TOP

'Abaana temubalekera basomesa na bannaddiini'

Added 7th October 2018

MINISITA omubeezi ow’ensonga z’abaana n’abavubuka Florence Nakiwala Kiyingi akubirizza abazadde obutalekera basomesa na bannaddiini kubagunjulira baana.

 Minisita Nakiwala Kiyingi (owookubiri ku ddyo) ng’asimbula abaana abeetabye mu misinde.

Minisita Nakiwala Kiyingi (owookubiri ku ddyo) ng’asimbula abaana abeetabye mu misinde.

Bino yabyogeredde ku Lutikko e Lubaga bwe yabadde asimbula emisinde egyetabiddwaamu abaana n’abantu abakulu mu kaweefube w’okunoonya ssente z’okuddaabirizza ekifo kya ‘’Holy Infant Oratario’’ ekimanyidwa nga Sunday school abaana abato we basomera eby’eddiini.

Ku mukolo guno Nakiwala kwe yasiimidde ne Ssaabasumba Dr. Cyprian Kizito Lwanga olw’ekirowoozo ky’okutandikawo ekifo ky’abaana kino kye yagambye nti kyakwongera okusika abaana ababadde balekebwa awaka olw’okubulwa we babakuumira.

Cansala w’essaza lya Kampala Rev. Fr. Joseph Mary Ssebunnya eyakiikiridde Ssaabasumba yategeezezza nti ekifo kino kyakwongera okubangula abaana mu by’eddiini n’asaba abazadde obutabaleka waka wabula bajjenga nabo buli Ssande basobole okuyiga ekigambo kya Katonda ekinaabayamba okutambulira mu kitangaala kubanga be bakulembeze ab’enkya.

Yagambye nti ekigenderwa ky’emisinde gino kuliko okusonda ssente z’okuddaabiriza ekifo ekyabaweereddwa ssaabasumba, okuyamba abaana okukuuma emibiri gyabwe nga miramu, okunnyikiza eddiini, okumanyagana n’okuzimba emikwano mu baana.

Yagambye nti waliwo enteekateeka z’okubunyisa enkola eno mu ssaza lyonna okulaba nti abaana bongera okumanya Katonda ne yeebaza minisita olw’obuyambi bwe yabawadde ng’omulimu guno gwetaagisa ensimbi ezisoba mu bukadde 10.

More From The Author

Emboozi z’omuwandiisi endala

Emboozi endala

Mwanje (wakati) nga "bamunywedde"

Ofiisa munsonyiwe nva kuziika!

MAKANIKA eyeeyise owa poliisi bamukutte n’alwanagana n’abaserikale ng’agamba nti tebalina kye bayinza ku mukola....

Abawawaabirwa, Christine Guwatudde Kintu, Joel Wajala , John Martin Owor  ne Lutimba Kyeyune Fred Martin nga bali mu kaguli

Bana basimbiddwa mu kkooti ...

Abakungu bana okuva mu ofiisi ya Ssaabaminisita abavunaanibwa okulya eza COVID19 basindikiddwa mu kkooti ewozesa...

Sazir Lumala disitulikiti Kaadi w'e Mukono ng'ayogera n'abamawulire ku poliisi e Mukono.

Disitulikiti Kaadi w'e Muko...

Bya ERIC YIGA POLIISI e Mukono ekutte disitulikiti Kaadi waayo Sheikh Sazir Lumala naggulwako omusango gw'okukozesa...

Abasiraamu balabuddwa okuko...

BYA JAMES  MAGALA  Kino kidiridde Poliisi okuyoola abasiraamu 25 e Mpingi nga bagambibwa okuba abayeekera mu...

Bagudde ku mulambo gwa mutu...

Abatuuze b'e Kawaala zooni 2 mu divizoni y'e Rubaga baguddemu ekyekango bwe basanze mutuuze munnaabwe nga yafiridde...