TOP
  • Home
  • Amawulire
  • People Power ereese Kagimu avuganye Nambooze mu 2021

People Power ereese Kagimu avuganye Nambooze mu 2021

Added 7th March 2019

People Power ereese Kagimu avuganye Nambooze mu 2021

 Nambooze ne Kagimu

Nambooze ne Kagimu

AB'EKISINDE kya People Power basazeewo Meeya wa Mukono Munisipaali, George William Kagimu avuganye omubaka Betty Nambooze ku bubaka bwa palamenti mu 2021.

Olukiiko olwakakasizza Kagimu lwatudde Makerere nga lwe tabiddwaamu abakungu ba People Power ab'enjawulo okwabadde; John Marry Ssebuwufu, Micheal Mabikke, Samuel Lubega Mukaaku, Fred Nyanzi n'abalala. Bino byonna biddiridde olutalo olwabaddewo ku Lwomukaaga ku Bulange abawagizi ba People Power bwe baalumbye Besigye nga baagala okumukolako effujjo.

Wiiki ewedde, aba People Power nga bakulembeddwaamu omubaka wa Kyadondo East, Robert Kyagulanyi (Bobi Wine), Dr. Lulume Bayigga, Dr. Abed Bwanika ne Moses Kataabu baakyalidde Kagimu bwe yabadde ategese akabaga ne boogera ku byobufuzi eby'enjawulo.

Mabikke yagambye nti ezimu ku nsonga ze baayogeddeko era ne bagikkaanyaako ye y'okusimba Kagimu ku bubaka bwa Mukono Munisipaali. Yagambye nti, ekirungi ne Kagimu yakkirizza era beetegefu okumuwa obuwagizi bwonna obwetaagisa kuba bakizudde nga Nambooze yasalawo kutambula na FDC.

Yagambye nti, waliwo abantu ab'enjawulo abali mu People Power abeegwanyiza ebifo ebyenjawulo, kyokka bajja kufuba okulaba nga buli kifo kyesimbwako omuntu omu okulonda bwe kunaatuuka.

Mabikke yagambye nti, ekirala kye baasazeewo kwe kusimbawo Dr. Abed Bwanika ku bwa Loodi Meeya wa Kampala asobole okusiguukulula Erias Lukwago. Wadde nga Latif Ssebaggala gwe bali naye mu kisinde ye yasooka okwerangirira, kyokka baakizudde nga Bwanika y'amusinza embavu era gwe bagenda okutambula naye.

Omwogezi wa DP, Kenneth Paul Kakande yagambye nti, ekiseera kino si kya kweyagaliza bifo n'alabula nti abalwanira ebifo bayinza okutta ensonga. Yagambye nti, enkolagana yaabwe ne FDC ekyaliwo era tebaagala ntalo wadde omu okulumba munne.

Yategeezezza nti, ekibiina kya DP kirina enteekateeka ey'enjawulo gye kigenda okwanjula egenda okutwala eggwanga mu maaso nga kikolaganira wamu n'ebibiina ebirala n'agamba nti okulwanagana kiwa NRM mukisa gubamegga

More From The Author

Emboozi z’omuwandiisi endala

Emboozi endala

Omuzannyi wa Villa (ku kkono) n'owa Busoga United nga bagoba omupiira mu gwa liigi ogusembyeyo. Baagwa maliri, 1-1.

VILLA ETUNUZZA OMUDUMU MU UPDF

Leero (Lwamukaaga) mu Liigi (10:00); SC Villa - UPDF, Bombo Onduparaka - Vipers, Arua KCCA - Kitara, Lugogo Bright...

Cheptegei ng'ajaganya.

Likodi za Cheptegei zimweyi...

ENJOGERA egamba nti ‘Katonda nga yaakuwadde, n'ennume ezaala' etuukira bulungi ku muddusi Joshua Cheptegei. Ye...

Ivana Ashaba (mu maaso), owa Hippos ng'alemesa owa Burkina Faso okutuuka ku mupiira.

Hippos eyiseemu kavvu

ENKAMBI ya ttiimu y’eggwanga ey’abatasussa myaka 20 (Hippos), yeeyongeddemu ebbugumu, FUFA bwe baawadde doola 80,000...

Ttakisi mu paaka enkadde.

'Bbeeyi y'entambula esusse'

ABABAKA ba palamenti bennyamivu olw’ebisale by’entambula ebyeyongera okulinnya buli lukya ekinyigiriza abasaabaze....

Fr. Kabagira ne Fr. Mubiru nga baganzika ekimuli ku ntaana ya Ssaabasumba Joseph Kiwanuka mu Eklezia e Lubaga.

Bajjukidde Ssaabasumba Kiwa...

ABAKKIRIZA bajjukidde Ssaabasumba Joseph Nakabaale Kiwanuka eyafa nga February 22, 1966 n’aziikibwa mu Eklezia...