TOP

Apass ajereze Kenzo ne Fik Fameica.

Added 15th November 2018

Apass ne Eddy Kenzo bawakana ani asinga okwesala emisono wabaluseewo olutalo lw'ebigambo

 Kenzo ku kkono ne Apass

Kenzo ku kkono ne Apass

OLUTALO lw'ebigambo lubaluseewo wakati w'abayimbi Apass (Alexander Bagonza) ne Eddy Kenzo.

Entabwe evudde ku babiri bano okussibwa mu mutendera gwe gumu okuvuganya ku ngule y’omuyimbi omusajja asinga okwesala emisono (Most stylish male artiste) mu mpaka z'eby'emisono eza  Abryanz Style & Fashion Awards 2018 ezigenda okubeera ku Serena hotel nga December 7, 2018.

Bano tebalinze bawagizi kulonda ani asinga, batandikiddewo kwerumba na kwejerega nga buli omu agamba munne bw’atamanyi bya misono era bakoze nsobi okumuteeka mu mutendera guno.

okuva ku kkono; Fik Fameica, Exodus ne Beenie Gunter

 

Kenzo ye yasoose  okuwandiika ku mukutu gwe ogwa instagram obubaka obunafuya Apass.

Olubirabye bino, Apass ye asazzeewo  kwekwatta katambi  mwalumbidde Kenzo gwayise munnakyalo atamanyi bya misono.

Mu katambi kano akasaasaanye ku mikutu gya yintanenti giyite ‘social media’, Apass agenze mu maaso n’alumbira n’abayimbi abalala bwe bavuganya ku ngule yeemu okuli; Fik Fameica gwayise makanika era nti naye eby’emisono byamugwa kkono, Exodus ssaako ne Beenie Gunter.

Akomekkereza agamba nti  bwe baba nga bagezi bawanikirewo kubanga agenda kubawangula baswale.

Kyokka abawagizi abamu balumbye Apass nga bagamba nti asuusizza okuwalampa bayimbi banne n’okwagala okubanafuya akole amawulire.   

More From The Author

Emboozi z’omuwandiisi endala

Emboozi endala

Fr. Kato nga bamwaniriza mu kigo ky’e Kamwokya.

"Musabire abakulembeze bamm...

KAABADDE kaseera ka ssanyu ate n’okunyolwa ku kigo ky’e Kamwokya, Abakristu bwe baabadde baaniriza Bwannamukulu...

Abakungubazi nga batunuulira ekifaanayi ky’omwana eyattiddwa.

Bawambye omwana ne bamutta

ABATEMU bawambye omwana ow’emyaka mukaaga ne bamutta mu bukambwe, omulambo ne bagwambulamu engoye. Rosemary Ngambeki...

Joseph Ssewungu (ku kkono) ne Latif Ssebaggala nga baliko bye babuuza minisita Jeje Odong (ku ddyo) ku lukalala lw’amannya g’abantu abatalabikako lwe yasomye mu Palamenti.

Ensonga z'ababaka 10 ezitan...

ABABAKA bawadde ensonga 10 lwaki tebamatidde lukalala olwayanjuddwa minisita w’ensonga z’omunda olulaga abantu...

Abaserikale nga batwala omulambo gw'omuwala.

Bagudde ku mulambo gw'omuwa...

ABATUUZE ku Kyalo Kakerenge mu Ggombolola y’e Gombe mu disitulikiti y’e Wakiso baguddemu ekyekango bwe bagudde...

Abatuuze nga baziika Ssali.

Amasasi ganyoose nga poliis...

Amasasi ganyoose nga poliisi y’e Wakiso egumbulula abatuuze abaaziikudde omulambo nga bagamba nti famire teyinza...