TOP

Tubalinze mu Mbuutu y'Embuutikizi tubakalakate emiziki

Added 17th October 2018

Abayimbi abagenda okuyimba mu kivvulu kya Bukedde FaMa Embuutu y’Embuutikizi kalakata bakoowodde abaddigize okujja mu bungi babakube emiziki.

 Abamu ku bayimbi abagenda okuyimba mu Mbuutu y'Embuutikizi

Abamu ku bayimbi abagenda okuyimba mu Mbuutu y'Embuutikizi

“Ffe tubalinze mu Mbuutu y’Embuutikizi  tubakalakate emiziki.” bwebatyo abayimbi omu kw’omu obwedda bwe bawaga n’okukowoola abawagizi babwe okweyiwa mu kivvulu kya Bukedde FaMa  Embuutu y’Embuutikizi kalakata ku Ssande ejja nga October 28, 2018 mu kisaawe e Wankulukuku

Abayimbi ab’enjawuulo okubadde; Spice Diana, Carol Nantongo, B2C, Triplets Ghetto Kids, n’abalala abakulu n’abato basinzidde mu lukung’aana lwa bannamawulire olutudde ku kitebe kya Vision Group efulumya ne Bukedde enkya ya leero,

bategezza nga bbo bwe bamaze okwetegeka n’okuwawula amaloboozi kati balinze lunaku lwa Mbuutu basanyukire wamu n’abawagizi babwe n’abawuliriza ba Bukedde Fa Ma ng’ejjaguza okuweza emyaka 10 ng’ebuutikidde leediyo enddala mu ggwanga

mu bayimbi abalala abagenda okubeerayo kuliko; Jose Chameleone, Cindy, bandi ya Da Nu Eagles nga bakulemeddwamu Geoffrey Lutaaya, Irene Namatovu , Gravity Omutujju n’abalala abasoba mu 30

Herbert Yawe Kabanda akulira Bukedde Fa Ma 100.5 ne 106. 8 e Masaka ne 96.6 e Mbarara ng’ayogera ku binnonnoggo ebisiddwa mu kivvulu kino agambye, buli ayingira ajja kuvaayo n’ebirabo mu ngalo omuli ne ssente enkalu ate waliyo n’omukisa okulinnya mu nnyonyi okulambula  Kampala eri abbo abanasooka okuyingira obutasuuka ssaawa 7:00 ez’emisana.

Ate Bills Bills Mboijana 'Butoddene' omu ku bakituuzi ba Vision Group agasseko nga eby’okwerinda bwe bigenda okuba eby’amaanyi okutangira abamenyi b’amateeka ate ekyuma kya Silk Events eky’omulembe kye kipangisiddwa okukuba emiziki.

Kkampuni  ezitaddemu ssente okuli; aba Prestige Margarine, Jomay Properties, Uganda Breweries abasogola Bell, Peps Cola, Movit  Producrs Ltd wamu ne MTN

Fayinolo y’ekigwo

Mu kivvulu kino era mutegekeddwamu ne fayinolo y’ekigwo ggumbya.

Abamegganyi  abaayiseemu okuva mu bitundu eby’enjawulo ku lunaku luno we bagenda okwegera eryanyi okufunako omuwanguzi w'omwaka guno era  Yasin Kaddu owa Jomayi ategezezza nti omuwanguzi bagenda kumuwa ekyapa ky'ettaka 100x 50 bamugattireko  akakadde kamu aka ssente ne ggaali maanyi ga kifuba ssaako ebirabo ebirala okuva mu ba Prestige Margarine.

More From The Author

Emboozi z’omuwandiisi endala

Emboozi endala

Omulambo gwa Paasita Yiga g...

OMULAMBO gwa Paasita Augustine Yiga guggyiddwa mu ggwanika ly'eddwaliro ly'e Nsambya gy'abadde ajjanjabirwa ne...

Enkuba egoyezza ab'e Kyeban...

Obuzibu abatuuze bano babutadde ku bakola oluguudo lwa Northern bypass abaayiwa ettaka mu mikutu egyanditutte amazzi...

Paasita Kyazze

Paasita Kyazze naye ayogedd...

Agambye nti Omusumba Yiga abadde muyiiya nnyo, omusanyusa era ayagala ky'akola kyokka bino byonna yandibikoze...

Paasita Ssenyonga ng'ayogerera mu lukung'aana lwa bannamawulire

Paasita Ssenyonga atuuzizza...

Ayogedde ku mugenzi nga abadde nabbi ow'obulimba , omukabassanyi w'abakazi era nga waafiiridde abadde awerebye...

Omugenzi Col Shaban Bantariza

Col Bantariza afudde Covid1...

Gavumenti ekakasizza nti omugenzi Col. Shaban Bantariza yafudde kirwadde kya Covid 19.