TOP
  • Home
  • Amawulire
  • Aba Bbanka enkulu bazzeemu okuweebwa ebiragiro ebikambwe

Aba Bbanka enkulu bazzeemu okuweebwa ebiragiro ebikambwe

Added 2nd December 2018

Aba Bbanka enkulu bazzeemu okuweebwa ebiragiro ebikambwe

 Edward Katimbo Mugwanya (ku kkono) eyakulirako okulondoola emirimu gya Bbanka Enkulu, Tumubweine Twinemanzi akulira okulondoola emirimu gya bbanka n'omumyuka wa Gavana, Dr. Louis Kasekende (ku ddyo).

Edward Katimbo Mugwanya (ku kkono) eyakulirako okulondoola emirimu gya Bbanka Enkulu, Tumubweine Twinemanzi akulira okulondoola emirimu gya bbanka n'omumyuka wa Gavana, Dr. Louis Kasekende (ku ddyo).

AKAKIIKO ka Palamenti akavunaanyizibwa ku kulondoola ebitongole bya Gavumenti aka COSASE kalagidde abakulira Bbanka Enkulu okuleeta enkya ebiwandiiko byonna ebiraga ekyabatunza amabanja ga bbanka ezaggalwa ku ssente entono.

Ababaka baasinzidde mu lukiiko ku Lwokutaano olwakubiriziddwa omumyuka wa ssentebe Annet Anita Among (mukazi/Bukedea) ne balaga obutali bumativu engeri amabanja ga bbanka essatu okuli; International Credit Bank, Greenland Bank ne Cooperative Bank gye gaatuundibwamu.

Wadde ng’amabanja gaali gabalirirwamu obuwumbi 135, wabula gaatundibwa ku buwumbi munaana n’obukadde 800 zokka. Edward Katimbo Mugwanya eyali akulira okulondoola emirimu gya Bbanka Enkulu yagambye nti ekyabatundisa amabanja ku ssente entono lwa nsonga nti gaali geeyongera obutavaamu ssente buli kiseera.

Kyokka lipooti y’omubalirizi w’ebitabo bya Gavumenti eya 2016 eraga nti yalemwa okutegeera abakulira Bbanka Enkulu ensonga kwe beesigamako okutunda ku ssente entono wadde nga waaliwo abaguzi ababawa ssente ezisingako.

Lipooti ekwata ku by’okutunda bbanka eraga nti Bbanka Enkulu yapangisa kampuni ya M/S J.N Kirkland okutunda ebyobugagga bya bbanka ezaali ziggwaddwa. Kirkland ate nayo yafuna kkampuni ya Octovian Advisors eya America n’egula ebyobugagga ku bukadde bwa ddoola 10.

Aba Octovian nabo baafuna kkampuni endala eya Nile River Acquisition Company n’egula amabanja ku bukadde bwa doola butaano, nga bwe buwumbi munaana n’obukadde 890.

BAGYENDA ASUUBIRWA MU KAKIIKO

Justine Bagyenda eyali akulira okulondoola emirimu gya Bbanka Enkulu enkya (Mmande) lw'asuubirwa okweyanjula mu kakiiko ka COSASE oluvannyuma lw’okumulinda okumala ekiseera nga talabikako. Yakoma okubeera mu kakiiko ku Lwokuna nga November 22, 2018. Robert Kagolo munnamateeka wa Bagyenda, yategeeza ababaka nti yali agenze mu Amerika nga yali asuubira okukomawomu December. Yaweereza ababaka ebbaluwa nti, agenda kutuuka mu ggwanga ku Ssande (leero) n’oluvannyuma alabikeko mu kakiiko enkya ku Mmande

More From The Author

Emboozi z’omuwandiisi endala

Emboozi endala

Abamu ku Badiventi nga balaga ekkanisa yaabwe eyamenyeddwa.

Bamenye ekkanisa y'Abadiventi

ABAADIVENTI balaajanidde gavumenti n'ekitongole ky'ebyokwerinda kinoonyereze ku baamenye ekkanisa yaabwe. Ekkanisa...

Omubaka Ssebunya (akutte akazindaalo). M katono ye Nanteza

Nnamwandu wa Kibirige Ssebu...

OMUBAKA Kasule Sebunya owa Munisipaali ya Nansana agumizza Abalokole muka kitaawe be yagabira ettaka ng'akyali...

Omubaka Zziwa (ku kkono) ng’ayogera eri abakungubazi mu kusabira omwoyo gwa nnyina mu katono.

Batenderezza maama wa Marga...

BANNADDIINI batenderezza omukwano Josephine Mugerwa 76, Maama wa Margaret Zziwa Babu gw'abadde nagwo ne basaba...

Katende

Eyakubiddwa akakebe ka ttiy...

ABOOLUGANDA lw'omusuubuzi mu katale ka St. Balikuddembe eyakubiddwa akakebe ka ttiyaggaasi mu Kampala mu kwekalakaasa...

Ssegirinya atenda Nalufeenya

Ssegirinya yandyesonyiwa ''Struggle'' ! sikuntenda gyatendamu Nalufeenya.