TOP
  • Home
  • Diaspora
  • Bannayuganda mu Amerika bagenda kusabira Bobi Wine leero ku Ssande

Bannayuganda mu Amerika bagenda kusabira Bobi Wine leero ku Ssande

Added 16th September 2018

BANNAYUGANDA abali mu Amerika bategese okusabira omubaka Robert Kyagulanyi amanyiddwa nga Bobi Win mu kibuga Boston leero ku Ssande nga Sepetember 16 ,2018.

 Bobi Wine

Bobi Wine

BANNAYUGANDA abali mu Amerika bategese okusabira omubaka Robert Kyagulanyi amanyiddwa nga Bobi Win mu kibuga Boston leero ku Ssande nga Sepetember 16 ,2018.

Okusaba kugenda kubeera ku Klezia ya St. Mary’s Parish Waltham , Massachusetts 133 School street era kwakwetabwamu Bannayuganda ababeera mu Amerika n’abantu abalala okusinziira ku bubaka obuli ku mukutu gwe ogwa Twitter.

Mu ngeri y’emu Bobi  agenda maaso n’okusisinkana Bannayuganda abatali bamu abali mu Amerika okukubaganya ebirowoozo ku nsonga ezikwata ku Uganda.

Emu ku nsisinkano zino yabaddewo ku Lwomukaaga mu kifo ekimanyiddwa nga Greenbelt Library II Cresent road ,Greenbelt MD 20770 mu kibuga Washington DC.

Bobi Wine ali mu Amerika gye yagenda okujjanjabwa oluvannyuma lw’okufuna obuvune bwe yakwatibwa abeebyokwerinda mu kibuga Arua ng’agambibwa nti ye ne banne beetaba mu kukanyugira emmotoka za Pulezidenti amayinja ne basaako emu endabirwamu.

Omusango guno gubavunaanibwa ne banne 33 mu kkooti e Gulu. Wabula ng’omusango gw’okusangibwa n’emmundu ogwali gumussiddwaako gwamuggyibwako kkooti y’amagye nga kati ye banne bwe baakwatibwa bavunaanibwa gwa kulya mu nsi lukwe.

 

More From The Author

Emboozi z’omuwandiisi endala

Emboozi endala

Omusango gwa Kibalama gulek...

OMUSANGO gwa Moses Kibalama ogw’obwannanyini bw’ekibiina kya NUP gwakusalwa nga October 16. Kyokka we banaagusalira...

Kibalama

Kibalama ayogedde lwaki yak...

EYALI Pulezidenti w’ekibiina kya National Unity and Reconciliation Party (NURP) Moses Nkonge Kibalama, agamba nti...

Owa North Korea yejjusizza ...

AMAGYE ga North Korea okutta munnansi wa South Korea gwe baasanze abuuse ensalo ng’ali mu mazzi gaabwe biranze....

Omukungu wa Twaweza ng'annyonnyola

Aba Twaweza bafulumizza ali...

LEERO Mande September 28, 2020 giweze emyaka 15 nga Uganda eyisizza etteeka erikkiriza abantu okufuna amawulire...

Amaka ga Seya Sebaggala

Seya alese omukululo mu byo...

EBYOBUFUZI ebyali bibuutikiddwa abayivu, Seya yabikyusa n’abiyingizaamu n’abantu ba wansi abaali beerabiddwa.