TOP
  • Home
  • Amawulire
  • Abooluganda 5 bafiiridde mu kabenje ddekabusa e Wobulenzi: Kuliko n'omuyimbi wa Golden Band

Abooluganda 5 bafiiridde mu kabenje ddekabusa e Wobulenzi: Kuliko n'omuyimbi wa Golden Band

Added 8th October 2018

ABATUUZE b’e Wobulenzi mu disitulikiti y’e Luweero na buli kati bakyali mu kinyobero oluvannyuma lw’akabenje ddekabusa akaaguddewo ku Ssande ne kafiiramu abantu bafamire emu bataano n’omulala omu.

 Abooluganda abaafiiridde mu kabenje

Abooluganda abaafiiridde mu kabenje

Bya STUART YIGA

Ayogerera Poliisi mu ttundutundu lya Savanah, ASP Paul Kangave, agamba nti akabenje kano kaabaddemu mmotoka bbiri okwabadde loole ey’ekika kya FUSO nnamba UAR 162G ne Vitz nnamba UAS 163T.

Kangave era ategeezezza nti, abaafudde kuliko Isaac Mbogo, 32, Florence Nankumbi,28, Richard Lule,30,  ne Patience Najjuma, 28.

Kigambibwa nti akabenje kano kaavudde ku ddereeva wa Vitz eyabadde aweenyuka obuweewo okuva e Luweero ng’ayolekera Kampala.

“Yagezezzaako okuyisa lukululana mu katawuni e Wobulenzi  kyokka ng’ate waliwo n’emmotoka endala eyabadde eyisa kati mu kugezaako okusiba, mmotoka yayingiridde loole oluvannyuma ne yeefuula emirundi egiwera abantu bana ne bafiirawo ate abalala babiri ne bafiira mu ddwaliro lya Luweero Health Centre IV gye baabadde batwaliddwa okufuna obujjanjabi!”, omu ku beerabiddeko akabenje kano nga kagwawo bwe yategeezezza Bukedde.

Poliisi okuva e Wobulenzi emirambo gy’abagenzi yagigyeewo n’egitwala mu ddwaliro e Luweero, oluvannyuma negikwasibwa ab’engganda zaabwe okugiziika.

Kigambibwa nti abamu kubagenzi babadde bayimbi era nga balina oluganda ku muyimbi Meserch Semakula wamu ne Haruna Mubiru.

BAAKUZIIKIBWA MU NTAANA EMU

Abooluganda abataano (Najjuma owa Golden ye bamutwala Buwaate) babasimidde entaana emu mwe bagenda okubaziika.

Wabula bagenda kugyawulamu obusenge era eggulo baabadde batandise ku ntaana eno okugisima.

 

More From The Author

Emboozi z’omuwandiisi endala

Emboozi endala

Bbebi gwe baasudde mu ddwaaliro

Omusajja acankalanyizza edd...

OMUSAJJA acankalanyizza eddwaliro bw'atutte bbebi n'amusuulira abasawo nga abalumiriza obutakozesa bukugu ekyaviirako...

UNRA bataddewo amaato okuso...

ABATUUZE mu ggombolola y'e Galiraaya mu disitulikiti y'e Kayunga ababadde batakyasobola kutambula olw’oluguudo...

Mmeeya Balimwezo ng’ayogera n’abamu ku basuubuzi b’omu katale k’e Nakawa.

Kaabuyonjo y'akatale k'e Na...

EYALOGA omugagga Haruna Ssentongo tannassa mbugo! Anti bamututte mu kkooti nga bbanka ya Orient emubanja obuwumbi...

Maj. Kakooza Mutale asuze k...

MAJ Roland Kakooza Mutale n’ekibinja ky'abajaasi be Basuze ku malaalo ga Kasirye Ggwanga nga bamukungubagira nebamutendereza...

Abaasomerako e Kako nga bawaayo ebintu

Abaasomerako e Kako bawadde...

ABAYIZI abaasoomerako e Kako abeegattira mu kibiina kya Kako Old Students Association (KOSA) badduukiridde essomero...