Ba Manegya batendekirwe ahaby'esente - Sheema

N'ebya Michael Atwakiire, SHEEMA

Abarikukurira za kampuni, amashomero, amarwariro, ebigombe bya rweteeraine hamwe n’ebindi, barabwirwe okwegyendesereza kandi bakagyenda mpora baaba nibashohoza sente za ‘institutions’ zaabo ezi barikwebembera na munonga abo boona abaine abakugu abashomire eby’esente bakabikugukamu ngu ahabw’okuba babaasa kubatega emitego bagigwemu kandi nyetsya bibareetere ekizibu.

Managers

Ebi byona bigambirwe omumbuga nkuru za Ankore Western University, Kabwohe omumunisiparite ya Sheema ahamukoro gw’okuhendera okutendeka bakuru b’amatendekyero, ab’ebitongore na ba manegya ogwa Finance Management for Non Finance Managers ninga shi okubangura abo boona abatarashomire eby’esente kandi obwe nibo barikukurira sente ahi barikukorera eki bashangire ngu ahabw’obutabimanya, bingi bagwire omumitego y’abaabishomire barikubakozesa enshobi.

Aba bamazire wiiki 4 barikutendekwa kandi boona bahairwe ebipapura (certificates) eki mukuru w’eitendekyero eri Dr. Andrew Ainomugisha agizire ngu nibaza kuguma nibakora buri mwaka.

#WestUpdates