TOP
  • Home
  • Amawulire
  • Omuwala omulala alumirizza Sheikh Umar okumuzaalamu

Omuwala omulala alumirizza Sheikh Umar okumuzaalamu

Added 14th January 2019

SHEIKH Umar Kamoga 29, omusomi w’edduwa e Nansana ali ku mmeere e Luzira mu kiseera kino, ebintu byongedde okumwononekera, omuwala omulala bw’avuddeyo n’amulumiriza okumuzaalamu omwana kyokka n’agaana okumulabirira.

 Sheikh Umar nga bimusobedde.

Sheikh Umar nga bimusobedde.

Whitney Nagadya 20, omutuuze w'e Nansana-Wamala bwe yategedde nti Umar asindikiddwa e Luzira ku by'okufera obukadde 16, n'abissaamu engatto okugenda ku poliisi e Nansana n'alumiriuza Umar bwe yamuzaalamu omwana oluvannyuma n'amusuulawo era ng'abadde yamulabula obutabaako ky'ayogera ku bibakwatako.

Nagadya yategeezezza nti omwana gwe yazaala kati awezezza emyezi 8 naye okuva lwe yazaalibwa Umar tamuwanga yadde ku buyambi ssaako okwebalama okusasula ssente z'eddwaaliro gye yazaalira ate nga ye talina mulimu gw'akola.

Yagguddewo omusango ku Fayiro nnamba SD REF 51/10/01/2019 ku poliisi ye Nansana ng'avunaana Umar okumusuulawo.

Nagadya yeegasse ku muwala omulala Mariam Nakyanzi naye Umar gwe yazaalamu omwana n'amusuulawo era ng'ono ensonga ze okutereezebwa, Minisita akola ku nsonga z'abaana n'abavubuka Florence Nakiwala Kiyingi yamala kuziyingiramu ng'omusango gwe essaawa yonna omulamuzi wa kkooti ye Nabweru, Esther Rebecca Nasambu agenda kutandika okuguwulira.

Nakyanzi nga tannatwala Umar wa Minisita Nakiwala, yasooka kwegaana mwana we gwe yazaala mu Fatumah Najjuma omutuuze w'e Kawempe Kirokole era ono oluvannyuma yafa n'aziikibwa mu limbo e Nkoowe- Wakiso.

Umar abadde akyatuuyana na bya kuzaala mu bawala n'abasuulawo, ate Thomas Sikoyo omutuuze w'e Ganda-Nsumbi n'addukira ku poliisi y'e Nansana ng'agitegeeza nga Umar bwe yamufera n'amubbako obukadde 16 ng'amutegeeza nga bw'agenda okumusomera dduwa afunemu obukadde 32.

Omulamuzi wa kkooti ye Nabweru, Esther Rebecca Nasambu yamusindise e Luzira ku Lwokutaano okumala wiiki 3 era nga waakuddamu okulabikako mu kkooti nga February 1, 2019 lwe guddamu okuleetebwa mu kkooti.

More From The Author

Emboozi z’omuwandiisi endala

Emboozi endala

Fr. Kato nga bamwaniriza mu kigo ky’e Kamwokya.

"Musabire abakulembeze bamm...

KAABADDE kaseera ka ssanyu ate n’okunyolwa ku kigo ky’e Kamwokya, Abakristu bwe baabadde baaniriza Bwannamukulu...

Abakungubazi nga batunuulira ekifaanayi ky’omwana eyattiddwa.

Bawambye omwana ne bamutta

ABATEMU bawambye omwana ow’emyaka mukaaga ne bamutta mu bukambwe, omulambo ne bagwambulamu engoye. Rosemary Ngambeki...

Joseph Ssewungu (ku kkono) ne Latif Ssebaggala nga baliko bye babuuza minisita Jeje Odong (ku ddyo) ku lukalala lw’amannya g’abantu abatalabikako lwe yasomye mu Palamenti.

Ensonga z'ababaka 10 ezitan...

ABABAKA bawadde ensonga 10 lwaki tebamatidde lukalala olwayanjuddwa minisita w’ensonga z’omunda olulaga abantu...

Abaserikale nga batwala omulambo gw'omuwala.

Bagudde ku mulambo gw'omuwa...

ABATUUZE ku Kyalo Kakerenge mu Ggombolola y’e Gombe mu disitulikiti y’e Wakiso baguddemu ekyekango bwe bagudde...

Abatuuze nga baziika Ssali.

Amasasi ganyoose nga poliis...

Amasasi ganyoose nga poliisi y’e Wakiso egumbulula abatuuze abaaziikudde omulambo nga bagamba nti famire teyinza...