TOP

Omubaka Kasibante atereezezza obufumbo

Added 19th November 2018

MOSES Kasibante omubaka wa Lubaga North atereezezza amaka, bw’ayanjuddwa mu kitiibwa ku mukolo ogwetabiddwaako ababaka ba Palamenti abasukka mu 20 abaamuwerekeddeko.

 Kasibante ne Nattabi nga bamema

Kasibante ne Nattabi nga bamema

Bya MUSASI WAFFE
 
MOSES Kasibante omubaka wa Lubaga North atereezezza amaka, bw’ayanjuddwa mu kitiibwa ku mukolo ogwetabiddwaako ababaka ba Palamenti abasukka mu 20 abaamuwerekeddeko.
 
Lydia Nattimba yayanjudde bba Kasibante (olumu eyeeyita “Class Monitor”) mu bazadde era emikolo baagitegekedde Kiteezi ku lw’e Gayaza.
 
Kasibante ne Nattimba bamaze mu bufumbo obutali butongole emyaka egikunukkiriza 15 era bazaaliddemu abaana basatu.
 
Omugole Nattabi

 

Mikwano gya Kasibante gibadde gimuyeeya nti wadde y’abaga amateeka, naye ate obufumbo bwe tebuli mu mateeka era kyaddaaki yasazeewo n’abutereeza
ng’atandikira ku kwanjula.
 
Abantu abeetabye ku mukolo naddala abakyala baawuliddwa nga bayisaamu amaloboozi ageebaza Kasibante okukkiriza “n’ayanjulwa mukulu munne” kubanga abasajja bangi bwe bafuna ebitiibwa n’ensimbi balina omuze ogw’okulekawo abakazi bwe beezimbye ne bayingizaawo “embooko”.
 
Ku mukolo guno, Betty Nambooze (Madam Teacher) akiikirira Mukono Municipality wadde yabadde ku miggo naye yabiibizzaamu okulaga abagole essanyu.
 
Abalala abeetabye mu kwanjula kuno kwabaddeko Loodi Meeya Erias Lukwago, Minisita Florence Nakiwala Kiyingi, akulira akabondo k’ababaka abava mu Buganda Johnson Muyanja Ssenyonga n’ababaka abalala okuli: Muhammad Muwanga Kivumbi, David Lukyamuzi, Joseph Ssewungu, Muhammad Nsereko, Latif Ssebaggala, Florence Namayanja, Sarah Nakawunde Temulanda, Lydia Mirembe, Paul Kato Lubwama,
Allan Ssewannyana, Medard Lubega, Paul Mwiru, Peter Mugema Panadol, Veronicah Namanda, Deogratious Kiyingi n’abalala abaali ko mu Palamenti abaakulembeddwa
Moses Kabuusu.
Abamu ku babaka abaawerekedde Kasibante.

 

More From The Author

Emboozi z’omuwandiisi endala

Emboozi endala

NEZIKOOKOLIMA

▶️ Abaana abakoze ebibuuzo ...

▶️  NEZIKOOKOLIMA: Abaana abakoze ebibuuzo ebyakamalirizo musigale nga mukyali baana awaka.  

Ssempijja ng'asomesa abalimi.

Okugattika ebirime kye kiku...

MINISITA w'obulimi obulunzi n'obuvubi, Vincent Ssempijja asinzidde mu disitulikiti y'e Bukomansimbi n'ategeeza...

Abakristaayo lwe basabira wabweru ku Ssande.

Obulabirizi bw'e Namirembe ...

OBULABIRIZI bw'e Namirembe buyingidde mu nkaayana z'ettaka ly'ekkanisa e Kyanja n'ebugumya Abakristaayo  okusigala...

Jonathan McKinstry (wakati) ng'abuulirira Khalid Aucho (ku kkono) ne Mike Azira (ku ddyo).

Micheal Azira naye annyuse ...

MICHEAL Azira agucangira mu kiraabu ya New Mexico United yeegasse ku bassita ba Cranes babiri abakannyuka omupiira...

Nyombi ng'alaga olubuto mw'afulumira.

Afulumira mu kapiira alaajanye

OMUVUBUKA ow'emyaka 32 alaajana oluvannyuma ly'okumulongoosa ekyenda n'atawona nga kati yeetaaga obukadde butaano...