TOP

Abaafuna ebintu by'Abayindi e Masaka basattira

Added 4th November 2018

Abaafuna ebintu by’Abayindi e Masaka basattira

Abantu abasoba mu 250 abaafuna ku byobugagga ebyalekebwa Abayindi mu kibuga Masaka bwe baafuumulwa Idi Amin bali mu kusattira olw’akakiiko akaateekebwawo Gavumenti okunoonyereza ku bantu abeekomya eby’obugagga mu bukyamu okutandika emirimu gyako.

Abakungu ku kakiiko kano akakulemberwa Dr. Abdul Byakatonda baasoose kusisinkana abakulembeze b’ekibuga n’aba disitulikiti y’e Masaka n’abantu abali mu bizimbe bino.

Abamu tebaagenzeeyo olw’okutya ebyabadde biyinza okuddirira ng’ensisinkano yabadde ku kitebe kya Munisipaali y’e Masaka. George William Bizibu, Ssaabawandiisi w’akakiiko kano yategeezezza nti ebintu bingi ebyatwalibwa mu bukyamu ng’abaabigula tebasoose kumanya bwannannyini obutuufu.

N’agamba nti embeera eno y’evuddemu ettaka erimu okubeera n’ebyapa ebisukka mu kimu ng’abaagula abamu baabawa bicupuli. Yanenyezza abakakiiko ka disitulikiti y’e Masaka ak’ettaka n’enkiiko z’ekibuga ezaaliwo okutunda ebyobugagga bino naddala mu kifo ekimanyiddwa nga Mutuba - Musisi Gardens ng’ate amateeka gakirambika bulungi nti minisita w’ebyensimbi y’alina obuyinza okulangirira okutundibwa kw’ebyobugagga byonna ebiri wansi w’akakiiko kano.

Ebyapa ebisoba mu 40 ebyagabibwa mu ngeri eno n’ebirala bakayungirizi b’ettaka bye baali baagala okutunda akakiiko kaabitaddeko envumbo okutuusa ng’okunoonyereza kuwedde.

Bataddewo akakiiko k’abantu 13 nga kakulemberwa RDC wa Masaka, Herman Ssentongo ng’amyukibwa ssentebe wa disitulikiti y’e Masaka Jude Mbabaali ne Meeya w’ekibuga Godfrey Kayemba Afaayo okuyamba ku kakiiko ku nsonga ezimu.

More From The Author

Emboozi z’omuwandiisi endala

Emboozi endala

UNEB ewadde abayizi wiiki 5...

MINISITULE y’ebyenjigiriza ewadde abazadde n’abayizi omwezi gumu okusasula ssente z’ebigezo n’okwewandiisa okukola...

Trump ne Biden

Omugagga asasulidde abasibe...

OMUSAJJA bifeekeera, omu ku basinga obugagga mu Amerika akutte doola obukadde 16 n’asasulira abasibe 32,000 engassi...

Abawagizi ba Rukutana nga bajaganya

Engeri ebya Rukutana gye bi...

EBY’OBULULU bw’e Rushenyi bikyuse minisita Mwesigwa Rukutana bw’alangiddwa ng’eyawangudde akalulu k’essaza lino...

Omuyimbi Pia Pounds yeekokk...

Sheilah Gashumba kirabika kati ye yeekwatiramu mu kukuba ebifaananyi

Malokwezza ne mukazi nga bajaganya

Tofiri Malokweza (92): Ayog...

Bw’OLABA omuntu ow’emyaka 92 tolemwa kutendereza Katonda ate ng’eno bwe weebuuza ekyama kye ekimusobozesezza okuwangaala....