TOP
  • Home
  • Amawulire
  • Katikkiro awadde Poliisi amagezi ku mbeera y'ennyanja

Katikkiro awadde Poliisi amagezi ku mbeera y'ennyanja

Added 25th November 2018

Katikkiro awadde Poliisi amagezi ku mbeera y'ennyanja

Katikkiro ng'ayogera

Katikkiro ng'ayogera

KATIKKIRO Charles Peter Mayiga awadde  poliisi amagezi bulijjo okubeeranga n’amaato agalawuna ennyanja buli kadde naddala mu bitundu byabyo okuli abantu abangi n’ebifo ebyeyunirwa abaddigize.
 
Bino yabyogeredde ku Kigunga e Seeta- Mukono ku mukolo abeddira enkima kwebajjaguliza obuwanguzi bwebatuukako bwe bawangula engabo y’’ebika omwaka guno ng’omukolo gwabadde ku kifo ekiyitibwa Murs Country Gardens olunaku lw’eggulo.
 
“Poliisi bulijjo esaana okubeera n’amaato agaseyeeya nga galawuna naddala  mu bifo awali abantu abangi. Nanoonyeza ku muddumizi wa poliisi ya Kampala n’emiriraano, Muzzukkulu munamwe ow’enkima Kafeero era bakoze omulimu mulungi kyokka okulawuna kuno kusobola okutaasa ebintu bingi,” Mayiga bweyategezezza.

Templar Junior Bisase ne mukyala we Sheilah Bisase nga kati mu kiseera kibo bonna bagenzi oluvannyuma lw'okufiira mu nnyanja

Katikkiro Mayiga yayongedde naawa bonna abasabalira ku nnyanja amagezi nti  buli ayingira  eryaato abeere n’akakooti akaseyeya neyenyamira nti omuntu ayinza atya okuyingira obwengula bw’ennyanja Nalubaale nga talina kakooti kaseyeeya (jaketi) akasobola okumutaasa mu budde obuzibu!

 
“Bnnanyinni  maato bakome okutikka akabindo naawe omuntu bwolaba ng’eryaato litisse akabindo liveeko kubanga bwerikuleka si y’enkomerero y’obulamu bwo. Amaato galina okuba nga malamu bulungi kubanga eryato kidduka ng’ebirala nga lisobola okufuna obuzibu.Obutasanyuka nnyo ku lyaato naddala nga bamaze okunywa kubanga obeera tokyalina bwetengereze,” Katikkiro Mayiga bweyagaseeko.
 
Katikkiro yebazizza Katonda eyawonyezza obulamu bw’Omulangira David Wasajja, Omutaka Namuyimba Ttendo Keeya Muteesasira omukulu w’ekika ky’engo, Abakungu John Fred KIyimba Freeman, Hope Mukasa n’abalala ate naasasira famire zaabo abafiriddwa abantu baabwe.
 
Abamu ku bafudde kuliko Templa Junior ng’ono ava mu famire Bisase e Kira nga bano bakojja ba Kabaka, ye Yoweri Musumba ng’ono abadde ku lukiiko lwa Buganda Twezimbe era omugagga w’e Kampala n’e Mityana n’abalala bangi.

 

More From The Author

Emboozi z’omuwandiisi endala

Emboozi endala

Omulabirizi Rt. Rev Kityo Luwalira ng'akwasa Ven. Canon Moses Banja ne mukyala we Rev. Can Dr. Banja Baibuli.

Mwongere okusabira Ssaabasa...

OMULABIRIZI w'e Namirembe Wilberforce Kityo Luwalira, akunze Obuganda okwongera okusabira  Ssaabasajja Kabaka,...

Dombo ng'annyonnyola.

Pulezidenti waakusooka kusi...

Omukulembeze w'eggwanga, Yoweri Kaguta Museveni asazeewo okutandika okusisinkana ababaka ba NRM abapya abaakalondebwa...

Katikkiro Mayiga ng’ayogera.

▶️ Ebibuuzo 10 eri Katikkir...

ABATAKA abakulu b'ebika n'abantu ab'enjawulo bavuddeyo ku byayogeddwa Katikkiro Charles Peter Mayiga ku mbeera...

Wakabi abatuuze gwe baakubye nga bamulumiriza okumenya ebbaala n'abba.

'Munsonyiwe okubba naye mu ...

KINYOZI bamukwatidde mu bubbi n'asaba bamusonyiwe kubanga  mu saluuni  temuli ssente zimumala kweyimirizaawo....

Abakungubazi nga bakungaanye okulaba agambibwa okumenya emmotoka n'abba eyakubiddwa mu kuziika Fr. Tamale .

Bakubye agambibwa okubba mu...

ABAKUNGUBAZI batebuse omubbi agambibwa okulabiriza Bafaaza nga bali mu Mmisa eyawerekedde munnaabwe Fr. Joseph...