Abarikuteekateekwa kuba aba ADF 2 bakwatsirwe- Enanga.

N’ebya Omushaki weitu

Pooriisi omu disiturikiti eya Kitagwenda ekwatsire omushaija w’emyaka 27 orikuteekateekwaho kuba ari mbega w’abahekyera ba ADF.

Arikugambaho n’abanyamakuru aha kitebe kikuru kya Pooriisi omuri Naguru, Kampala Orw’okubanza, Omugambirizi wa Pooriisi, Fred Enanga akyorekire ngu nyakuteekateekwaho akwateirwe omu kyaro ekya Kafunda omuri Ibanda Munisiparite. 

Nikigambwa ngu nyakuteekateekwaho n’abandi 5 bakabuzibwaho abahekyera ba ADF omu mwaka gwa 2015 obwo barikuhambirwa aha mugyera gwa Nyamwamba omu disiturikiti eya Kasese.

Aba bakaija batwara omunshozi za Kilembe aha rushozi rw’amaani orwa Mt. Rwenzori nikwo kutwarwa omu eihanga erya Democratic Republic of Congo ahi yaatendekiirwe.

Omu makuru agandi nk’aga, Pooriisi ya CPS omuri Kampala eine omu kihome kyayo Ransur Komakech, 18, orikumanywa munonga nka Kadogo orikugambwa kuba ari omuhekyera wa ADF oshangirwe n’amasasi.

Kadogo aikiriize ngu atwire omu guruupu y’abahekyera ba ADF abu yayegaitsireho aine emyaka 7 beitu naagira ngu akabaasa kutooroka omu kampu y’abahekyera nikwo kugaruka omu Uganda.

#WestUpdates