TOP

Abaana 111 babatiziddwa ku lutikko e Lubaga

Added 26th December 2018

ABAANA 111 bafunye e Saakalamentu lya Batisimu ne bayingizibwa mu Ekleziya Katolika mu butongole. Baabatiziddwa mu kitambiro ky’emmissa ekyabadde ku lutikko e Lubaga ku Boxing day.

 Faaza Emmanuel Kalema ng'abatiza omwana.

Faaza Emmanuel Kalema ng'abatiza omwana.

Bya LAWRENCE KIZITO

Faaza Emmanuel Calm Kalema eyakulembeddemu ekitambiro yasabye abazadde okwettikka obuvunaanyizibwa bwabwe, bakuze abaana bano nga bali mu kkubo lya Katonda.

"Mwetisse omugugu ogw'okulaba nga abaana bano tebava mu kkubo lya Katonda era mbasaba okukola obulungi omulimu guno, abaana mubayigirize eddiini, empisa, okutya Katonda n'okufuna amasaakalamentu, basobole okuweesa Katonda ekitiibwa." Faaza Kalema bwe yategeezezza.

Yannyonnyodde nti Eklezia ezze ebatiza abaana abato, abatayogera nga tebasobola kwesalirawo kubanga Yezu yagamba mu Yowanne 3:5 nti tewali muntu n'omu agenda kuyingira Bwakabaka bwa Katonda, okujjako ng'amaze okuzaalibwa mu mazzi ne mu mwoyo.

Yagambye nti ffenna tetumanyi nkomerero yaffe ku nsi ng'omwana singa afa nga tazaaliddwa mu mazzi, abeera agenda kusubwa Obwakabaka bwa Katonda.

Yayongeddeko nti okusalawo okusooka ku mwana kulina kukolebwa bazadde ku lw'obulungi bwe nga y'ensonga lwaki bamutwala ku ssomero, bamuyigiriza okunaaba, okwaniriza obulungi abagenyi nga tannaba kwesalirawo.

Yakubirizza abantu okujuliranga Yezu Kristu mu buli mbeera mwe babeera, kubanga mu ye mwe muli obulamu.

Mu missa eno Faaza Kalema yayambiddwaako akulira abavubuka e Lubaga Faaza Simon Peter Ssekyanzi.

More From The Author

Emboozi z’omuwandiisi endala

Emboozi endala

Fred Bamwine ng’akwasa Ndisaba ekitabo ky’ensonga z'e Mukono.

Ndisaba akwasiddwa ofiisi

Bya JOANITA NAKATTE                                                                                           ...

David Kabanda (ku ddyo) omubaka wa Kasambya, Haji Bashir Ssempa Lubega owa Munisipaali y’e Mubende ne Micheal Muhereza Ntambi, ssentebe wa disitulikiti y’e Mubende nga bawayaamu.

Abaalondeddwa ku bubaka mu ...

ABAAWANGUDDE ebifo by’ababaka ba palamenti ku kaadi ya NRM mu konsitityuwensi ez’enjawulo mu Disitulikiti y’e Mubende...

Matia Lwanga Bwanika owa Wakiso.

Ssentebe afunira mu nsako

Eyali Sipiika wa Jinja munisipaali oluvannyuma eyafuulibwa City, Moses Bizitu yategeezezza nti bassentebe ba disitulikiti...

Bakkansala ba Kampala nga bateesa mu City Hall gye buvuddeko.

Omusaala ogulindiridde aba ...

Bya MARGARET ZALWANGO OKULONDA kwa bassentebe ba Disitulikiti, bammeeya b'ebibuga (cities) ne bakkansala b'oku...

Omulabirizi Luwalira ng'asimba omuti.

Ekkanisa ne bwekwata omulir...

Omulabirizi w'e Namirembe, Rt. Rev. Wilberforce Kityo Luwalira agumizza Abakristaayo nti wadde sitaani asiikudde...