TOP
  • Home
  • Amawulire
  • Eyayuzizza ebbaluwa ya LC gamumyukidde ku Poliisi

Eyayuzizza ebbaluwa ya LC gamumyukidde ku Poliisi

Added 25th January 2019

Eyayuzizza ebbaluwa ya LC gamumyukidde ku Poliisi

OMUSUUBUZI  gamumyukidde ku poliisi lwa kuyuzaamu bbaaluwa ya LC eyamuweereddwa ng'alina amuvunaana

Noordine Kasozi  omusuubuzi ng'alina edduuka mu Kibe zooni ku Kaleerwe yatunudde ebikalu bwe yakwatiddwa  akakiiko ka LC ya Kibe ne kamutwala ku poliisi y'oku Kaleerwe nga bamulanga okunyomoola LC y'ekitundu bwe yamutaddemu ekitiibwa n'emuwandiikira ebbaluwa nga waliwo omutuuze amuvunaana nga bwe yagula essaawa muduuka lye n'agaana okugimuwa lwa 5000 ezasigalayo .

Sheikh Swaibu Nkalubo Tomusange 90  yalumirizza Kasozi nti  omwaka oguwedde mu Feb yagenda ku Dduuka  ng'ayagala essaawa y'oku kisenge gye baamulamulira 45000/ n'asasulako 40000/ nga yalina okutwala balansi ow'e 5000 bamuwe essaawa ye , ssente bwe zamubula n'asalawo okuddayo okudduka abannyonnyole bamuwe essaawa oba sikyo bamuddize ssente ze yasasulako.

Yagambye nti buli lwe yagenda nga kudduuka nga tebamufaako okutuusa ku bwe yagenze  ku LC n'emuwandikira ebbaluwa ng'emuyita agende abannyonyole ensonga muzeeyi Tomusange zamuvunaana.

Omuwandiisi ku lukiiko lwa LC  yatwalidde Kasozi ebbaluwa kudduukalye era Kasozi olwagikutte n'agimuyuliza mu maaso  ssaako n'okwagala okukuba omuwandiisi.

 

Ensonga zeeyongeddeyo poliisi n'ekwata kasozi  ng'omusango guli   Fayiro  nnamba SD REF : 19/18/01/2019 , Kasozi yategeezezza nti Tomusange mu kugenda kudduuka okusasula ku ssaawa si ye yaliwo waliwo mukyala , yagasseko n'eyetonda olw'okuyuza ebbaaluwa ya LC

Sulaiman Busulwa ssentebe wa Kibe ne Isma Kibe omuwanika ku kakiiko ka LC  baategeezezza nti Kasozi kye yakoze okuyuzza ebbaaluwa ya LC kikyamu nnyo  ng'era aba yagyemedde gavumenti Kibe yategeezezza nti Kasozi ne LC enkadde yali agiyisaamu amaaso ng'era yayuzzako ne ku bbaluwa ya nga guno mulundi gwa kubiri

More From The Author

Emboozi z’omuwandiisi endala

Emboozi endala

Abaserikale nga bawaayo ebyambalo.

Aba SPC bawaddeyo ebyambalo...

ABASIRIKALE 200  abaateekebwawo okuyambako mu biseera by'okulonda bazizzaayo ebyambalo bya poliisi abamu  nga...

Aba NUP nga bawaga e Kamwokya.

Aba NUP si bamativu ku miso...

ABAKULEMBEZE b'ekibiina kya National Unity Platform (NUP) bavuddeyo ku misolo emipya egiteekebwateekebwa gavumenti...

Zaake ng'ayogera e Kamwokya.

Omubaka Francis Zaake awera

Omubaka Francis Zaake akiikirira munisipaali y'e Mityana era nga ye mukulembeze w'abavubuka mu NUP, alojjedde Bannakibiina...

Kayongo ng'annyonnyola.

Nkyali mukulembeze w'akatal...

Abadde ssentebe w'akatale ka St.Balikuddembe, Godfrey Kayongo ategeezeza nti akyali mukulembeze w'abasuubuzi b'ekibiina...

Abakugu nga balaga ekyuma ekifuyiira n'okutta obuwuka bwa Covid 19.

Bakoze ekyuma ekifuyiira n'...

Abakugu mu bya tekinologiya okuva mu ggwanga lya Romania nga bali wamu n'ab'ekitongole kya Good Care baliko ekyuma...