TOP
  • Home
  • Buganda
  • Eky'okutwala Kabaka mu kkooti Enzungu kikomezebwe - Mpanga

Eky'okutwala Kabaka mu kkooti Enzungu kikomezebwe - Mpanga

Added 3rd October 2018

“Mabiriizi munnaffe nga yeddira Kkobe, atutte emisango mingi mu kkooti ng’awawaabira Kabaka ku nsonga ez’enjawulo kyokka nga tulina engeri eziwerako omuntu okwemulugunya kwonna awatali kugenda mu kkooti nzungu. Kino kityoboola ekitiibwa kya Kabaka n’Obwakabaka okutwalira awamu era tusaba ekintu ky’okulaba Kabaka mu kamwa kikome."

 Ssaabawolereza wa Buganda, Daudi Mpanga ng'aliko by'atangaaza bannamawulire oluvannyuma lw'okubasisinkana ku nsonga z'omusango gw'ettaka Kabaka gw'awangudde nga October 1, 2018.

Ssaabawolereza wa Buganda, Daudi Mpanga ng'aliko by'atangaaza bannamawulire oluvannyuma lw'okubasisinkana ku nsonga z'omusango gw'ettaka Kabaka gw'awangudde nga October 1, 2018.

SSAABAWOLEREZA wa Buganda, Daudi Mpanga agambye nti enkola ey’okutwalanga Kabaka mu kkooti enzungu esaanye ekomezebwe kubanga Obwakabaka bulina enteekateeka z’ennono eziyitibwamu okugonjoola obutakkaanya bwonna obubeera bubaluseewo.

Mpanga yanokoddeyo kkooti ya Kisekwa ekozesebwa okutawulula abalina enkaayana z’ebika n’agamba nti tewali nsonga etwala muzzukkulu wa Buganda mu kkooti enzungu ng’eno weeri era yerina obumanyirivu ku nsonga z’ebika.

Enkola endala gye yanokoddeyo, ye y’okuyita mu bakulu mu bika, amasaza ssaako ne baminisita okutuusa ensonga ezitali zimu ezibanyiga.

Bino yabyogedde oluvannyuma lwa kkooti ejulirwamu okugoba okusaba Kkooti Enkulu kwe yali ewadde Munnamateeka Mabiriizi Kiwanuka nti aweebwe akawunti okuterekebwa ensimbi eziva mu ttaka ly’Obwakabaka.

“Mabiriizi munnaffe nga yeddira Kkobe, atutte emisango mingi mu kkooti ng’awawaabira Kabaka ku nsonga ez’enjawulo kyokka nga tulina engeri eziwerako omuntu okwemulugunya kwonna awatali kugenda mu kkooti nzungu. Kino kityoboola ekitiibwa kya Kabaka n’Obwakabaka okutwalira awamu era tusaba ekintu ky’okulaba Kabaka mu kamwa kikome. Yenna alina ensonga emunyiga esaanye akozese emikutu gy’ennono gye tulina okutuusa ensonga ze,” Mpanga bwe yategezezza.

Ensala y’Abalamuzi Egonda Ntende, Hellen Obura ne Ezekiel Muhanguzi gye baafulumizza ku Mmande yalaze nti ebiwandiiko Mabiriizi by’asaba tebirina ngeri gye bikwataganamu n’omusango gwe yawaaba kuba n’omusango gwe yawaaba nti Kabaka anyigiriza abantu bw’abasaba ssente ku ttaka ly’Obwakabaka ng’ate akuuma likuume, tegulimu kinyusi kubanga talaga baani banyigirizibwa ng’era be bamutuma okubakiikirira.

Ku kino Mpanga we yasinzidde n’ategeeza nti ebiseera bingi ebyonooneddwa ssaako n’ensimbi mu kuwoza ensonga ennyingi Mabiriizi ze yayingiza mu musango omukulu ogw’ettaka nga zino zisukka 20 ng’ate wandibaddewo ebirala bingi ebyandibadde bikolebwa.

Kkooti enkulu esuubirwa okuddamu okuwuliriza emisango emirala Mabirizi gye yawaabira Kabaka ku ttaka wakati wa October 22 ne 24, 2018.

More From The Author

Emboozi z’omuwandiisi endala

Emboozi endala

Omuzibizi wa Arsenal eyafun...

Tierney yafunye obuvune mu vviivi era asuubirwa okumala ebbanga eriwerako nga tazannya wabula Arteta agamba nti...

Bassita ba Leicester bameny...

TTIIMU ya Leicester eraze lwaki abazannyi baayo basatu baayo basatu tebaazannye mupiira gwa Premier, West Ham bwe...

Wabaddewo vvaawompiteewo n...

WABADDEWO vvaawompiteewo ku kisaawe kya MTN Arena e Lugogo ng'abakungu ba FUFA balondesa abakulembeze b'omupiira...

Abamu ku bayizi be basabidde.

Abayizi ba S.6 babuuliriddw...

ABAYIZI ba S6 babuuliriddwa okutwala ebigezo eby'akamalirizo bye batandika enkya ng'ensonga kuba kati batandise...

Fr. Dominic Kagoye  ng'akwasa Kironde (afukamidde wansi ) pikipiki gye baamutonedde,nnyina (mu gomesi) n'abaana be.

Omusomesa eyaziba amaaso ki...

Eyali Omusomesa wa Siniya okubala ne 'Physic's eyaziba amaaso mu ngeri eyewuunyisa ng'ali mu kibiina asomesa n'akubwa...