TOP

Engeri abasirikale gye baataasizzaamu Bebe Cool

Added 2nd September 2018

Engeri abasirikale gye baataasizzaamu Bebe Cool

Bebe Cool bwe yatandise okuyimba, abantu baabadde ng’abaduumire ne batandika okumukasukira amacupa ku siteegi. Bebe Cool yabadde muvumu n’agenda mu maaso okuyimba, kyokka abakuba ebidongo baalabye embeera etabuse ne babiggyako ne baggyako n’amataala ku siteegi.

Bebe Cool yasigadde ku siteegi n’aggyamu essaati n’awanika emikono okukkakkanya abantu abaabadde balekaana nti “aveeyo”. Abaserikale baagenze okumuggyayo n’agaana kwe kumuggyayo ku kifuba. Yabadde mu kivvulu ky’omuyimbi Tarrus Riley okuva e Jamaica e Lugogo ku Lwokutaano ekiro.

Ekivvulu kyajjumbiddwa nnyo.

Bebe Cool yabadde omu ku bayimbi abaalondeddwa okusanyusa abantu era ye yabadde alina okusembayo mu bayimbi ba Uganda olwo Omujamayika alyoke ajje ku siteegi. Bebe Cool aludde nga bamunenya obutavaayo ku nsonga za Bobi Wine. Kyokka naye abadde akidding’ana nti buli muntu waddembe okuwagira ky’ayagala.

Era ye tawagira baaludda luvuganya kyokka tabalinaako buzibu bagende mu maaso n’okuwagira bye baagala ate naye Bebe Cool awagire oludda lwa NRM lw’ayagala. Ekivvulu ekyabadde eky’okukuza emyaka 10 bukya kibiina kya Swangz Avenue kitandikibwawo kyatandise na bbugumu. Abayimbi ababadde tebakyawulizika okuli eyayimba “Mike ya Zigidi”, Maddox Ssematimba eyayimba Namagembe, Raba Daba n’abalala abaayimbirako mu Swangz bonna baabaddeyo.

Embeera yatabuse basuddemu oluyimba lwa ‘Love every day’ Bebe Cool kwe yajjidde ku siteegi, abamu ku bantu ne balekaana nti oyo tetumwagala, twagala “people power”. Eccupa ezaakasukiddwa mwabaddemu ez’amazzi, soda ne bbiya. Wadde emu ku ccupa yamwatikidde ku mutwe, kyokka Bebe Cool yasigadde mugumu. Abaserikale baamusindise okumuggya ku siteegi, kyokka n’alinnya amadaala n’addayo ng’agamba tayinza kukkiriza kutiisibwatiisibwa lwa ndowooza ye. Oluvannyuma yagondedde abaserikale n’agenda atuula ne mukazi we Zuena mu kifo ky’abakungu.

More From The Author

Emboozi z’omuwandiisi endala

Emboozi endala

Faaza ng'abatiza omwana wa Nambi (mu kifaananyi) attiddwa bw'akubiddwa amasasi.

Owa 'Mobile money' akubiddw...

ENTIISA ebuutikidde abatuuze ku kyalo Nalugala ku luguudo lw'e Galuga mu Town Kanso y'e Katabi omutuuze waabwe...

Omumbejja Mazzi (ku kkono) ne Paasita Musisi (wakati) ku mukolo kwe yadduukiriridde abaliko obulemu.

Beekokkodde abezza eby'abal...

ABAKULEMBEZE b’abaliko obulemu mu Disitulikiti y’e Wakiso beekokkodde abamu ku bakulembeze abezza ebintu ebiba...

Abakristu nga basaba RDC Jjemba (owookubiri ku kkono) ennamba y’essimu ye oluvannyuma lwa Mmisa e Nangabo.

RDC agumizza ab'e Kasangati...

OMUMYUKA wa RDC atwala Kasangati, Nansana ne Makindye Ssaabagabo, Moses Jjemba agumizza abatuuze ku kibbattaka...

Minisita Muyingo n'abamu ku bakulira amasomero. Baali bava mu lukung'aana olumu gye buvuddeko.

Minisitule y'Ebyenjigiriza ...

MINISITULE y’ebyenjigiriza ezzeemu okwekenneenya n’efulumya ebiragiro ebipya ng’abayizi ba P6, S3 ne S5 nga baddayo...

Allan Bukenya ng’alaga ennyama ense.

Kola ebyokulya mu nnyama en...

OSOBOLA okukola ebyokulya eby'enjawulo mu nnyama ense eri ku mutindo n'ogaziya bizinensi y'okuliisa abantu. ...