TOP

Omu afudde mu kabenje ka loole 2 ku lw'e Masaka

Added 24th September 2018

LOOLE ya seminti eyingiridde ey’omusenyu ku lw’e Masaka okukakkana ddereeva omu n’afiiriwo ate abalala 5 ne baddusibwa mu ddwaaliro nga bataawa.

 Loole eyabaddeko seminti.

Loole eyabaddeko seminti.

Bya PADDY BUKENYA
LOOLE ya seminti eyingiridde ey’omusenyu ku lw’e Masaka okukakkana ddereeva omu n’afiiriwo ate abalala 5 ne baddusibwa mu ddwaaliro nga bataawa.
 
Akabenje kano kaagudde Kalagala ku luguudo lw’e Masaka e Mpigi essaawa 4:00 ez’ekiro ekyakeesezza Ssande. Omugoba wa loole nnamba UAS 432S ebadde etisse seminti ng’eva Kampala edda Mbarara ye yayingiridde loole y’omusenyu nnamba UBB 170E ebadde eva mu Lwera ng’edda e Kampala ne zitomeregana bwenyi ku bwenyi.
 
Wasswa Lumala ddereeva wa loole ya seminti ye yafiiriddewo. Lumala omutuuze w’e Mukungwe Masaka omulambo gwe gwe okuguggya mu mmotoka batemye nteme.
Ono naye yasimattuse wano ng’ajjanjabwa.

 

 
Banne be yabadde nabo okuli Hassan Kakumba yamenyese emikono, Abdu Ssebugwawo ow’e Masaka n’amenyeka mu kifuba, Faisal Matovu ow’e Namungoona n’afuna obuvune obwamaanyi mu kifuba n’omugongo.
Ye ddereeva wa loole y’omusenyu teyategeerekese mannya olw’embeera embi gye yabaddemu. Baddusiddwa mu ddwaaliro lya Double Cure e Kalagala.
 
Okusinziira ku baabaddewo akabenje kigambibwa kaavudde ku loole ya seminti ebadde ku misinde egya yiriyiri ku kaserengeto k’e Kalagala okwabika omupiira n’erumba ey’omusenyu ku mukono gwayo ne zitomeregana.
 
Poliisi y’ebidduka e Mpigi yatuuse mangu mu kifo awagudde akabenje kyokka abadduukirize ababadde abangi baabazizza abaserikale nga btemamu ababadde bawagamidde mu mmotoka ya seminti ne bakkakkana ku seminti eyabadde ajjudde ku loole eno ne bamunyaga kumpi kumumalawo.
 
Matovu yamenyese ekifuba

 

Akabenje kano okugwaawo wabadde waakayitawo ennaku ntono nga mmotoka ya seminti endala yaakatomera emmotoka endala bbiri mu kitoogo kya Kibukuta era abantu bataano okuli ne ddereeva waayo ne bafiirawo.

More From The Author

Emboozi z’omuwandiisi endala

Emboozi endala

Omulimu gw'okuddaabiriza Nk...

Abaasomerako ku ssomero lya Nkumba P/S bayingidde omutendera ogw'okusatu mu kuddaabiriza ebizimbe ku ssomero lino...

UGANDA EKWATA KISOOKA MU AF...

OMUWANDIISI w'enkalakkkalira mu minisitule y'ebyobulamu Dr Diana Atwine abugaanye essanyu oluvanyuma lw'okufuna...

Joseph Nuwashaba ng'atwalibwa mu kkooti

Eyakwatibwa ku by'omwana ey...

Omusajja agambibwa okutemako omwana Faith Kyamagero ow'emyaka 4 omutwe aleeteddwa mu kkooti.

Omwana eyasalibwako omutwe ...

Omwana eyasalibwako omutwe e Masaka ne bagutwala ku Palamenti aziikiddwa

Ssebbumba eyakubiddwa lwa bubbi

Abadde mu jjaamu e Kawempe ...

Abadde mu jjaamu e Kawempe bamukubye mizibu