TOP
  • Home
  • Amawulire
  • Omugagga abadde avunaanibwa okwekomya ebintu bya mukyala we ayimbuddwa

Omugagga abadde avunaanibwa okwekomya ebintu bya mukyala we ayimbuddwa

Added 19th October 2018

Omugagga abadde avunaanibwa okwekomya ebintu bya mukyala we ayimbuddwa

OMUGAGGA w’e Naggulu, Wahaabu Kibuuka Ssemakula eyasingibwa omusango gw’okwekomya ebyobugagga by’abaana ba mukyala we eyafa ayimbuddwa okuva mu kkomera e Luzira gy’amazze emyezi ebiri.

Omulamuzi Paul Gadenya Wolimbwa owa kkooti eteeka mu nkola ebiragiro bya kkooti, ye yayimbudde Ssemakula oluvannyuma lw’okukkiriza okusasula obukadde 30 ku bukadde 60, abaana ze baakozesa mu kkooti okuwaaba omusango.

Ssemakula oluyimbuddwa atuukidde mu makaage e Naggulu n’asanga ngennyumba ziri ku ttaka nga n’ebintu byaggyibwaamu. Yavumiridde poliisi olw’okwonoona ebintu bye n’agamba nti abaagiragira baali mu nsobi.

Abamu ku booluganda lwa Ssemakula okwabadde ne mutabani we Ibrahim Ssemwogerere baayagadde okukuba abaserikale abateekebwawo okukuuma ekifo kino okuva Ssemakula lwe yakwatibwa.

Ekikolwa kino kyawaliriza abaserikale okuva ku poliisi ya Jinja Road okugenda ne bakakkanya embeera. Ssemakula yategeezezza nti ettaka lino lirye era ekyapa Paul Tumusiime, omu ku bamuvunaana kye yatwala mu kkooti ekyamuviirako okusingibwa omusango kyali kijingirire. Poliisi yakutte Ssemwogerere ne banne olw’okusaalimbira ku ttaka eritali lyabwe. Kyokka Ssemakula agamba nti kkooti yamukkiriza.

Tumusiime ng’ali ne baganda be okuli Irene Kamugisha, Godfrey Twinomujuni ne Herbert Beitwa b’atwala Ssemakula mu kkooti nga bamuvunaana okubatwalako ebyobugagga bya nyaabwe Sarah Mukakawanyana eyafa mu 2011.

Bagamba nti, Ssemakula yakozesa olukujjukujju n’akyusa ebiwandiiko by’ettaaka lya nnyabwe e Naggulu ne Najjeera n’abizza mu mannya ge nga bo abaana abalese mabbali. Omulamuzi Percy Night yasingisa Ssemakula omusango n’amulagira okusasula obukadde 60 n’ebizimbe ebiri ku ttaka lino babiveemu.

More From The Author

Emboozi z’omuwandiisi endala

Emboozi endala

Oba Daddy Andre ne Nina Roz...

Getwakafuna ge g’omuyimbi ow’erinnya Daddy Andre alabikidde mu bifaananyi ku mukutu gwa Twitter ng’ali n’omuyimbi...

Chanddiru ne mukwano gwe ng'amubudaabuda.

Omusomesa eyakubiddwa ttiya...

OMUSOMESA eyakubiddwa akakebe ka ttiyaggaasi mu liiso alongooseddwa n’akukkulumira poliisi olw’obuvune bwe yamutuusizzaako...

Musumba munsabireko embeera...

WALIWO enjogera egamba nti mu kutya Mukama amagezi mwe gasookera. Enjogera eno yatuukidde bulungi ku muyimbi Sofie...

Ab'e Mbale basabye Kiwanda ...

ebyetaaga okutumbula mulimu; ekkuumiro ly’ebisolo erya Elgon National Park, ebiyiriro by’e Sipi, olusozi Masaba...