TOP
  • Home
  • Amawulire
  • DP eyimirizza enkung'aana z'okutabaganya bammemba

DP eyimirizza enkung'aana z'okutabaganya bammemba

Added 3rd October 2018

EKIBIINA kya DP kivumiridde poliisi olw’okutabangula emikolo gyakyo egy’okujaguza obuwanguzi bwe kyatuuseeko mu kulonda kwa LC n’abakulembeze ba gavumenti z’ebitundu ebitali bimu mu Town Council y’e Busunju mu disitulikiti y’e Mityana.

 Mao ng'annyonnyola

Mao ng'annyonnyola

Nobert Mao era ayogedde ku ky’omubaka wa Kyaddondo East, Robert Kyagulanyi (Bobi Wine) ne Maj. Gen. Mugisha Muntu okusaanikira oluku- ηηaana lwa DP e Masaka n’agamba nti tekimutiisa kuba bombi si balabe be.

Agambye nti ye obwanga abutunuulizza Pulezidenti Museveni gwe yagambye nti, “Y'alina omupiira (obuyinza)”. Bino Mao yabitegeezezza olukuηηaana lwa bannamawulire mu Kampala.

N’agamba nti, ekibiina kyabadde kitegese emikolo gy’okuggulawo ofiisi yaakyo mu kibuga Busunju n’okujaguza obuwanguzi bwe baatuseeko mu kulonda kwa LC okuwedde ku Ssande kyokka poliisi n’ebatwala ntyagi.

“Poliisi twagitegeeza ku mikolo gino kyokka kyatubuuseeko bwe yagitabangudde n’eggala enguudo n’okukuba abawagizi baffe.

Poliisi bw’eteekomye bumenyi bw’amateeka ensi eno etuuse okugwamu akatabanguko,’’ Mao bwe yagambye.

Ku kya Bobi Wine ne Maj. Gen. Muntu okubuutikira olukuηηaana lwa DP e Masaka, nti ye yabayise noolwekyo talina kye yejjusa ku kubeerawo kwabwe.

Yagambye nti, omulabe w’abooludda oluvuganya gavumenti ye Pulezidenti Museveni ng’okuneneηηana n’obutakolaganira wamu kumulwanyisa tekirina we kibayambira.

Yagambye nti, ayogeraganya n’abakulembeze b’oludda oluvuganya okuli; Col. Kiiza Besigye, Patrick Amuriat, Mugisha Muntu, Bobi Wine n’abalala okulaba engeri gye bayinza okufunamu obuyinza.

N’agamba nti, Palamenti y’esibyewo Pulezidenti Museveni noolwekyo abaagala okumusiguukulula balina kulaba ku ngeri gye bongeza ku muwendo gw’ababaka b’oludda oluvuganya.

Mao yeeyogeddeko ng'omuntu asobola okuyamba okugatta Bannayuganda kuba alina akakwate ku bantu b’omu bukiikakkono ne mu bugwanjuba bwa Uganda naddala Ankole ng'ate y’akulira mu buvanjuba bwa Uganda ng'asobola n'okwogera ennimi omuli n'Oluganda.

N'agamba nti, n'emyaka gye gisobola okugatta abavubuka n'abakadde kuba agwa wakati.

“Bobi Wine alina omuwendo gw'abantu bangi (abavubuka), abakadde balina ssente n'obuyinza ng'ate ffe abagwa wakati awo tulina obusobozi. Noolwekyo nze omu ku bayinza okugatta Bannayuganda.

Bannayuganda bwe baba batuuse okubaako ekintu kyonna kye basalawo balina okutunula mu nsonga zino,” Mao bwe yagambye.

Ku ffujjo n’ebikolwa by’obusiiwuufu bw’empisa omwabadde n’okuηηoola abamu ku bakulembeze b’ekibiina byefuze olukuηηaana lw’e Masaka ne bitta ekigendererwa kyalwo ekikulu eky’okwegatta okwongera okufuna amaanyi.

Yagambye nti, bagenda kussaawo n’okubuuliriza ku beetabye mu ffujjo lino n’okulaba engeri y’okubakangavvula era ne yeetondera abaakoseddwa.

Mao yagambye nti, abakulembeze ba DP omuli abakulira ekibiina, ababaka ba Palamenti n’abalala bagenda kugenda mu lusirika okulaba engeri y’okutwalamu ekibiina mu maaso.

More From The Author

Emboozi z’omuwandiisi endala

Emboozi endala

Dodoviko (aliko ssaako) ne banne ku mukolo ogumu.

Ebipya ebizuuse ku Dodoviki...

DODOVIKO Mwanje gwe balumiriza okumenya ekkanisa bongedde okumufunza! Lt. Col. Edith Nakalema olwamaze okukwata...

Lukwago nga bamukwasa empapula za FDC

FDC ewadde Lukwago bbendera...

ESSUUBI lya Ssalongo Erias Lukwago okwesimbawo ku bwa Pulezidenti bw’eggwanga ku tikiti ya FDC mu 2021 likomye...

Omukuumi ng'atwala Trump

Engeri abakuumi ba Trump gy...

PULEZIDENTI wa Amerika, Donald Trump yabadde wakati mu lukung’aana lwa bannamawulire ng’attaanya ensonga ey’obutale...

Ekizimbe kya Mabiirizi ku Bombo Road. Mu katono ye Winnie Mabirizi

Nnamwandu wa Mabirizi asony...

ABAKULEMBEZE b'abasuubuzi basabye bannannyini bizimbe okutwala ekyokulabirako kya nnannyini kizimbe kya Nalubega...

Abakungu mu kibiina kya Gen.Muntu nga baslaa Cake okwaniriza Winnie Kiiza

Winnie Kiiza yegasse ku kib...

OMUBAKA omukyala owa Kasese, Winfred Kiiza yegaasse ku kibiina kya Alliance for National Transformation (ANT) n’aweza...