TOP
  • Home
  • Amawulire
  • Bazingizza eyabbye obukadde bwa ssente e Kawanda

Bazingizza eyabbye obukadde bwa ssente e Kawanda

Added 2nd October 2018

POLIISI erwanaganye n’abatuuze b’e Kawanda ababadde baagala okutwalira amateeka mu ngalo okutta omusajja agambibwa nti yabbye obukadde bw’ensimbi 50 ku ssundiro ly’amafuta erya Vitro Petro e Kawanda.

Aba bodaboda nga bagabana ssente ezaabaweereddwa okubasiima okukwata omubbi

Aba bodaboda nga bagabana ssente ezaabaweereddwa okubasiima okukwata omubbi

Bya REGINAH NALUNGA NE WASSWA B. SSENTONGO
 
POLIISI erwanaganye n’abatuuze b’e Kawanda ababadde baagala okutwalira amateeka mu ngalo okutta omusajja agambibwa nti yabbye obukadde bw’ensimbi 50 ku ssundiro ly’amafuta erya Vitro Petro e Kawanda.
 
Kigambibwa nti Demasi yali yasaba omulimu ku Vitro ne bamusuubiza okumuyita wabula ku Mmande ssaawa 11:30 ez’oku makya, teyalinze kumuyita yazze n’ayingira
mu ofi isi ya Musa Kakooza maneja w’essundiro lino.
 
Yamusanze alina ssente z’abala okuzitwala mu bbanka, baabadde bakyatudde maneja n’ayitibwa ebweru ng’alina ebimwetaagisa okukolako, Demasi eyabadde azze
n’ensawo omuteekebwa Laptop n’afuna omwagaanya okupakira obukadde 50 n’adduka ku kasasiro siteegi okufuna bodaboda emwongereyo.
 
Oluvannyuma lw’eddakiika nga 15 okuyitawo, Kakooza yakomyewo mu ofiisi ye kyokka ekyasinze okumwewuunyisa ze ssente ze yabadde abala nga zitwaliddwa ate nga
n’omuntu taliiwo.
 
Yafulumye ofi isi n’agamba omukuumi nga ssente bwe zitwaliddwa olwo ne batandikirawo okuwondera bodaboda ne bagisanga e Kawanda ku siteegi ng’alinnya takisi okweyongerayo.
 
Aba bodaboda abaabadde bamugoberera bamuggye mu mmotoka ne batandika okumukuba, bwe yalabye nga bamulemeddeko ne yeefuula afudde.
 
Poliisi okuva e Kawanda olwatuuse Demasi n’adda engulu era n’assa ekikkowe nga muli agamba nti mponye okufa.
 
Oluvannyuma lw’aba bodaboda okukwata omusajja ne ssente zino, maneja Kakooza yazibaggyeko n’aziddusa mu bbanka okwewala abatuuze okuzibabbako ogwokubiri.
Kigambibwa nti Demasi yabadde n’abazigu abalala basatu nga baabadde n’emmundu era baabadde batambulira ku pikipiki etaabaddeko nnamba puleeti.
 
Kigambibwa nti Demasi yasoose kulabwako ng’alina w’alindira ng’akuba essimu.
 
ASP Ronald Wotwali eyaduumidde abaserikale okuva e Kawempe, yagambye nti Demasi akuumirwa mu ddwaaliro e Mulago.

More From The Author

Emboozi z’omuwandiisi endala

Emboozi endala

Omuzannyi wa Villa (ku kkono) n'owa Busoga United nga bagoba omupiira mu gwa liigi ogusembyeyo. Baagwa maliri, 1-1.

VILLA ETUNUZZA OMUDUMU MU UPDF

Leero (Lwamukaaga) mu Liigi (10:00); SC Villa - UPDF, Bombo Onduparaka - Vipers, Arua KCCA - Kitara, Lugogo Bright...

Cheptegei ng'ajaganya.

Likodi za Cheptegei zimweyi...

ENJOGERA egamba nti ‘Katonda nga yaakuwadde, n'ennume ezaala' etuukira bulungi ku muddusi Joshua Cheptegei. Ye...

Ivana Ashaba (mu maaso), owa Hippos ng'alemesa owa Burkina Faso okutuuka ku mupiira.

Hippos eyiseemu kavvu

ENKAMBI ya ttiimu y’eggwanga ey’abatasussa myaka 20 (Hippos), yeeyongeddemu ebbugumu, FUFA bwe baawadde doola 80,000...

Ttakisi mu paaka enkadde.

'Bbeeyi y'entambula esusse'

ABABAKA ba palamenti bennyamivu olw’ebisale by’entambula ebyeyongera okulinnya buli lukya ekinyigiriza abasaabaze....

Fr. Kabagira ne Fr. Mubiru nga baganzika ekimuli ku ntaana ya Ssaabasumba Joseph Kiwanuka mu Eklezia e Lubaga.

Bajjukidde Ssaabasumba Kiwa...

ABAKKIRIZA bajjukidde Ssaabasumba Joseph Nakabaale Kiwanuka eyafa nga February 22, 1966 n’aziikibwa mu Eklezia...