TOP

Balumirizza ofiisa wa poliisi okubba ettaka

Added 11th November 2018

Balumirizza ofiisa wa poliisi okubba ettaka

 Abooluganda abalumirizza Ssekate okutwala ettaka lyabwe.

Abooluganda abalumirizza Ssekate okutwala ettaka lyabwe.

ABOOLUGANDA abalumirizza omwogezi w’ekitongole ekikwasisa empisa mu poliisi,Vincent Ssekate okubanyagako ettaka basabye ab’obuyinza okubayamba ensonga zaabwe zitunulwemu.

Nga bakulembeddwaamu Wilberforce Kityo Kaweesa ne Robinah Nalumansi ab’e Kisanjufu mu ggombolola y’e Kyampisi mu disitulikiti y’e Mukono bagamba nti ettaka lyabwe eryabanyagibwaako liweza yiika 19. Bagamba nti ettaka lino lyabaweebwa kitaabwe omugenzi Christopher Ssempa mu 2005, kyokka beewuunya okulaba nga Ssekate alina ekyapa kye yafuna mu 2015 newankubadde ng’ettaka lino libaddeko envumbo.

Bagamba nti ebiwandiiko bya Ssekate biraga nti ettaka yaligula ku Miriam Nabulya muwala wa Yonasi Magoba, nga bakitaabwe baali ba mukwano. Bagamba nti newankubadde Ssekate amanyi amateeka kyokka yagenda mu maaso n’okugamenya. Bagamba nti ensonga baazitwala mu kkooti kyokka tebannaba kufuna kuyambibwa.

Ssekate bwe yabuuziddwa yagambye nti talina ky’ayinza kwogera ku nsonga eziri mu kkooti. Bagamba nti Nga August 28, 2015, Ssekate yatwala abaserikale ne batandika okupima ettaka era bwe baagezzaako okubalemesa ne babagoba nga waliwo muganda waabwe eyagwa n’alumizibwa.

Kityo agamba nti Ssekate ettaka teyalifuna mu makubo matuufu, kubanga ekyapa kya kitaabwe yakifuna mu 1971. Basaba Pulezidenti abataase babaddize ettaka lyabwe.

More From The Author

Emboozi z’omuwandiisi endala

Emboozi endala

Pulezidenti Museveni lwe yatongoza ekkolero lya METUZHONG erikola bbaasi e Namanve nga March 9, 2019.

Gavumenti by'egenda okukola...

OKUTANDIKA okukolera wano ebintu ebibadde bisuubulwa ebweru w’eggwanga n’okwongera ku bungi bw’ebintu ebitundibwa...

Fred Enanga.

Poliisi eyigga omuwala eyag...

POLIISI etandise okunoonya omuwala, Unique Kobusigye gw’erumiriza okusaasaanya amawulire ku kyasse Omusumba w’e...

Isreal

Boogedde bye balabye mu mya...

Micheal Orahi Osinde, omwogezi w’omukago ogutaba ebibiina byobufuzi byonna mu ggwanga ogwassibwawo mu 2010 agamba...

Miriam Wayirimo eyavuganyizza ku kya mmeeya wa Njeru munisipaali ng’alonda ku muzikiti e Namwezi.

Okulonda bwe kwabadde e Lug...

EBYAVUDDE mu kalulu ka Bameeya ne Bakansala ba munisipaali okwetoloola eggwanga biraga nga NUP yasinze kukola bulungi...

Pulezidenti Museveni ng’atongoza ekyuma kye yawa abavubuka mu Kampala okusitula ebyemikono.

Olugendo lwa Gavumenti ya N...

EMYAKA giweze 35 bukya Gavumenti ya NRM ekwata buyinza oluvannyuma lw’olutalo olw’ekiyeekera olwatandika mu mwaka...