamenyi...

Poliisi ng'eggyawo omulambo gwa Mukiibi

Omusuubi w'e Nakulabye yeek...

OMUSUUBUZI w’e Nakulabye omututumufu aguze amafuta ga petulooli ne yeekumirako omuliro mu kinaabiro emisana ttuku...

Abeegwanyiza entebe y'obwap...

EBBUGUMU lyeyongedde ku kitebe ky’akakiiko k’ebyokulonda abantu abeegwanyiza entebe y’obwapulezidenti bw’eggwanga...