TOP
  • Home
  • Amawulire
  • Bakutte ebizigo ebirwaza kkansa nga bikukusibwa okutwalibwa mu Kikuubo

Bakutte ebizigo ebirwaza kkansa nga bikukusibwa okutwalibwa mu Kikuubo

Added 26th December 2018

EKITONGOLE ekivunaanyizibwa ku mutindo mu ggwanga nga kiyambibwako bambega b’ekitongole ekiketta mu ggwanga bakutte ebizigo ebigambibwa okulwaza kkookolo nga bitwalibwa mu maduuka.

Ebizigo ebyakwatiddwa byabadde bikukusiddwa kuva Congo nga bitwalibwa mu maduuka mu Kikuubo era okusinziira ku ba UNBS, ebizigo ziri bokisi 2015 nga bibalirirwamu obukadde 80.

Baabikutte December 20, 2018 oluvannyuma lw'okumala ebbanga nga banoonya ababiyingiza mu ggwanga. Byaggyiddwa mu nnyumba emu e Gayaza ku kyalo Gitta-Nabutaka.

Kigambibwa nti, ebizigo bino birimu ekirungo kya Hydroquinone ekirwaza kkookolo w'olususu. Okusinziira ku nsonda mu UNBS ne ISO, ebizigo bino kuliko ekika kya Clair Men, Coco Pulp ne Carol light byonna bikolebwa kkampuni ya Angel Cosmetics e Congo.

Bwebaabadde bakwata ebizigo bino, baakwatiddeko n'omusajja Peter Otim eyategeezezza nti, ye akuuma nnyumba wabula ebizigo bya Mikidadi Kwizera n'omusuubuzi w'omu Kikuubo Rehema Biryomumaisho naagamba nti bokisi 1,500 zaabadde zaatwaliddwa dda mu maduuka mu Kikuubo.

Abeebyokwerinda baategeezezza nti, ebizigo bino biva Congo nebabayisa ku nsalo e Kanungu ne Kasese nebabiyingiza mu ggwanga nebabiguza Bannayuganda. E Kanungu ne Kasese bituukira ku Ivan Muhairwe akola nga kayungirizi.

Bwebiva e Kasese ne Kanungu babituusiza Gayaza gyebalina sitoowa olwo nebiryoka bitambuzibwa mu maduuka mu Kampala n'eggwanga lyonna.

Hydroquinone kyekimu ku birungo ebikozesebwa mu kweyerusa kyokka Abangereza baakizuula nti, singa kiyitirira obungi, kiba kigenda kulwaza omuntu akikozesa kkookolo w'olususu.

"Ebisigo bino twabikebera dda mu byuma byaffe ng'ekirungo kya Hydroquinone kingi nnyo naye nga tetumanyi babireeta mu ggwanga kubayimiriza." Omukungu wa UNBS eyabadde mu kikwekweto bweyategeezezza.

More From The Author

Emboozi z’omuwandiisi endala

Emboozi endala

Balumbye Mayinja okuyingiza...

Abantu abenjawulo balumbye Ronald Mayinja okuyimba ng’awaana Museveni kyokka n’ayingizaamu Bobi Wine mu ngeri gye...

Musinga

Poliisi eraze enguudo ezige...

PULOGULAMU ya poliisi gye yafulumizza okulungamya eby’entambula ku luguudo lwa Jinja Road ng’abeegwanyiza obwapulezidenti...

Abakungubazi nga bayingira mu kkanisa e Kawaala.

Bazirise nga batuusa omulam...

EBIWOOBE n’emiranga byabuutikidde ekkanisa ya Revival Church e Kawaala ng’omulambo gw’abadde agisumba, Pasita Augustine...

Kabaaya ne ofiisa wa poliis...

POLIISI ng’eri wamu n’ekitongole ekirwanyisa obuli bw’enguzi mu maka g’obwapulezidenti ekikulirwa Lt. Col. Edith...

Pulezidenti Magufuli

Bawakanyizza obuwanguzi bwa...

Mu kiseera kino ng’ensi eri ku bunkenke olwa Corona era nga n’amawanga mangi gakyali mu muggalo, Magufuli yagaana...