TOP
  • Home
  • Amawulire
  • Abavubuka mukomye effujjo bwe muba mwagala okugenda mu maaso- Omubaka Zaake

Abavubuka mukomye effujjo bwe muba mwagala okugenda mu maaso- Omubaka Zaake

Added 12th February 2019

OMUBAKA wa Mityana North, Francis Zaake agambye abatuuze b’e Lwengo nti ekisinde kya ‘People Power’ kimaliridde okugoba abavubuka abakola effujjo abavuddeko emivuyo gy’okwekalakaasa kibayambeko okuwangula akalulu mu mirembe.

 Zaake ng’ayogera eri Bannalwengo. Ku ddyo sipiika wa Buganda Youth Council, Allan Ssebunnya ne Kizza.

Zaake ng’ayogera eri Bannalwengo. Ku ddyo sipiika wa Buganda Youth Council, Allan Ssebunnya ne Kizza.

 "Tetugenda kuwangula kifo kyonna singa abavubuka tetweddako mu ntalo ze tuwakula era mwerabidde nti abantu be mukoleramu effujjo ate bakugu n'okubasinga kuba buli kimu eky'okulwanyisa n'obukodyo bakirina. N'olwekyo tumaliridde okugoba buli aneenyigira mu mivuyo kuba tewali bukulembeze bunyuma ng'okuwangula akalulu mu mirembe," omubaka Zaake bwe yategeezezza.

Okwogera bino yasinzidde mu kuggalawo empaka z'emipiira egy'abawala n'abalenzi egyategekeddwa Hakim Kizza nga gino gyabadde ku kisaawe kya Bbaale Stadium mu kabuga k'e Kinoni ng'omupiira ogw'abalenzi gwaggweeredde mu bikonde bwatyo Kizza n'ayimiriza omupiira guno okutuusa ku Lwokusatu lwa wiiki eno.

Zaake yasabye abakulembeze okusakira ebitundu byabwe n'okubiteeseza omuli n'okutumbula ebitone by'abavubuka baleme okubagawo amateeka aganyigiriza eddembe ly'omuntu nga bweguli ku minisita Kiwanda ayagala okutumbula ebitone by'obubina bw'abakyala mu ggwanga ekintu eky'obuswavu.

Sipiika wa Buganda Youth Council, Allan Mayanja Ssebunnya yasabye abavubuka okukomya okulowooleza mu byobufuzi nti bagenze kufuna mirimu n'abalabula okugenda mu byobufuzi n'ekigendererwa ky'okuweereza abantu.

Mayanja naye yalabudde abavubuka okukomya effujjo eribaviiriddeko obulemu n'amaka gaabwe okusasika n'abasaba okukikomya basobole okweyagalira mu buvubuka bwabwe.

Abalala abaabaddewo ku mpaka zino kwabaddeko Francis Kizito owa Lubaga North, Batemyetto n'abalala.

More From The Author

Emboozi z’omuwandiisi endala

Emboozi endala

RDC Kirabira ne ssentebe Matia Bwanika nga batema ddansi. EBIFAANANYI BYA PETER SSAAVA

CAO wa Wakiso atabaganyizza...

Akabaga kano akaabaddewo ku Lwokuna ku Maya Nature resort mu ggombolola y'e Nsangi e Wakiso, keetabiddwaako abakulira...

Omugenzi Sgt. Dick Magala

Abapoliisi abaafiiridde mu ...

GIBADDE miranga na kwazirana ku kitebe ky’ekitongole kya poliisi ekinoonyereza ku buzzi bw’emisango (CID) e Kibuli...

Ebimu ku bibala ebitwalibwa ebweru. Mu katono ye Kanyije.

Abatwala ebirime ebweru bee...

Abat wala ebirime ebweru w’eggwanga beemulugunya ku buseere bw’entambula y’ennyonyi ez’emigugu ng’ebisale byalinnyisibwa...

Ssentebe wa Luwafu B, Iga Gonzaga ng’annyonnyola abamu ku batuuze be ebyavudde mu kkooti.

Kkooti eyimirizza NEMA okug...

ABATUUZE b’e Kansanga abasoba mu 300 bafunye ku buweerero Kkooti Enkulu bw’efulumizza ekiragiro ekigaana ekitongole...

Abamu ku baffamire mu maka ga Maj. Mukasa e Kagoma.

Munnamagye eyayambako okule...

MUNNAMAGYE omulala, Maj. Gen. Eric Mukasa 60, eyakuba emmundu okuwamba enkambi y’e Kaweeweeta mu lutalo olwaleeta...