TOP
  • Home
  • Amawulire
  • Abazadde basabiddwa okukomya okukozesanga ebigambo ebisongovu mu maaso g'abaana

Abazadde basabiddwa okukomya okukozesanga ebigambo ebisongovu mu maaso g'abaana

Added 27th October 2018

Abazadde basabiddwa okukomya okukozesanga ebigambo ebisongovu mu maaso g'abaana

OMULABIRIZI eyawummula  asabye bannayuganda  okwetegereza abantu be batambula nabo mu nsi kuba abano balina ebigendererwa birala .
 
Omulabirizi we Mukono eyawummula yasinzidde ku ssomero lya All Saints Junior School erisangibwa e Namataba Mukono ku Luguudo lwe Jinja  ku mukolo gw’okusabira abayizi 85 abagenda okutuula ebigezo bya PLE saako n’okuteeka emikono ku bayizi 60 abaamalirizza emisomo.

Yagambye  nti abantu abamu batambula n’abantu be batamaanyi  bikolwa byabwe ekibaviriddeko okufuna ebizibu  n’asaba buli muntu okutambuza obulamu nga yesigamye mu katonda  .

“Obulamu bwe nsi mulina kubutambuliza mu katonda okusobola okuwangula abantu bangi batambula n’abantu be batamanyi mu bintu ebyenjawulo ne bafundikira nga babakozesezza ensobi , mwe abayizi mugenda kukola ebigezo mulina  okwesigama ku katonda  ekirala ky’osiga ky’okungula  eno y’essaawa  okulaga abazadde  bamwe n’abassomesa nti mubadde mussoma ” Omulabiri bwe yategeezezza

 Godfrey Banana nannyini ssomero  yalabudde abazadde okukomya okuyingiza abayizi mu ntalo z’abakulu , yagasseeko nti abazadde abamu bwe bafuna obutakkaanya bayombera mu maaso ng’abaana baabwe kye yagambye nti ebiseera ebisinga kitaataaganya nnyo obwongo bw’abaana ne baviirako okwonooneka olw’ebigambo ebikozesebwa abazadde  mu busungu nga bayomba.

Yagenze mu maaso n’asaba abazadde okukomya okusuulira amasomero abaana ne batafaayo kulondoola bye bakola , yagambye abamu olumala okusasula ebisale by’amassomero tebaddamu kulinya ku massomero ng’ebiseera ebimu  kiviraako abayizi okwekubagiza  ng’abatalina bazadde .

 
Steven Matovu omukulu w’essomero y’alabudde abazadde obutalaga nnyo baana kwagala ne batuuka n’okubalekeera emikuttu gy'empuliziganya ne balabirako ebifaanyi eby’obuseegu ,yagambye kyaddibadde kirungi  Ttiivi abazadde ne bagibeerako n’obuvunanyizibwa ku baana bye balina okulaba

More From The Author

Emboozi z’omuwandiisi endala

Emboozi endala

Dr. Okello Kalule.

Omulimi by'olina okukola ok...

MU Uganda mulimu ebika by'ebinyeebwa ebisukka mu 26 nga buli kimu kisobola okudda kumpi mu buli kitundu kya ggwanga...

Kigoonya.

Nze nnindiridde buwanguzi -...

Bya Vivien Nakitende Angella Kigoonya Namyalo eyeesimbyewo ku bwameeya bwa munisipaali y'e Lubaga ku kaadi ya...

Mberaze aleebya Ssebuggwaawo.

Ebya Mmeeya Ssebuggwaawo bi...

We buzibidde ng'okubala obululu mu bitundu bya Lubaga South eby'enjawulo kulaga nga Munna NUP, Zachy Mawula Mberaze...

Nga bateeka omulambo gwa Bisaka (ku ddyo) mu nnyonyi okugutwala e kapyemi. Eyeeyita Katonda alese ebyafaayo.

Eyeeyita Katonda alese ebya...

ENTEEKATEEKA z'okuziika Owobushobozi Bisaka ziri mu ggiya. Omulambo gwe okuva e Nairobi gwaleeteddwa mu nnyonyi...

Ggaadi eziwedde okukola.

Okwokya ggaadi za bodaboda ...

BW'OZITUNUULIRA kungulu oyinza okulowooza nti ziggyibwa bweru wa ggwanga olw'endabika yaazo ennungi. Ggaadi zino...