TOP
  • Home
  • Amawulire
  • Stella Nyanzi akyakuumiddwa mu kaduukulu ka Poliisi

Stella Nyanzi akyakuumiddwa mu kaduukulu ka Poliisi

Added 6th November 2018

Nyanzi poliisi yamukutte wiiki ewedde ku poliisi e Wandegeya ne bamuggalira ku SIU e Kireka.

 Dr. Stella Nnyanzi

Dr. Stella Nnyanzi

Bya BENJAMIN SSEBAGGALA
 
WE bwazibidde eggulo nga Dr. Stella Nyanzi akyali mu kaduukulu ka poliisi gye baamuggalira wiiki ewedde olw’okuvuma Pulezidenti Museveni n’amulangira amagufa.
 
Nyanzi poliisi yamukutte wiiki ewedde ku poliisi e Wandegeya ne bamuggalira ku SIU e Kireka. Yabadde agenze ku poliisi ng’ayagala emuwe obukuumi akumbe nga yeekalakaasa olwa yunivasite y’e Makerere okugaana okumuzza ku mulimu
so ng’akakiiko kaawuliriza ensonga ze ne kasalawo nti baali baamugoba mu bukyamu ne kalagira adde ku mulimu.
 
Nyanzi yabadde ategese okukumba nga yeekalakaasa okuva ku poliisi e Wandegeya atuuke e Makerere kyokka nga ne poliisi yamwetegekedde olw’ebigambo bye yatadde ku mukutu gwe ogwa ‘Facebook’ gye buvuddeko ng’avuma pulezidenti Museveni
nga n’ebigambo ebimu biwemula kwe kumukwata.
 
Omusango teguvunda, ebigambo ebyakwatisizza Nyanzi yabiwandiika September 14, 2018 ku mazaalibwa ga Museveni ag’emyaka 74. Nyanzi yasaba nnyina wa Museveni omugenzi Esteri Kokundeka ajje atwale mutabaniwe.
 
Wiiki ewedde, omwogezi w’ekitongole kya poliisi ekibuuliriza ku misango Vincent
Ssekate, yakakasizza eri abaamawulire nti Nyanzi poliisi yamukutte.
 
Ku Mande baabadde basuubira okumuleeta mu kkooti kyokka tebaamuleese.
 
Omwaka oguwedde mu March, nga Polof. John Ddumba Ssentamu y’akyali Cansala
wa Makerere, ng’akolera ku biragiro bya ssentebe w’olukiiko lwa Makerere olugaba emirimu Bruce Balaba Kabaasa yayimiriza Dr. Nyanzi.
 
Isaac Ssemakadde munnamateeka wa Dr. Nyanzi yategeezezza BUKEDDE nti, eggulo baagenze ku poliisi e Kibuli gye baagaanidde okuggyako omuntu we sitetimenti kubanga baabadde tebamubuulira misango gye bamuggulako.
 
Ayongerako nti bbo omulimu gwe balina guli gumu kumuzza Makerere nga kkooti
bwe yalagira. Ekiseera kino bamulekedde poliisi esalewo eky’okumukolera kubanga tebamuggulako musango, tebamuta ate tebamututte mu kkooti.

More From The Author

Emboozi z’omuwandiisi endala

Emboozi endala

Omusumba Joel Kakembo akunz...

Omusumba Joel Kakembo owa Mt. Zion Church Gayaza era akulira Upper Room Pastors Network, akubirizza abasumba okwetaba...

Abatuuze mu lukiiko.

Nnamukadde yeekubidde enduu...

Nnamukadde Teddy Nakirijja 75, nnamwandu w'omugenzi Disan Mukasa yeekubidde enduulu mu ofiisi y'omukulembeze w'eggwanga...

Omubaka Kabanda ng'ayogera eri abaddusi.

'Muwagire nnyo enteekateeka...

OMUBAKA omukyala owa Masaka mu Paalamenti, Mary Babirye Kabanda emisinde gy'amazaalibwa ga Kabaka agisimbudde n'abaddusi...

Amuriat (owookusatu ku ddyo) ne banne nga batudde mu luguudo wakati.

Wano nvaawo na guleeda - Am...

Wabaddewo akanyoolagano wakati w'akwatidde FDC  bendera okuvuganya ku bwapulezidenti, Patrick Oboi Amuriat ne Poliisi....

Ssaabasumba ng'akwasa Omukristu Bayibuli. (Ebif. Ponsiano Nsimbi)

Abavubuka mukomye okukola e...

SSAABASUMBA w'Essaza ekkulu erya Kampala, Dr. Cyprian Kizito Lwanga alabudde abavubuka  okukomya okukola effujjo....