TOP

Zaake bamwekebejjeza obulago n'omugongo

Added 6th September 2018

ABASAWO mu ddwaaliro lya Manipal Hospitals erisangibwa mu kibuga New Delhi ekya Buyindi baatandikidde mu kwekebejja bulago n’omugongo gw’omubaka Francis Zaake owa Mityana Munisipaali.

Zaake yasitula ku kisaawe e Ntebe okugenda e Buyindi ku Mmande akawungeezi. Poliisi yasooka kumuggyako sitatimenti n’aggulwako emisango gw’okutoloka ku poliisi mu Arua n’ogw’okulya mu nsi olukwe.

Bridget Namirembe, mukazi wa Zaake yagambye nti abasawo baatandise okwebejja bba ku Lwokubiri.

Okusinziira ku mbeera y’omulwadde gye yabaddemu abasawo baasazeewo okutandikira mu kukebera omugongo n’obulago balabe ekimuleetera obulumi.

Abasawo baasazeewo okumuteeka mu kasenge ‘ICU2’ akali mu waadi y’abalwadde abali obubi.

Olw’okuba ng’abasawo baabadde tebannaba kumala kumwekebejja kimuleetera bulumi tebaamulaze na lunaku lwe basuubira kumusiibula.

Namirembe yagambye nti wadde nga bba alumizibwa nnyo, alina okukkiriza nti ajja kutereera kuba abasawo abamuliko bafaayo nnyo.

Yagambye nti n’ekyokubeera ng’omulwadde ali mu kifo w’atafunira nnyo bagenyi asuubira nti kijja kumuyamba okuwona amangu.

Guno mulundi gwakubiri nga Zaake, atwalibwa ebweru w’eggwanga okujjanjabwa nga yasooka kutwalibwa mu America mu November w’omwaka oguwedde oluvannyuma lw’okukubibwa amagye mu Palamenti.

Okufaananako ne ku mulundi guno era Gavumenti teyamuwadde ssente za bujjanjabi. Minisita w’ebyobulamu, Dr. Jane Ruth Aceng, bwe yabadde ayogera mu lukunhhana lwa bannamawulire ku Media Centre yategeezezza nti embeera ya Zaake ne Bobi Wine bwe baabeekebejja baakizuula nga kyali tekyetaagisa kubatwala bweru.

Obulwadde bwabwe bwali busobola okujjanjabibwa mu Uganda, kyokka olw’okuba baali basazeewo okwesasulira okujjanjabirwa ebweru w’eggwanga tewali ngeri Gavumenti gye yali eyinza kubagaana.

Ebbaluwa eyakolebwa abasawo b’e Lubaga, Dr. Andrew Ssekitooleko n’agiteekako omukono ng’esemba Zaake okutwalibwa ebweru w’eggwanga yategeeza nti, omulwadde yali yakosebwa amagumba g’omu nkizi, obulago awamu n’amagulu ate ng’alimu n’okugugumuka.

More From The Author

Emboozi z’omuwandiisi endala

Emboozi endala

Abakungu mu kibiina kya Gen.Muntu nga baslaa Cake okwaniriza Winnie Kiiza

Winnie Kiiza yegasse ku kib...

OMUBAKA omukyala owa Kasese, Winfred Kiiza yegaasse ku kibiina kya Alliance for National Transformation (ANT) n’aweza...

Bannayuganda muve mu tulo -...

PULEZIDENTI Museveni akunze Bannayuganda okuva mu ttulo bataandike okusala amagezi g’okunoonya obuggagga n’asaba...

Gavana Mutebile

COVID19 ayigirizza Bannayug...

GAVANA wa bbanka enkulu Tumusiime Mutebile agambye nti Bannayuganda bagenda kukendeeza ku kumala gasasaanya nsimbi...

Nunda yeesize Katonda ku ky...

JACKSON Nunda olukutudde ddiiru ne URA FC n’asuubiza okuddamu okwaka nga bwe yali nga tannafuna buvune mu KCCA...

Golola

Golola alidde ogwa Tooro Un...

OMUTENDESI Edward Golola olumuwadde omulimu gwa Tooro United FC n’akomyawo banne bwe baawangula ekikopo ky’Essaza...