TOP
  • Home
  • Amawulire
  • 'Abaana ba Kirumira tubakebeza maaso okubakakasa'

'Abaana ba Kirumira tubakebeza maaso okubakakasa'

Added 12th September 2018

OMUWENDO gw’abaana b’omugenzi Kirumira gweyongedde, omukazi omulala bw’aleese omwana ow’omunaana ne bawera omugatte gwa baana 12 ate omulala n’ayanjulira ssezaala we olubuto lwa myezi esatu.

 Kawooya (taata wa Kirumira) n’abamu ku baana be baakakasizza. Ku ddyo, Najjingo (ssenga wa Kirumira), omu ku bakebera abaana.

Kawooya (taata wa Kirumira) n’abamu ku baana be baakakasizza. Ku ddyo, Najjingo (ssenga wa Kirumira), omu ku bakebera abaana.

Owoolubuto yayitiddemu taata Abubaker Kawooya engeri gye baakwatagana ne mutabani we kati omugenzi Kirumira.

Okusinziira ku ssenga w’abaana bano Dimintiria Najjingo (mwannyina wa Abubaker Kawooya), abaana b’omugenzi Kirumira abaaleeteddwa okuva ng’afudde baweze munaana.

Kuno kwe bagasse n’omukazi eyazze n’olubuto olw’emyezi esatu era ono nti yalaze n’obujulizi ku ssimu obulaga nti abadde n’enkolagana ey’enjawulo ne Kirumira.

Najjingo yategeezezza nti, abaana bonna abaaleeteddwa oluvannyuma lwa Kirumira okufa baakakasiddwa mu kika era tewali gwe babuusabuusa nti si waabwe kubanga abaana bonna balina obubonero obw’enkukunala obulaga nti ba kika.

“Abaana abaffe tebabula, era bwe twabakebedde bonna twazudde ba mu nju,” Najjingo bwe yakkaatirizza.

“Eyazze n’olubuto naye twamukkirizza era tugenda kulaba ng’afuna obuyambi kyokka okukakasa nti omwana wa Kirumira alina kusooka kuzaala ne tusooka tumukebera, bwe tumukakasa nga tumuwa erinnya ly’ekika” Najjingo bwe yagambye.

Najjingo yategeezezza nti, omugenzi Kirumira abadde alina aba famire b’ategeeza ku byama bye era beesigamiziddwaako nnyo ne mu nsonga z’abaana okukakasa nti abaleeteddwa bonna bamulekwa ba Kirumira.

Kino kitegeeza nti ssinga omwana ono azaalibwa ne bamukakasa nti wa Kirumira, omuwendo gujja kulinnya okutuuka ku 13 ab’ebbali mwenda ng’obagasse ku bana ab’omukyala ow’awaka Mariam Kirumira.

Abaana omusanvu abaasoose okuleetebwa ku Mmande kuliko: Yasin Kalule wa myezi mukaaga, Baker Kawooya myezi mukaaga, Shadia Nalukenge mwaka gumu kitundu, Shahaz Nakawooya 1, Hassan Jjungo 2, Muhammad Kirumira 4 ne Shira Nakawooya 4.

Bazaalibwa abakyala ab’enjawulo okuli Sarah Kevin Nakimbowa eyaleese omwana omu Kirumira Kawooya, Provia Kahenda omwana omu ne Saudia Karabia eyaleese omwana omu okuva e Bwera ku nsalo ya Uganda ne Congo.

BAAGALA GAVUMENTI EWEERERE ABAANA BANO

Najjingo yagambye nti, nga tebannawanjagira muntu yenna kubawa buyambi, gavumenti esaanye okuweerera abaana ba Kirumira n’okubalabirira kubanga kitaabwe yafiiridde ku mulimu ate ng’abadde muweereza mulungi.

Ayongerako nti, ekika kyonna kibadde kiyimiridde ku Kirumira nga bonna bamulinamu essuubi ery’enjawulo okuli okuyamba abantu be naddala bazadde be be yali yasuubiza okuzimbira amaka ag’ekitiibwa n’abalala b’abadde aweerera, kyokka yabalese ttayo, kati batunuulira jjajjaabwe.

More From The Author

Emboozi z’omuwandiisi endala

Emboozi endala

Omusumba Kaggwa ng'asala keeki n'abamu ku bataka b'ekika ky'Embogo.

Katikkiro Mayiga alabudde a...

EBYA poliisi okukuba omukka ogubalagala ku mukolo gw'abeekika kye Embogo biranze, Mmengo bw'etadde Gavumenti ku...

Abaserikale nga batwala omuvubuka gwe baakutte.

Ababazzi ku Bbiri bataayizz...

ABABAZZI b'oku Bbiri bataayizza abavubuka abagambibwa okuba mu kabinja akatigomya abantu ne babakuba.  Akabinja...

Minisita Kasolo ng'ayogera

Kampala mugigye mu by'obufu...

Minisita omubeezi ow'ebyensimbi n'ebibiina by'obwegassi Kyeyune Haruna Kasolo, yennyamidde olwabantu abafudde Kampala...

Paasita Yiga

Paasita Yiga mulwadde muyi

EMBEERA y'omusumba w'ekkanisa ya Revival Christian Church e Kawaala, Augustine Yiga yeeraliikirizza abagoberezi...

Namuli kati atunda nnyaaya e Kyengera.

Abaana be nasomesanga bansa...

Nga tukyatunuulira engeri ekitiibwa ky'abasomesa gye kityobooddwaamu, Teopista Namuli, akulira essomero lya Wonderworld...